●●● GRATIS KOERIER AFLEWERING OP BESTELLINGS BO R450 ●●●
Klik om te vergroot
Klik om te vergroot
9780799384987

Fiksie: Uitverkoping

Fiksie  -  Uitverkoping
R 225
R 95Jy spaar R 130
Waar liefde lê
Want daar's skoenlappers
Heldergeel dag

Waar liefde lê: In Lana se kort joernalistieke loopbaan vertrou die redakteur haar net met berigte oor celebs. Tot sy die dag 'n kollega moet uithelp toe 'n omgewingskundige 'n lesing gee. Nie dat dit haar opgewonde het nie want sy wil oor politiek verslag doen, nie oor 'groen aktiviste wat bome loop en omhels' nie. Maar niemand het haar gesê hierdie groen aktivis is so lenig en het sulke blou oë nie; ook nie dat sy passie veel intiemer kan word as vir 'n klimekspedisie Kilimandjaro toe, en dat hy nie net bome omhels nie ... En niemand het hom gesê Lana het 'n doodse vrees vir berge nie. Kan twee sulke uiteenlopende mense mekaar vind?

Want daar's skoenlappers: Gemma is 'n mediese dokter en Nick 'n oorlogsfotograaf. Boonop is Gemma se broer met Nick se suster getroud. Maar hierdie twee aangetroude familielede het die talent om mekaar verkeerd op te vryf want kort-kort is daar 'n uitval. Wat hierdie situasie ietwat eienaardig maak, is dat hulle nie hulle hande van mekaar kan afhou nie en gedurig in mekaar se gedagtes is. Toe Nick saam met ander oorlogsfotograwe in Libië gevange geneem word en Gemma terselfdertyd siek word in Haiti, is dit asof 'n onsigbare mag hulle na mekaar toe aantrek. Maar of hulle mekaar opnuut die hare gaan invlieg - sou hulle mekaar ooit weer sien - is 'n ander vraag.

Heldergeel dag: Vir 'n wynmaker soos Cara is dit sommer 'n helderblou dag wanneer iets goeds gebeur. En 'n heldergeel dag wanneer daar nou regtig iets wonderliks gebeur. Maar met haar vriendin se broer Henry in die omgewing kan die geelste dag vaal word. In al die jare sedert sy hom leer ken het, kon hulle mekaar nie verdra nie. Of dink hulle net so omdat hulle eintlik te veel van mekaar hou? Maar net toe dit begin lyk asof sake duideliker word, kom hy met 'n lys verskonings oor hoekom dit nie tussen hulle sal werk nie. En Cara het nou genoeg hiervan gehad. Laat hy net weer naby haar kom!
Publikasiedatum: 2017-05-01
Klik om te vergroot
Klik om te vergroot
9780799384994

Fiksie: Uitverkoping

Fiksie  -  Uitverkoping
R 270
R 119Jy spaar R 151
Solitaire, Woestynroos, Droomland en Wilde klawer is 'n vierluik oor vier vroue wat deelgeneem het aan 'n Boer soek 'n vrou-kompetisie en hulle wedervaringe daarna.
Wilde klawer is die vierde boek in die reeks en gaan oor McKenna Wilde wat 'n spesiale gawe het om deur aanraking te "sien". Vir hierdie ekstrovert wat verkies om eerder op die ligter sy van die lewe te fokus, is dit eerder 'n vloek as 'n seën. 'n Brief van 'n onbekende vrou lei haar terug na haar geboorteland, Noord-Ierland. Hier word sy gekonfronteer met haar ma se donker verlede en die Wildes se betrokkenheid by die IRL (Ierse Republikeinse Weermag) se bloedige stryd teen Britse oorheersing.
Maar dit is ook 'n reis na selfontdekking. McKenna leer sy kan nie van haarself en haar herkoms vlug nie. In haar soeke na selfaanvaarding word dit vir haar duidelik 'n vrou moet eers 'n man met haar hart kan vertrou voor sy hom met haar lyf vertrou. McKenna, wat nog altyd weggeskram het van blywende verhoudings, sien oplaas in dat intimiteit sonder liefde bloot 'n gejaag na wind is.
In Portballintrae, 'n klein hawedorpie aan die Ierse Noordkus, kruis haar pad met verskeie mense s'n wat haar nie noodwendig almal goedgesind is nie. Die Donovan-broers wat 'n pub in Bushmills besit. Die Engelsman James Fellowes wat navorsing oor the Troubles doen en die Suid-Afrikaner Tim Els.
Tim Els,'n tandarts wat vir twee jaar in Noord-Ierland werk, is vasgevang in sy eie ongelukkige verlede. McKenna besef sy kan haar gawe gebruik om hom te help. Maar dit is moeilik om teen 'n spook vir 'n man se hart te baklei. Boonop is dit vir McKenna 'n vreesaanjaende gedagte dat sy haar leefruimte permanent met 'n man moet deel.
Publikasiedatum: 2017-05-01
Klik om te vergroot
Klik om te vergroot
9780798174329

