●●● GRATIS KOERIER AFLEWERING OP BESTELLINGS BO R450 ●●●
Klik om te vergroot
Klik om te vergroot
9780799387834

Fiksie: Uitverkoping

Fiksie  -  Uitverkoping
R 225
R 99Jy spaar R 126
Bod op 'n biljoenêr.
Kylie se keuse
Verborge obsessie.

Bod op 'n biljoenêr:
Die gelukkige tye saam met Nico was geleende tyd, dit het Eva destyds al besef. Sy het nie in sy rykmanswêreld ingepas nie. En al het sy geweet hulle verskil doodeenvoudig te veel, was sy platgeslaan toe hy agtien maande gelede uit haar lewe verdwyn.
Sy het intussen op haar eie sukses behaal, en sodra die egskeiding afgehandel is, gaan sy finaal van hom vergeet en aangaan met haar lewe. Maar toe Nico skielik weer sy opwagting maak en sak en pak in hulle woonstel terugtrek, is Eva glad nie meer so seker dat sy wil skei nie.
Want Nico is nog net so onweerstaanbaar en hy noem haar steeds 'my Eva' ...

Kylie se keuse:
Hy sit op haar stoel, agter haar pa se lessenaar, in haar pa se pos … die pos waarvoor sý grootgemaak is. Met sy irriterende kuiltjie en oorrompelende glimlag.
Alex du Preez is heel tuis as baas van haar pa se maatskappy. Dit waarvoor Kylie ná jare in die buiteland - en die hoeveelste verbreekte verlowing - teruggekom het. Sy verpes hom, maar werk tog saam met hom. Die ongerymdhede en vraagtekens oor die maatskappy se finansies moet sy uitpluis.
As hy die sondaar is, sal sy hom aan die kaak stel. Sy moet net verby daardie glimlag, die heuningmond, die tintelende afwagting in sy teenwoordigheid kyk. Hy bly die vyand.

Verborge obsessie:
Sy't geglo sy het sy verraad en haar vernedering ontgroei. Maar toe hy ná jare weer sy opwagting maak, pluk die herinneringe Sonika onderstebo. En kyk Michael Meskin deur haar asof sy nie bestaan nie.
Asof sý die skuld dra vir die pyn van destyds. Vir sy swakheid toe hy die omkoopgeld aanvaar het, die pad gevat het. Landuit.
Skielik is doktor Michael Meskin, wêreldbekende sakeman, haar prokureursfirma se kliënt.
Hy bly haar straf, verneder, om die bos lei. En al skemer die Michael wat sy destyds liefgehad het nou en dan deur, worstel sy om tussen die bedrog, die web van leuens by die waarheid uit te kom.
Publikasiedatum: 2018-04-10
Klik om te vergroot
Klik om te vergroot
9780799387575

Fiksie: Uitverkoping

Fiksie  -  Uitverkoping
R 270
R 119Jy spaar R 151
In haar grootwordjare in die laat tagtigs dra vroue skreeuhelder neonkleure, skouerkussings en groot hare. Maar nie háár aanneemma nie en ook nie Kaila sélf nie. Sy skáám haar!
Haar ma is kerklik en koeklik en oorgewig en nie regtig lief vir haar nie.
Kaila word bespot en leer verwerping ken op vele vlakke.
Daar is 'n gevaarlike, verbode aantrekkingskrag tussen haar en haar Wiskunde-onderwyser. Sal hy die liefde van haar lewe wees?
Ná 'n motorongeluk wat ernstige letsels laat, verdwyn Kaila se ma spoorloos. Die onsekerheid en verlange spook lank daarna nog by haar.
As enkelouer stort sy jare later al haar liefde uit op haar seun, Sebastian. As hy tog net nie bevriend was met Bertina, die wildewragtige dogter van Max Viljoen, nie! Toe Bertina swanger raak, staan Kaila se seun se toekomsdrome gevaar om verpletter te word.
Wat gemaak met die swangerskap wat soveel mense se lewe in skerwe laat spat? Max is vasbeslote dat sy dogter nie alleen met die baba in die arms gaan bly staan nie terwyl Kaila haar seun wil beskerm. Eintlik het Kaila en Max mekaar nodig, maar Kaila se hart breek wanneer sy die pyn in haar jong seun se oë sien.
En Kaila weet, sy weet, 'n mens het meer nodig as 'n blom in jou hare om gelukkig te wees.

