●●● GRATIS aflewering op bestellings bo R500 in RSA ●●● AFSLAG SLEGS OP AANLYNBESTELLINGS ●●●

Soek resultate: Jaco Jacobs

Results 76 to 90 of 269
Gesorteer volgens:  Publikasiedatum
Klik om te vergroot
Klik om te vergroot
9780799390667

Kinders: Nie-fiksie

Vertaler: Jaco Jacobs
Illustreerder: Johan Koortzen
Kinders  -  Nie-fiksie
R 125
R 113Jy spaar R 12
Kom stap in die voetspore van Suid-Afrika se grootste sporthelde!
Hierdie fantastiese nuwe reeks plaas die kollig op Suid-Afrikaanse sportlegendes se reis na nasionale en internasionale roem.
Geskryf spesifiek vir kinders nege jaar en ouer, vertel dit die opwindende stories van vyf sportsterre uit verskillende agtergronde wat almal supersterre geword het.
Lees die inspirerende verhaal van die skoolseun AB de Villiers wat een van die grootste name in wêreldkrieket geword het.
Jong sportliefhebbers sal versot wees op hierdie fantastiese reeks biografieë oor van ons land se blinkste sportsterre!

Ander titels in die reeks:
Siya Kolisi
Wayde van Niekerk
Hashim Amla
Caster Semenya
Publikasiedatum: 2018-12-04
Klik om te vergroot
Klik om te vergroot

VERSKAFFER UIT VOORRAAD UIT

9780799391114

Kinders: Aktiwiteitsboeke

Vertaler: Jaco Jacobs
Illustreerder: Kim Martin
Kinders  -  Aktiwiteitsboeke
R 110
R 99Jy spaar R 11
Verken 'n towerwêreld met hierdie fantastiese plakkerboek!
Hierdie kleurvolle boek is propvol tonele met eenhorings wat jy kan soek, tel en waarmee jy hope pret kan hê!
Vind uit wat jou geheime eenhoring-naam is, soek die verskille tussen die prente, help die eenhoring om sy pad deur die doolhof te vind, kies die perfekte haarstyl vir jou eenhoring, leer om jou eie eenhoring te teken, en voltooi die pragtige eenhoringtonele met die meer as 300 plakkers wat by die boek ingesluit is!
Ure se betowerende eenhoringpret gewaarborg!
Publikasiedatum: 2018-11-20
Klik om te vergroot
Klik om te vergroot
9780799390582

Kinders: Algemeen

Vertaler: Jaco Jacobs
Kinders  -  Algemeen
R 210
R 189Jy spaar R 21
Die topverkoperboek wat elke tegno-slim tiener moet lees!
As 'n tiener in vandag se tegnoverslaafde wêreld van sosiale media en internet dink jy dalk jy's piekfyn en jy weet presies wat jy doen. Maar selfs JY weet nie van al die wetlike struikelblokke, verskuilde gevare en toekomstige implikasies van alles wat jy aanlyn doen, sien en plaas nie.
Selfies, seksklets en slimfone is die boek wat elke tiener (en hul ouers) móét lees. Dit dek al die belangrike kwessies wat tieners in die digitale era in die gesig staar, insluitende kuberboelies, seksklets, verslawing, internetveiligheid, pornografie, angstigheid, depressie, veiligheid en reputasie, en dit is spesifiek vir die Suid-Afrikaanse konteks geskryf. Hierdie boek sal jou op 'n maklik verstaanbare, interessante en selfs prettige manier help om 'n gelukkige, bevredigende en - belangrikste van alles - veilige lewe aanlyn te hê.
Publikasiedatum: 2018-11-13
Klik om te vergroot
Klik om te vergroot
9780799389357