Fiksie: Uitverkoping

Fiksie  -  Uitverkoping
R 360
R 59Jy spaar R 301
'n Nuwe roman deur die bekroonde skrywer John Miles. Dieselfde temas geld as in sy vroeëre werk: 'n besinning oor die vervlietendheid van die menslike bestaan & die onontkombaarheid van die dood, deurgaans gekenmerk deur 'n amper moedswillige humor.  Die verhaal begin in 'n tuinwoonstelletjie waar 'n oud-onderwyser een aand sit en musiek luister, min wetende dat daar 'n lewensveranderende insident met 'n hond op hom wag. 'n Meesleurende roman, met 'n merkwaardige insig in die mens se lot.
Publikasiedatum: 2016-11-01
Klik om te vergroot
Klik om te vergroot
9780799379860

Fiksie: Uitverkoping

Fiksie  -  Uitverkoping
R 150
R 49Jy spaar R 101
Altesaam 12 Afrikaanse gedigte is deur 12 animasiekunstenaars, of groepe kunstenaars, geanimeer en daarna is dié 12 gedigte ook vertaal en die klankbane van die animasiefilms oorgeklank in Engels, Zoeloe en Sesotho. Diek Grobler is die kreatiewe regisseur en die uitvoerende vervaardiger vir die ATKV is Nita Cronjé.

Die 12 gedigte is:

Jeanne Goosen se My mamma is bossies, geanimeer deur Naomi van Niekerk;

Nathan Trantraal se Geel walvis, geanimeer deur Alida Bothma;

DJ Opperman se Stad in die mis, geanimeer deur Jac en Wessel Hamman;

Elisabeth Eybers se Busrit in die aand, geanimeer deur Arnaud van Vliet:

Andries Bezuidenhout se Perron, geanimeer Marinda du Toit en Tessa Louw;

Boerneef se Die berggans het 'n veer laat val, geanimeer deur Erentia Bedeker;

Heilna du Plooy se Afrikaan in Nederland, geanimeer deur Hanno, Dewald en Roger van der Merwe;

Martjie Bosman se Nagte in die tuine van Spanje, geanimeer deur Theresa Jo Wessels;

Joan Hambidge se Smoke gets in your eyes, geanimeer deur katty vandenberghe en Anni Snyman;

Marlise Joubert se Groet, geanimeer deur Charles Badenhorst;

Johann de Lange se Wisseling, geanimeer deur Michéle Nigrini;

Ronelda S Kamfer se Vir die voëls, geanimeer deur Diek Grobler.
Publikasiedatum: 2016-09-01
Klik om te vergroot
Klik om te vergroot
9781485305453

Fiksie: Uitverkoping

Vertaler: Daniel Hugo
Fiksie  -  Uitverkoping
R 225
R 89Jy spaar R 136
Marc Schlosser, 'n huisdokter, begaan 'n mediese fout en as gevolg daarvan sterf een van sy pasiënte. Schlosser moet voor die Mediese Raad verskyn om verantwoording te doen. Schlosser is nie te bekommerd oor die Mediese Raad nie: Hy sal seker 'n paar maande geskors word, wat nie te erg is nie. Wat die saak egter kompliseer, is dat die pasiënt 'n baie bekende akteur, Ralph Meier, is, wat miskien net te veel aandag gegee het aan Schlosser se pragtige vrou, Caroline. Of hou die hele gedoente verband met wat by die Meiers se vakansiehuis gebeur het toe die Schlosser-gesin daar op besoek was?
Soos in Die aandete is die hoofkarakter van die verhaal ook die verteller wat net vertel wat hy wil hê die leser moet weet en so die leser aan die raai hou oor wat werklik gebeur het.
Publikasiedatum: 2015-11-01
Klik om te vergroot
Klik om te vergroot
9781485304326