In hierdie liefdesroman/gesinsdrama/verhoudingsroman ervaar die leser weereens Kristel Loots se vermoë om haar karakters se pyn, vrees en worsteling weer te gee in hul alledaagse lewe én om dit met humor te doen. Die roman spreek alledaagse realiteite van gewone vroue aan, veral die krisis wat ontstaan as 'n droomhuwelik nie die toets van die tyd weerstaan nie. Met die aanvang van die roman is Kaila 'n tiener met al tieners se frustrasies en wrokke teen die gesin en samelewing. Sy word geleidelik groot en teen die einde leer die leser Kaila as volwasse en deurleefde vrou ken. Die verwikkeldheid en delikaatheid van verhoudings tussen kinders en ouers, tussen man en vrou en tussen vriende is 'n deurlopende tema.
Publikasiedatum: 2018-03-06
Klik om te vergroot
Klik om te vergroot
9780799387872

Fiksie: Uitverkoping

Fiksie  -  Uitverkoping
R 225
R 99Jy spaar R 126
Doodgewone wonderwerk
'n Onverstandige vrou
Bruid in blou.

Doodgewone wonderwerk:
Elizabeth is nie lui nie; sy weet net nie wat dit beteken om vir 'n salaris te werk nie. Maar nou is haar reuse-erfporsie lelik geknou deur 'n onoordeelkundige belegging. Sy sal 'n werk moet kry. En dit moet hou, want sy is nou al deur 'n paar afdankings en bedankings.
Toe, tog, word sy as die aantreklike, befoeterde Simon se huishoudster aangestel. Maar Simon, 'n skrywer, word nie eintlik vriendeliker wanneer hy mislukte disse in die asblik vind nie. Tot daardie dag by die strand, wat niks met kosmaak te doen het nie. Of het Elizabeth dit heeltemal verkeerd verstaan? 'n Huishoudster is tog wat hy wil hê - sê hy.

'n Onverstandige vrou:
Daar's net een man wat so beweeg, so loslit en langbeen, so ...
Jens Nielsen.
Toe hy Laetitia destyds nie wou hê nie, het sy die pad gevat, terug huis toe, waar sy hulle kind alleen grootmaak. Maar Dottie noem al wat broek dra 'Pappa'. Miskien moet sy terug Denemarke toe en Dot se pa vir haar gee ...
Maar verniet dag Laetitia se mense Dot gaan haar pa kry. Jens wil haar ma steeds nie hê nie. Laetitia moet maar weer terug huis toe, siek en sat vir leuens wat haar al aan die hakskeen byt; maar weer weghol, soos destyds, toe haar patetiese kaartehuis ook ineen getuimel het.

Bruid in blou:
Hugh laat Jessie twee weke voor hulle troue weet hy is pas met iemand anders getroud. In 'n waas van ongeloof, skok en hartseer trou sy halsoorkop - en boonop in 'n blou rok - met Gideon, die hartebrekervriend uit haar jeug.
Ondanks sy reputasie as Casanova van formaat, is Gideon alles wat Jessie in 'n man kan begeer. Sy is toe mooitjies ook nie in sak en as oor haar ampertroue nie, want Gideon koester haar in alle opsigte en dra haar op die hande.
Wanneer haar vriendin kom kuier en sy en Gideon wil voorgee hulle is 'n gelukkige wittebroodspaartjie, val hulle planne klaaglik deur die mat want die liefde laat hom mos nie voorskryf nie.
Publikasiedatum: 2018-03-03
Klik om te vergroot
Klik om te vergroot
9780799387544