Kinders: Kleuters

Illustreerder: Karen Ahlschlager
Kinders  -  Kleuters
R 210
R 189Jy spaar R 21
Maak gereed vir hope kleuterpret in hierdie pragboek met 'n CD by!
Wat kry jy wanneer drie van die land se talentvolste kunstenaars kragte saamspan en 'n kleuterboek die lig laat sien? Hope pret, natuurlik!
In Rondomtalie verskyn 'n prettige keur uit die gewilde en bekroonde kinderrympie-koning Jaco Jacobs se kleuterversies, pragtig deur die talentvolle kunstenaar Karen Ahlschläger geïllustreer. En om als te kroon bevat die boek ook 'n CD waarop die veelbekroonde toonsetter en sangeres Anna Davel haar fantastiese toonsettings van al 30 versies sing!
Kom ry saam op die Teddiebeerbus, ontmoet vir Bambino die reus van Bitterbos, galop op die rug van 'n wilde perd, soek goggas in die tuin of hou 'n kussinggeveg! Die boek bevat altesaam 30 rympies en 30 liedjies.
Hierdie pragpublikasie beloof ure se vermaak vir kleuters - en is 'n trotse toevoeging tot enige kleuter se boekrak en musiekversameling!
Inhoud/Speellys
1. Kielie-kabouter
2. Bambino, die reus van Bitterbos
3. Grootmeneer
4. 'n Dag by die dieretuin
5. Voëltjies hou van sing
6. Spat in die bad
7. Dinosouruspret
8. Slaap, Sibongile
9. Skoppelmaai
10. Padda op 'n klip
11. Klop, klop, klop
12. Tande borsel
13. Teddie se wiegelied
14. Tien pikkewyne
15. Wilde perd
16. Spring
17. Winkel toe
18. Hande klap
19. Kattermaai
20. Trapsoetjies
21. Die Teddiebeerbus
22. Blokkies
23. My klere het gekrimp
24. Blou ballon
25. Wolke
26. Goggas
27. As jy mooi vra
28. Voor die spieël
29. Daar's 'n beer in my bed
30. Kussinggeveg
Publikasiedatum: 2018-10-31
Klik om te vergroot
Klik om te vergroot
9780799390636

Kinders: Ouderdomsgroep 6 - 9

Illustreerder: Zinelda McDonald
Kinders  -  Ouderdomsgroep 6 - 9
R 265
R 239Jy spaar R 26
Welkom op 'n planeet propvol pret!
Jaco Jacobs se planeet is 'n vreemde, fantastiese, vrolike plek waar ENIGE iets kan gebeur.
Daar kan wurms met tamatiesous op jou spyskaart wees …
of 'n walvis kan in jou sop beland.
Jy kan uitvind hoe 'n skoonheidskompetisie vir monsters werk …
of die waarheid oor haaie uitvind.
Jy kan ontdek jou boetie is 'n ruimtewese …
jou troetel-dinosourus saam skool toe vat ..
of 'n luislang kan jou ouma insluk!
Daar is deesdae byna nie 'n eisteddfod, kunswedstryd of klaskamer in die land waar Jaco Jacobs se skreeusnaakse, lawwe rympies nie gehoor word nie. Sedert die verskyning van sy eerste rympieboek, Wurms met tamatiesous, in 2005 het 'n hele rits rympies uit sy pen gevloei.
Hierdie reuse-rympieboek bevat van die gewildste verse uit Jaco se bundels wat oor die jare verskyn het, insluitende:
* Wurms met tamatiesous (Alba Bouwerprys, C.P. Hoogenhoutmedalje)
* 'n Brulpadda in my tas
* My boetie dink hy's Batman
* Kougom in my hare
* Op die punt van my tong: 80 tawwe tongknopers
En daar is ook 'n paar SPLINTERNUWE rympies as bonus!

Aangename kennis
Haai, jy daar -
hou op met staar!
Kom staan bietjie nader en groet.
Mens sal sweer
dis die eerste keer
dat jy iemand met skubbe ontmoet.
Ja, sien is glo,
ek hét drie oë
en my stert is so lank en so breed;
my tentakels is vaal,
maar dis doodnormaal -
dis hoe almal lyk op my planeet!
Publikasiedatum: 2018-10-30
Klik om te vergroot
Klik om te vergroot
9780799389401

Kinders: Kleuters

Illustreerder: Johann Strauss
Kinders  -  Kleuters
R 150
R 135Jy spaar R 15
Vreemde dinge kan gebeur as jy 'n ertjie eet …
Ontmoet vir Ernst,
Ernst de Vos.
Hy eet so ampertjies
enige kos:
hamburgers, pizza,
herderspastei,
spaghetti, bobotie
(met geelrys daarby),
pampoenkoekies,
kerrievis,
blomkool en beet.
Maar Ernst WEIER om ertjies te eet.
Almal probeer vir Ernst oorreed om 'n ertjie te eet.
Sy ma vertel vir hom dat selfs BEROEMDE popsangers dit elke dag eet -
dalk moet hy dit ook probeer as hy beroemd wil word.
Sy pa bied aan om vir hom meer sakgeld te gee as hy ertjies sal eet - hy kan SKATRYK word.
Sy juffrou vertel vir hom dat ertjies amper 'n hele alfabet vol vitamiene bevat wat jou baie STERK maak.
Maar dit help nie. Ernst weier om ertjies te eet.
Op 'n dag, toe niemand kyk nie, eet hy egter een piepklein ertjie. En meteens begin die vreemdste dinge met Ernst gebeur!
Hy word so BEROEMD soos 'n rockster … hy word SKATRYK … hy word 'n STERK superheld wat die wêreld met sy ertjiegeweer red!
Maar beteken dit hy gaan van nou af ertjies eet?
Hierdie lawwe, rymende prenteboek met sy verrassende einde sal selfs die kieskeurigste kleuter 'n ruk lank van alle kosfiemies laat vergeet! Dalk kry jy selfs lus om aan 'n ertjie te proe …
Publikasiedatum: 2018-10-23
Klik om te vergroot
Klik om te vergroot
9780799391077