Fiksie: Uitverkoping

Vertaler: Daniel Hugo
Fiksie  -  Uitverkoping
R 260
R 99Jy spaar R 161
In Gelukkige slawe bevind twee Belgiese mans met presies dieselfde naam en van, Tony Hanssen, hulleself op 'n keerpunt.
In Buenos Aires speel Tony Hanssen - eens 'n toerdirekteur op van die mees luukse plesierbote ter wêreld - 'n gevaarlike speletjie as toyboy van mevrou Bo Xiang, die bejaarde eggenote van 'n skatryk Chinese bouondernemer met legendariese genadeloosheid. In Suid-Afrika korrel 'n ander Tony Hanssen - die vlugtende rekenaarprogrammeerder van 'n bankrot bank - met 'n geweer na 'n renoster in die Krugerwildtuin. Die een Tony wil sy vryheid terughê, en die ander een sy gesin. Eers as hulle mekaar vir die eerste keer ontmoet, op 'n ander kontinent, blyk dit hoeveel hulle op mekaar aangewese is.
Tom Lanoye is 'n bekende skrywer, digter, dramaturg, joernalis, vertaler en kritikus. Hy is een van die mees geleesde en vereerde skrywers van sy taalgebied en sy werk is in meer as 15 tale vertaal. Hy woon in Antwerpen en Kaapstad. Hy het verskeie pryse vir sy skryfwerk ontvang, waaronder meermale die gesogte Goue Uil-lesersprys, asook die Constantijn Huygensprys vir sy hele oeuvre.
Daniel Hugo is 'n voltydse vertaler, skrywer en redigeerder. Hy is 'n gerekende digter met reeds 14 poësiebundels op sy kerfstok. In 2014 ontvang hy die Akademie vir Wetenskap en Kuns se prys vir die vertaling van Sprakeloos (2011), ook van Tom Lanoye.
Publikasiedatum: 2015-10-01
Klik om te vergroot
Klik om te vergroot
9780799373608

Fiksie: Uitverkoping

Fiksie  -  Uitverkoping
R 250
R 125Jy spaar R 125
As die dood onverwags en gewelddadig kom, is dit regtig beter om vinnig, sonder lyding, saam te gaan? Het die meeste mense nie daardie oomblikke nodig om te bely en om vergifnis te vra nie?
'n Middeljarige tandarts word tereggestel in sy sitkamer, een skoot in sy voorkop, maar nie voor hy een woord teen die muur geskryf het nie - in die bloed wat uit die sny in sy hand drup. Adjudant Colin Menck kyk na die sewe letters teen die muur, die 'skoon' toneel, en hy is oortuig dis 'n professionele moordenaar se werk.
Maar wie het hom gehuur? Daar is verdagtes, veral sy vrou, wat net te onemosioneel oor die moord is. Maar wat het hy gedoen dat iemand betaal het om hom te laat doodmaak?
Terwyl Menck nog antwoorde soek, word 'n tweede man in sy woonstel tereggestel. Weer is daar sewe letters in bloed teen die muur. Nou is daar baie meer vrae, want daar is geen tekens dat hierdie twee slagoffers enige verbintenis met mekaar gehad het nie.
Die enigste raakpunt is nog 'n ongelukkige vrou, 'n eks hierdie keer, hulle seuntjie 'n twispunt.
Om sake te bemoeilik, het Menck en sy nuwe jong kollega mekaar nog nie regtig gevind nie. Daar is boonop die wrywing met die nuwe ambisieuse groepleier én iemand uit 'n hoofstuk in sy lewe waarvan hy eerder wil vergeet.
Hoeveel name is op hierdie moordenaar se lys? Hoeveel mans gaan nog SKULDIG in hulle eie bloed skryf?
Publikasiedatum: 2015-03-01
Klik om te vergroot
Klik om te vergroot
9781485300939