Fiksie: Uitverkoping

Fiksie  -  Uitverkoping
R 280
R 119Jy spaar R 161
'n Donkerkopmeisie se liggaam word in 'n agteraf hotel in 'n Aspoester-uniform gevind. Haar linkervoet se tone is afgesny sodat die voet in die glasskoen kon pas. Haar oë is netjies verwyder. Daarna is haar nekaar gekloof sodat sy haar kon doodbloei.
“Hoe sal jy voel as ek dieselfde met jóú dogter doen? Haar naam is mos Franci?”
Dit is wat die elektronies vermomde stem vir doktor Olaf Demeyer, forensiese profileerder, vra terwyl hy die dossierfoto's van die moordtoneel bestudeer.
“Hoekom sou jy dieselfde met my dogter wou doen?”
'n Koggellaggie klink op. “Dit is wat jy moet uitvind, Doktor. Kom ons kyk of jy werklik so baie vir verontregde vroue omgee soos wat die media beweer. En kom ons kyk of jy my betyds met jou agtste sintuig kan uitoorlê.”
Die lyke van nog drie meisies word binne 'n paar dae gevind. Olaf besef hy sal baie diep in sy eie donker profiel moet delf na die waarheid as hy wil verhoed dat sy enigste dogter die vyfde slagoffer van die Aspoestermoordenaar word. Herinneringe aan sy traumatiese kinderjare, sy oordrewe skuldgevoelens en sy fobie vir lemme, maak nie sy taak vir hom ligter nie. Intussen voel hy hoe die uurglas baie vinnig vir Franci leeg loop.

Hierdie sielkundige riller delf in die lewenslange invloed wat gesinsgeweld, asook geweld in die algemeen, op die psige van 'n mens kan hê.
Dit ondersoek ook die invloed wat geweld teen vroue en kinders op die samelewing het.
Kwessies soos pedofilie, geestesversteuring en seksverslawing word aangespreek teen die agtergrond van 'n reeks bisarre misdade waarin jong meisies grusaam vermink word voordat hulle sterf.
Publikasiedatum: 2018-03-02
Klik om te vergroot
Klik om te vergroot
9780799387162

Fiksie: Uitverkoping

Fiksie  -  Uitverkoping
R 225
R 99Jy spaar R 126
Terug na jou
Kolwyntjie
Altyd die strooimeisie.

Terug na jou:
Een naweek het Mercia, Le Fleur-wynlandgoed se eienares, 'n man ontmoet aan wie sy onmiddellik verknog geraak het. Maar dit was net 'n droom want hulle was albei getroud; sy vrou sieklik en Mercia se man 'n pierewaaier. Nie een kon skei sonder om ander se lewe te verwoes nie. Hulle het mekaar prysgegee.
Noudat hulle mekaar weer ontmoet het, is hulle albei vry. Maar nie vry van die verlede waaruit 'n geheim gebore is nie; iets wat nie eens hierdie man weet nie. En dit kan hulle opnuut uitmekaar dryf.
Sal hy haar nog liefhê wanneer sy die moed bymekaarskraap om dit vir hom te sê?

Kolwyntjie:
Die gebakwinkel is Melani se droom wat werklikheid word. Haar ander droom word spoedig 'n nagmerrie toe haar en die mediese dokter se paaie kruis in dieselfde kantoorgebou. En nie sommer enige dokter nie, nie eens sy tweelingbroer kan aan haar doen wat hý met sy intense grys oë doen nie.
Maar hy het toekomsplanne wat nie 'n liefdesverhouding insluit nie, wat nog te sê 'n draai voor die kansel. Melani se liefdeshorison eindig ongeveer waar Tygerberg-hospitaal begin.
Sy het egter nie rekening gehou met die Le Fleur-tweeling se formidabele ma nie - of met haar seun se vasberadenheid nie, al kos dit byna 'n tragedie om hom wakker te skud ...