Fiksie: Uitverkoping

Vertaler: Daniel Hugo
Fiksie  -  Uitverkoping
R 260
R 99Jy spaar R 161
Liefde en venyn tussen broers, botsende belange tussen handel en wetenskap, fabrieksmeisies wat met sekshormone volgestop word en testosteroongedrewe base - Die hormoonfabriek is 'n bloedstollende verhaal, geïnspireer deur historiese feite, waarin die onderskeid tussen goed en kwaad soms vertroebel raak deur die opwinding van wetenskaplike ontdekkings.
Die suksesvolle besigheidsman Mordechai de Paauw, Motke vir sy vriende, besef op sy oudag dat hy nie daarin kon slaag om fatsoenlik te lewe nie.
In die twintigerjare van die vorige eeu het hy en sy tweelingbroer Aron 'n asemrowende projek aangepak. Saam met die beroemde farmakoloog Rafaël Levine het hulle 'n bedryf begin waarin die afvalvleis van Motke se vleisfabriek gebruik is vir die ontwikkeling van hormoonpreparate.
Die omstandighede aan die begin van die onderneming is nie gunstig nie. Ernstige armoede, misdadigheid en opkomende antisemitisme vorm 'n giftige mengsel in die Katolieke plattelandse dorpie waar die twee broers woon en werk. Maar Motke de Paauw druk deur; geen prys is vir hom te hoog nie. As ten slotte ná die Tweede Wêreldoorlog bestek opgeneem word, blyk dit dat niemand ongeskonde uit die stryd gekom het nie.
Publikasiedatum: 2014-12-01
Klik om te vergroot
Klik om te vergroot
9781920654580

Fiksie: Uitverkoping

Fiksie  -  Uitverkoping
R 150
R 50Jy spaar R 100
Helmuth Gunther, die aantreklike baas van Gunther en Vennote, styg met sy Cessna net buite Reniersburg in die Karoo op. Hy is opgewonde om 'n grondtransaksie in die Weskus te gaan beklink. 'n Verskriklike windstorm laat sy vliegtuig egter neerstort in 'n bloekombos. Die harde kopstamp wat Gunther opdoen, vlek die donker gange van sy jarelange geheueverlies oop. Sy staatmakersekretaresse, Lanie de Wet, loop haar langs Gunther se hospitaalbeeld in sy onthoubeelde vas en begin besef...die man op wie sy verlief is, is dalk iemand anders. Hoe onvoorspelbaar, hoe diep en hoe lank kan 'n stormsee sy geheime bewaar?
Publikasiedatum: 2014-07-01
Klik om te vergroot
Klik om te vergroot
9780799369656

Fiksie: Uitverkoping

Fiksie  -  Uitverkoping
R 250
R 109Jy spaar R 141
'n Hoerskoolmeisie se liggaam word 'n ent buite Durbanville ontdek. Wanneer die patoloog sien dat die meisie gehang is, onthou sy 'n soortgelyke geval. Die laaste ding waarvoor die middeljarige inspekteur Jan Magson lus is, is 'n reeksmoorddossier...


Jeanette Ferreira, die teksredakteur, sê van Donker spoor: 'Briljant. Afskuwelik. Gebalanseerd. Dis nie elke debuut wat so daar uitsien nie. Hierdie skrywer verstaan boosheid en broosheid. Ek is werklik beindruk.'
Publikasiedatum: 2014-07-01
Klik om te vergroot
Klik om te vergroot
9781920654535

Fiksie: Uitverkoping

Fiksie  -  Uitverkoping
R 179
R 50Jy spaar R 129
Die jaar 1939. Wêreldgeskiedenis sou onherroeplik verander.
'n Waterskeidingsjaar vir die Afrikaner.
By George onder die Outenikwaberg, kom 'n ongeletterde Abraham tot die besef van die belangrikheid van boekgelerentheid. Abraham droom van 'n familie met Stella, die jong onderwyseres. Om een dag kinders op sy eie grond groot te maak.
Só begin sy lewensreis, deur Sentraal Afrika, tot by Egipte. En weer terug na George, se vrugbare grond. Die swarthout en geelhout, waaruit hy 'n sideboard vir Stella wil maak.
Deur sy lewenstryd word die sideboard 'n huisaltaar - 'n simbool van geloof. Voortdurend bedreig en byna deur die vuur vernietig.
Die Sideboard is ook die verhaal van Abraham se vriendskap met Kobus, die jong Afrikaner.
Publikasiedatum: 2014-04-01
Klik om te vergroot
Klik om te vergroot
9780799364057

Fiksie: Uitverkoping

Fiksie  -  Uitverkoping
R 350
R 149Jy spaar R 201
Die vroulike hoofkarakter, Gretl, se ouma was 'n Jodin wat met 'n Duitser getroud is. Haar ma was dus half-Joods en haar pa patrioties Duits. Sy en haar suster is slegs 25% Joods, maar in Nazi-Duitsland is Jode in 1944 na Auschwitz gestuur - selfs in die derde en die vierde geslag. Teen daardie tyd wéét die Jode van die doodskampe. Daarom laat die ma haar twee dogtertjies ontsnap deur 'n klein opening in die beestrok waarmee hulle vervoer word. So swerf die agtjarige Gretl en haar twaalfjarige suster deur die suide van Pole op pad na familie in Switserland. Die suster word ernstig siek en hulle kry onderdak by 'n bitter arm Poolse vrou met 'n swetterjoel kinders.

Die manlike hoofkarakter, Jakób, is 'n vurige Poolse student wat tydens die oorlog by die Poolse weerstandsbeweging aansluit. Die beweging het hoofsaaklik guerrilla-aanvalle op beide Duitse en Russiese magte gedoen, gestreef na die outonomie van Pole ná die oorlog, en vlugtelinge, ook Jode, gehelp.

Wanneer Gretl se suster sterf, en die Poolse vrou ook nie meer na haar kan omsien nie, word Gretl Jakób se verantwoordelikheid. Gretl weet nie waar of wie die familie is waarheen hulle op pad was nie, dus neem hy haar saam na sy ouerhuis in Czestochowa. Daar is egter geweldige armoede en tekorte in die naoorlogse Pole, sodat sy teen die einde van 1947 ook nie meer daar kan bly nie. Jakób lees van 'n program wat Duitse wesies na Suid-Afrika stuur en hy kry haar daar in.

In Suid-Afrika word Gretl aangeneem deur Kate en Bernard Neethling van Ver wink die Suiderkruis en word verder groot op hulle familieplaas in die Bosveld. Gretl het haar lewe begin as 'n Duitsertjie in die Lutherse Kerk. Toe haar pa sterf, het die res van die gesin by haar weduwee-ouma gaan bly. Hier volg hulle Joodse gebruike. By Jakób se familie beland sy in 'n Pools-Katolieke gemeenskap. In Suid-Afrika moet sy aanpas in 'n konserwatiewe Calvinistiese Afrikanerhuis, -skool en -gemeenskap. Sy ontsnap na 'n wêreld van haar eie waar realiteit en fantasie vermeng raak om die verlange na Jakób te temper.

Tydens die Poolse Rewolusie van 1956 word Jakób gedwing om Pole te verlaat en te vlug na Suid-Afrika.

Uiteindelik vind Gretl en Jakób mekaar weer, maar albei het intussen verander. Sy is 'n pragtige derdejaar- B.A.-student aan Tuks wat weet wat sy wil hê, maar nie seker is wie sy is nie. Hy is 'n ingenieur van byna 35, ontnugter en ontwortel, maar vasbeslote om in hierdie sterk anti-kommunistiese land 'n toekoms te bou.

Wanneer hulle ontdek dat daar gevoelens tussen hulle is, weier haar pa, aangesien Jakób 'n Katoliek is. As twee randkarakters in hulle nuwe gemeenskap, met al hulle bagasie wat hulle saamsleep, moet die twee mekaar ondersteun hier onder die fel suiderson.

Die reeks
Tussen stasies is 'n heruitgawe van die tweede boek in die trilogie wat bestaan uit Ver wink die Suiderkruis, die eerste boek, en Tolbos, die derde boek. Ver wink die Suiderkruis en Tussen stasies is albei topverkopers. Albei is reeds in Nederlands vertaal. Tussen stasies word ook tans in Duits vertaal en HarperCollins gaan dit binnekort in Engels vertaal. Ver wink die Suiderkruis en Tussen stasies is ook voorgelees op RSG.