Altyd die strooimeisie:
Zoë Davel besluit om nooit weer voor die kansel te staan nie - nie as strooimeisie nie en beslis ook nie as bruid nie, al stuur die hoogs aantreklike Meyer Malan haar hart heeltemal in 'n aweregse wentelbaan.
Toe sy boonop uitvind waar haar biologiese pa by Meyer se familie-opset inpas, glo sy sy speel met vuur en verbreek alle bande met hom.
Maar dinge is selde wat dit op die oog af lyk, en toe Zoë agter die kap van die byl kom en die familie haar met ope arms en harte verwelkom, weet sy dat sy sowaar weer voor die kansel gaan staan - hierdie keer heel gewillig as Meyer se bruid.
Publikasiedatum: 2018-01-30
Klik om te vergroot
Klik om te vergroot
9780799352054

Fiksie: Uitverkoping

Fiksie  -  Uitverkoping
R 350
R 159Jy spaar R 191
Lank staan Juan-Carlos na die slapende kind en afkyk, dan krul sy hande vasberade om die bababedjie se reling en hy trek sy asem diep in. Hy sal hierdie ding wen. Hy sál! Hierdie onkeerbare, onsinnige bruising wat elke keer in hom opstoot wanneer hy die vroumens sien, gaan hy uitroei, wortel en tak. Sy is heeltemal buite sy bereik, verdomp! Kyk net hoe het sy vandag gelyk - die ene klas en styl en duur elegansie, met daardie somerblou oë en die vel so glad en wit soos albaster. 'n Regte, egte English rose, kompleet met erfgrond en 'n geslagsregister wat sy stellig kan terugtrek tot by Hendrik die Seevaarder. Wie is hy? Isabella D'Oliveira se weggooikind wat tussen kratte tamaties en streepsakke mieliemeel grootgeword het.
En sy's boonop 'n ander man se vrou.
Al wat moet gebeur, is dat sy onnosel hart moet aanvaar wat sy kop lankal weet: dat Rosalie Harrington-Jones net so pragtig en koud en onbereikbaar is as die bliksemse Aandster en dat sy is waar sy veronderstel is om te wees: aan die sy van 'n Engelsman met 'n lang bolip en 'n Jaguar. Laat hy wat Juan-Carlos is liewer sy emosionele energie reserveer vir die gesin wat wel aan hom toevertrou is.
Die afgrond tussen hulle is so onoorbrugbaar as die Drakensberg se donkerblou klowe: sy is Boere-adel, een van die stoere Jordaans; hy is die Portugese kafeebaas se seun. Haar loopbaan het haar buiteland toe geneem, sy hart lê hier in Afrika. Daar is Henriëtte Jordaan se onversetlike vooroordeel teenoor KwaMoyeni se mense; die sjef, Thandi, wat na haar kyk met haat en afkeer in haar donker oë; en die klein seuntjie, Danny, wat teen Juan-Carlos se bors aanleun en duidelik die man se hart in sy klein handjie hou.
Toe Rosalie egter teen wil en dank vir Juan-Carlos D'Oliveira op KwaMoyeni moet gaan werk, kom sy stelselmatig tot die besef dat dít wat die gemeenskap - en veral Henriëtte Jordaan - al die jare heen oor hom loop en skinder het, nie die volle waarheid is nie. Dis 'n fyn siel wat in daardie groot lyf woon, iemand met oneindige begrip en deernis vir mense, iemand wat haar weerstand dag na dag wegkalwe en haar weerloos voor die omvang van haar eie liefde laat.
Maar dis eers toe sy die donker, wrede geheim ontdek wat op KwaMoyeni gehuisves word, dat sy besef: daar is 'n prys om te betaal, en sy is eintlik daarheen gebring om die rekening te vereffen.
Gaan al die verskille, die misverstand, die manipulasie en die bagasie van die verlede hulle uitmekaar dryf, of kan liefde, vergifnis en aanvaarding die heling bring wat hulle al twee so nodig het?'
Publikasiedatum: 2018-01-23
Klik om te vergroot
Klik om te vergroot
9780799386981

Fiksie: Uitverkoping

Fiksie  -  Uitverkoping
R 225
R 105Jy spaar R 120
Onwelkome geskenk
Handomkeer
Le Fleur se hartebreker.

Onwelkome geskenk:
Marile Cronjé se buitengewone verjaardaggeskenk is alles wat sy nié wou gehad het nie, want van haar oupa se gekonkel het sy net mooi genoeg gehad. Boonop moet sy die lewe se donker kant leer ken met die oog op 'n erflating wat sy nog minder wil hê.
Kan sy die aantreklike, enigmatiese Werner vertrou? Is hy nie net nóg een van die vele wat agter haar geld aan is nie? Sy kry die antwoord klinkklaar in oupa Jopie se brief, maar besef kort voor lank dat haar vooroordele haar insig verdof het. Eers toe sy werklik na haar hart luister, kan sy haar regmatige verjaardaggeskenk - én geluk - opeis.

Handomkeer:
Om uit Johannesburg se agterstrate te kom en jou pad oop te veg tot jy een van dié wynmakers in Suid-Afrika is, sit nie in enige meisie se klere nie. Maar dit is wat Bea regkry.
Dit is egter nie 'n baie goeie begin as mens jou nuwe werkgewer op straat byloop en so te sê aanrand nie. Maar dit was tog net 'n misverstand. Gaan hy nou vir altyd so stuurs wees en haar met so min dinge vertrou?
Maar haar baas is toe nie so befoeterd nie en die man word gaandeweg belangriker as haar afkoms. Hy verander in 'n handomkeer. Wel, tot hy haar in 'n verdagte situasie betrap.

Le Fleur se hartebreker:
Vir hierdie man moet sy ligloop, dit weet Janneli sommer in die eerste week wat sy as Le Fleur se gastehuisbestuurder begin werk. Sy reputasie as dié hartebreker in die Franschhoekvallei het hom immers vooruitgeloop. En hy weet dit nie, maar hierdie wynplaas is glad nie vir haar onbekende terrein nie.
Baie gou blyk dit dat sy nie verniet op haar hoede was nie. Trouens, hy gaan met haar 'n weddenskap aan dat sy voor die oestyd verby is, nog een van die vrouegesigte in sy berugte album sal wees!
Janneli aanvaar dit. En geen meisie gaan 'n weddenskap aan as sy nie 'n taamlik goeie kans staan om te wen nie.
Publikasiedatum: 2017-12-21
Klik om te vergroot
Klik om te vergroot
9780624083580

Fiksie: Uitverkoping

Fiksie  -  Uitverkoping
R 290
R 79Jy spaar R 211
Haar grootste offer
Skaduwees van gister
Plekkie in die son

In Haar grootste offer ontvang Marlene, wat vier maande swanger is, die skoknuus dat haar man wil skei.

In Skaduwees van gister veroorsaak nuwe maatreëls dat matrone Anmar Cloete se pos oorbodig raak. Boonop word haar gewese verloofde as 'n nuwe dokter aangestel.

En in ​Plekkie in die son​, word Karen Viljoen melaats verklaar. Dié oordeel dryf haar tot in Genadendal, inrigting vir melaatses. Kan Otto se liefde dié vuurproef deurstaan?
Publikasiedatum: 2017-12-08
Klik om te vergroot
Klik om te vergroot
9781415337004