Irma Joubert skryf regte mense se stories. Sy fokus op die verhoudings tussen geliefdes, gesinslede, familie, vriende, vreemdes, asook die mens in sy verhouding met die gemeenskap, die natuur en die tyd waarin hy leef. Die skrywer slaag daarin om 'n tydvak, wat tot dusver in die Afrikaanse letterkunde hoofsaaklik met wroeging gepaard gegaan het, se sjarme en nostalgie vas te vang vir 'n nuwe generasie lesers.
Publikasiedatum: 2013-10-01
Klik om te vergroot
Klik om te vergroot
9781869199418

Fiksie: Uitverkoping

Vertaler: Daniel Hugo
Illustreerder: Klaas Verplancke
Fiksie  -  Uitverkoping
R 190
R 79Jy spaar R 111
Reinaard die vos is 'n unieke skelmroman wat miljoene lesers oor die hele wêreld al meer as 700 jaar boei. Dit is een van die beroemdste boeke uit die Middelnederlandse literatuur. Henri van Daele het hierdie klassieke werk herskryf.
Reinaard die vos is een van die boeiendste Middelnederlandse tekste wat behoue gebly het. Dit is in Vlaandere geskryf rondom 1260. In meer as een opsig is dit 'n merkwaardige boek.
Ons weet byvoorbeeld van die skrywer niks meer nie as dat hy Willem is 'wat Madoc gemaak het'. (Madoc moet 'n ander boek deur Willem wees, maar dit het verlore gegaan.) Merkwaardig is ook dat Reinaard die vos wegbreek van die tradisie van die ou fabels of diereverhale. Willem van Madoc se vosverhaal is 'n bytende satire op die destydse politieke, sosiale en godsdienstige (wan)toestande. Die dinge wat deur Willem aan die kaak gestel word, is inderwaarheid vandag nog deel van ons samelewing. In ongeveer 1375 verskyn uit die pen van 'n onbekende skrywer 'n vervolg op Willem se Reinaard as Reinaard se geskiedenis.
Henri van Daele het hierdie twee Middelnederlandse rymende eposse naatloos aanmekaargelas en dit in soepel prosa herskryf.
Publikasiedatum: 2013-08-01
Klik om te vergroot
Klik om te vergroot
9780799342512

Fiksie: Uitverkoping

Fiksie  -  Uitverkoping
R 250
R 125Jy spaar R 125
Innie skylte vannie Jirre is 'n beduidende uitbreiding van die blitsverkopertjie, Die Griekwapsalms en annerlike goeterse yt die Woord yt. Baie meer Bybelgedeeltes word poëties getransponeer, sodat die betekenis van die Woord in die nuwe, aardse woord die leser opnuut ontroer en binnetoe laat dink
Publikasiedatum: 2013-07-01
Klik om te vergroot
Klik om te vergroot
9781869199487

Fiksie: Uitverkoping

Vertaler: Daniel Hugo
Fiksie  -  Uitverkoping
R 250
R 99Jy spaar R 151
Netnou gaan ek melk. Môreoggend gaan ek weer melk. En die res van die week natuurlik ook, én volgende week. Maar dit is nie meer genoeg nie. Ek dink nie ek kan meer my kop onder die koeie insteek om op dié manier die dinge hul gang te laat gaan nie. Soos 'n idioot.

Sy hele lewe lank doen Helmer iets wat iemand anders moes doen. Toe sy tweelingbroer Henk op neëntien sterf, moet Helmer sy literatuurstudie in Amsterdam staak en saam met sy pa die plaaswerk doen. Ná sewe-en-dertig jaar is Helmer se pa sterwend. Helmer dra hom na die boonste verdieping van die plaashuis waar hy sy siekbed moet deurbring. Noudat sy pa nie meer bevele kan blaf nie, is dit Helmer se kans om wraak te neem. Of om homself te leer ken en te doen wat sy hart hom voorskryf.
Bo is dit stil is pragtig geskryf, ingetoë en helder, met tallose besonderhede oor die daaglikse boerelewe op die koue, nat Nederlandse platteland.
Publikasiedatum: 2013-07-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.