Fiksie: Uitverkoping

Fiksie  -  Uitverkoping
R 200
R 79Jy spaar R 121
Dekades gelede was John en Elizabeth Baxter die hoofkarakters van 'n liefdesverhaal wat steeds 'n rol speel in die lewens van hul volwasse kinders en kleinkinders. Tog ken min van hulle die presiese details van daardie storie en die hartseer wat hulle bymekaar gebring het.
Nou reeds op hoërskool moet Cole, Ashley Baxter Blake se oudste seun, 'n erfenisprojek doen vir sy Engelse klas. Hy besluit om sy oupa, John Baxter, te ondervra oor daardie liefdesverhaal van soveel jare gelede.
John is aanvanklik huiwerig en onseker of hy die krag het vir die hartseer wat dit dalk kan meebring - veral aangesien hy intussen weer getroud is. Tog stem hy in en laat toe dat sy gedagtes na plekke gaan waar hy dit in dekades nie gewaag het nie.
Terselfdertyd verwerk die Baxters se familievriend Cody Coleman sy verbreekte verlowing met Andi Ellison. Hy is vasbeslote om aan te beweeg, maar 'n toevallige ontmoeting laat hom van plan verander. Kan Cody vir Andi oorreed om weer te probeer, of is dit tyd om finaal te groet?
Of jy die Baxters vir die eerste keer leer ken, of hulle opnuut ontmoet, Erfenis van liefde sal jou hartsnare roer en jou herinner aan die impak wat 'n erfenis van liefde op 'n familie het.
Publikasiedatum: 2017-11-30
Klik om te vergroot
Klik om te vergroot
9780799386141

Fiksie: Uitverkoping

Fiksie  -  Uitverkoping
R 280
R 119Jy spaar R 161
Hoë politici sweer saam om Suid-Afrika in 'n diktatorskap te dompel. Die armes het genoeg gehad en kom in opstand. Die land brand. Mense vir wie Thys Krige omgee, kry seer. Iemand moet daarvoor boet.
Hierdie keer word hy betrek by korrupsie en komplotte op regeringsvlak. 'n Korrupte president speel in die hand van buitelandse moondhede met imperialistiese ambisies wat 'n voet in die deur soek. Sagte kolonisasie, noem mens dit. Staatskaping noem die media dit. Die tentakels daarvan al so diep in die struktuur van mense in sleutelposte dat niemand meer seker is wie betrokke is en wie vertrou kan word nie. In sulke gevalle protesteer mense gewoonlik. Hulle kan byvoorbeeld so aggressief gemaak word dat hulle mekaar begin uitroei. Traangas word gedokter met dwelms wat ten doel het dat mense mekaar te lyf gaan. Grootskaalse chaos maak 'n land onregeerbaar. Dryf die mense se frustrasie tot breekpunt. Sweep hulle teen mekaar op. Maar daar is maniere om hulle stemme stil te kry.
In Krige se stryd het drie vroue deel van sy wêreld geword: sy halfsuster, 'n gestremde IT-spesialis en 'n genie wat die donkerweb met die donkerbewuste in die mens se psige in verband bring. Al drie gaan gebuk onder pyn en trauma, soos Krige, en vir al drie ervaar hy iets wat aan liefde gelykgestel kan word.
“Hy voel die wonderlike pyn wegsak, diep in, dieper, dieper, tot dit sag word en tot rus kom op die koue en harde ding in hom.”
Publikasiedatum: 2017-11-07
Klik om te vergroot
Klik om te vergroot
9780799385908

Fiksie: Uitverkoping

Fiksie  -  Uitverkoping
R 165
R 79Jy spaar R 86
Een misstap jare gelede het beteken dat Nadia waarskynlik nooit haar enigste kind sal kan vashou en hoor hoe hy haar mamma noem nie. Só het sy gedink, tot sy 'n besigheid op Fynbos begin en haar seun op rolskaatse weer sy verskyning in haar lewe maak.Maar hierdie seun van haar het reeds 'n pa, al is hy sy aanneempa. Dat hy onlangs 'n wewenaar geword het, is nie regtig hoopvol nie. Wie sal hom kwalik kan neem as hy agterdogtig - selfs vyandig is - as hy moet uitvind hoe Nadia by hierdie oulike seuntjie van hom betrokke is? Toe die wind draai, twyfel sy nie. Dat sy die kans van haar lewe gaan aangryp om haar kind terug te kry is nie altemit nie. Net sodat 'n nuwe onsekerheid aan haar kan begin vreet. Hoe weet 'n vrou of 'n man in haar as vrou of net in haar as die ideale ma vir sy kind belang stel? Meer nog, is lyflike begeerte liefde? Want 'n vrou wil nou eenmaal die l-woord hoor voor die huweliksformulier gelees word.
Publikasiedatum: 2017-10-10
Klik om te vergroot
Klik om te vergroot
9780799385694

Fiksie: Uitverkoping

Fiksie  -  Uitverkoping
R 250
R 109Jy spaar R 141
Lizzie de Villiers dink sy het haar man, Marthinus nie meer lief nie. Sy neem haar lewe en hulle huwelik van 28 jaar in oënskou. Wanneer het hulle uitmekaar begin dryf? Sal sy hulle ou liefde weer kan laat ontvlam? As sy nie kan nie, moet sy in hulle liefdelose, maar gemaklike huwelik bly, of moet sy maar haar eie paadjie stap? Marthinus stem nie met Lizzie saam nie. Volgens hom is daar niks verkeerd nie, en hy wil gewis hê Lizzie moet bly, lief vir hom of nie. Die konflik tussen Lizzie en Marthinus veroorsaak konflik tussen Lizzie en hulle dogter Estelle, wat op die ouderdom van vier en twintig skielik soos 'n tiener optree. Beide Lizzie en Marthinus voel daar is fout, maar sy bly afsydig en byna vyandig, veral teenoor Lizzie. Lizzie se vertwyfeling bring haar egter nader aan die ander vroue in haar lewe. Hulle word groter bondgenote, elkeen met 'n unieke perspektief. 'n Geleentheid om afstand te kry tussen Lizzie en Marthinus duik op, en Lizzie gryp dit met albei hande. Sy bevraagteken gou haar oënskynlike onafhanklikheid, en Marthinus word gedwing om hand in eie boesem te steek. Sal hierdie huwelik die toets deurstaan?
Publikasiedatum: 2017-09-09
Klik om te vergroot
Klik om te vergroot
9780799385403

Fiksie: Uitverkoping

Fiksie  -  Uitverkoping
R 165
R 69Jy spaar R 96
Man van min woorde
Man met 'n missie
Man van sy woord.

Man van min woorde: Hy kan toor met honde en rekenaars, maar as dit by praat kom, verdamp Henri van der Merwe se woorde. Francesca is vasbeslote om deur dié swygsaamheid te breek. Sy begeer een van die Duitse herdershonde wat hy teel, maar sy toets vir eienaarskap dop sy soos 'n klip. En haar selfbeeld is hoeka bitter broos ná die Siebert-episode. Bowendien word haar frustrasie by die dag groter - as sy en haar galery-huis vol kunswerke nie goed genoeg is vir sy honde nie, sal sy in der ewigheid nie goed genoeg wees vir hul baas nie. Want helaas, sy begeer die swygsame Henri mettertyd baie, baie meer as sy lieflike honde.

Man met 'n missie: Hy gaan haar nader trek, syne maak. Suutjies, sonder dat sy dit weet. Maar Lukas Bezuidenhout is 'n haastige man, geduld moet hy nog aanleer. Dis gewoonlik hý wat vir meisies weghol, maar dié keer het hy sy moses teëgekom. 'n Harder hardekwas as Mignon Grobbelaar kry jy nie. En tog, agter haar hardekwas-houding kruip 'n bang meisie weg, 'n kind-vrou met heeltemal te veel seer en bagasie. Daarom, weet Lukas, moet hy geduldig wees. Hy wil haar beskerm, laat veilig voel. Sy moet weet sy is as mens die moeite werd. En hy moet, nee, sál leer vasbyt; en hy wat lawwe Loekie Bezuidenhout is, kan leer om te wag.

Man van sy woord: 'n Ouer en ryper Lourens - maar nog net so dodelik aantreklik soos lank gelede - is na twintig jaar onverwags terug en haar kind se gradeplegtigheid word vir Bianca 'n nagmerrie. Alles het mos verander en daar is nie meer vir hom 'n plek in haar lewe nie - of bluf sy haarself? Lourens is nie meer die impulsiewe jongman wat Bianca so hartstogtelik liefgekry het nie, en sy het ook met die jare ryper en meer volwasse geword. Dis net die onblusbare vonk tussen hulle en die honger na mekaar wat onveranderd gebly het ... Het daar te veel water in die see geloop of gaan hulle waag om hulle liefde weer 'n kans gee?
Publikasiedatum: 2017-07-01
Klik om te vergroot
Klik om te vergroot
9780799385212

Fiksie: Uitverkoping

Fiksie  -  Uitverkoping
R 280
R 129Jy spaar R 151
In die paar dae voor Kersfees neem Hendrik en Amalia se lewe 'n onverwagse wending, iets waarvoor hulle nooit voorsiening gemaak het nie. Maar wat vir hulle 'n nuwe era in hulle verhouding sou kon wees, word verdonker deur 'n verskriklike voorval waarvoor Hendrik in hegtenis geneem word. Nóg Amalia, 'n staatsaanklaer op Witteberg, nóg Hendrik se knap prokureur kan verhoed dat hy opgesluit word - deels vir sy eie veiligheid, deels omdat 'n lafhartige speurder sy mag misbruik. Wat voorbereiding vir 'n heugelike gebeurtenis en Kersfees moes word, word dae waarin Hendrik intiem met die binnekant van 'n sel en dié se bewoners kennis maak. Daar word van moord gepraat op die taxibaas se seun wat deur 'n dwaalkoeël getref word en dis die taxibaas se woord teen Hendrik s'n. Boonop leef die grensoorlog steeds in Hendrik se gedagtes; die nagmerrie toe hy 'n makker wat deur die Kubane gevange geneem is, gaan red het. Dekades later buk 'n Kubaanse dokter oor hom in 'n hospitaal. En as Hendrik gemeen het dat Amalia veilig is, het hy 'n fout gemaak � Lees ook Saliger (ISBN: 9780799375343) en Vrediger (ISBN: 9780799379433)
Publikasiedatum: 2017-07-01
Klik om te vergroot
Klik om te vergroot
9780799385243

Fiksie: Uitverkoping

Fiksie  -  Uitverkoping
R 165
R 79Jy spaar R 86
Madagaskar is Ilana se volgende bestemming, waar sy foto's van modelle gaan neem. Al wat sy nog moet afhandel, is 'n ontmoeting met die vlieënier van 'n privaat vliegtuig wat haar en een van die modelle soontoe sal neem. Dit is in hierdie stadium wat sy 'n onaangename verrassing in haar en haar verloofde se woonstel kry en die verlowing summier beëindig voor sy die vliegtuig haal.
Maar die noodlot werk nie saam nie en Madagaskar is nie waar die ligte vliegtuig met Ilana, 'n model en die vlieënier neerstryk nie. Dit het verreikende gevolge ...
Terug in Suid-Afrika het Ilana meer as net haar verbreekte verlowing om te hanteer. Ou beloftes, haar voog se verswakte gesondheid en 'n sameloop van omstandighede bring haar onder die besef dat sy nie anders kan as om die verlowing te heroorweeg nie. Dié verwikkeling pas glad nie in by die gevoel wat sy en die vlieënier vir mekaar begin ontwikkel het nie, maar dit lyk nie asof sy 'n keuse het nie.
En so kom haar troudag al hoe nader terwyl haar hart huil oor 'n man wat haar hele lewe verander het. Ilana gaan blykbaar die onwillige verloofde bly wat byna van buite toekyk hoe haar toekomsdrome ineenstort.
Publikasiedatum: 2017-07-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.