Kinders: Kleuters

Vertaler: Jaco Jacobs
Illustreerder: Fiona Lumbers
Kinders  -  Kleuters
R 150
R 135Jy spaar R 15
Ontdek betowering tussen die rakke van die biblioteek.
Elke week sien Bianca uit na daardie een spesiale dag. Die dag wanneer sy wonderlike dinge tussen die biblioteek se rakke ontdek. Die dag wat sy tyd saam met Pappa kan deurbring.
Saam verken hulle die rakke op soek na betowering, geheime - en 'n manier om dinge tussen hulle twee reg te maak.
'n Inspirerende storie oor die betowering van boeke - en die krag van stories om moeilike persoonlike situasies te bowe te kom. Daar is ook 'n oulike “boek-binne-'n-boek” sodat jy die storie kan lees wat Bianca en haar pa saam geniet!
'n Snaakse en hartroerende prenteboek, geskryf deur een van Brittanje se voorste jong digters, wat die moeilike tema van egskeiding en enkelouers op 'n sensitiewe wyse aanraak.
Publikasiedatum: 2018-09-20
Klik om te vergroot
Klik om te vergroot
9780799389456

Kinders: Ouderdomsgroep 10 - 12

Illustreerder: Alex van Houwelingen
Kinders  -  Ouderdomsgroep 10 - 12
R 175
R 158Jy spaar R 17
Vyf Zackie-avonture in een fantastiese omnibus!
Granaatstraat is 'n straat nes enige ander straat. Wel, nie heeltemal nie. Dis immers die straat waarin Zackie Mostert woon. En waar Zackie is, is daar altyd volop pret, avontuur en kattekwaad!
Kinders is versot op Zackie se skreeusnaakse avonture! Of hy nou rugby speel, grillerige wurmkoekies bak om by die skool te verkoop of 'n klomp meisies baie, baie vies maak - waar Zackie is, is daar altyd hope pret en kattekwaad. Sedert die verskyning van die eerste Zackie-boek in 2010 het dié gewilde karaktertjie en sy maats hope pret en humor na die Afrikaanse kinderboekwêreld gebring, en duisende aanhangers gekry. Word deel van die opwinding saam met Zackie, sy beste vriend, Vincent, sy hond, Frankenstein, die kwaai buurtannie, mevrou Langenhoven - en natuurlik Anton die skoolboelie wat gedurig moeilikheid maak!
Kort op die hakke van die eerste omnibus, verskyn nog vyf van Zackie se lawwe avonture saam in een briljante, bekostigbare omnibus:
* Zackie Mostert druk 'n drie
* Zackie Mostert en die geheimsinnige gedaante
* Zackie Mostert en die wriemelende wurmkoekies
* Zackie Mostert en die meisiemoles
* Zackie Mostert en die baie beroemde hond
Publikasiedatum: 2018-09-20
Klik om te vergroot
Klik om te vergroot
9780799389333

Kinders: Nie-fiksie

Kinders  -  Nie-fiksie
R 90
R 81Jy spaar R 9
Van tornado's tot tsunami's - ontdek Moeder Natuur se verwoestende kant!
Wat veroorsaak 'n tsunami?
Hoe vinnig waai die wind binne-in 'n tornado?
Wat gebeur binne-in 'n vulkaan?
Waar kom die meeste aardbewings op aarde voor?
Ontdek die verwoestende krag van die natuur met hierdie boek propvol asemrowende feite en aktiwiteite! Met 48 bladsye vol fassinerende feite, volkleurfoto's en hope aktiwiteite, speletjies en kopkrappers waarmee jy die indrukwekkende verskynsel van natuurrampe kan verken, is hierdie boek gewaarborg om jong feitevrate ure lank besig te hou!
Ontdek hoe tornado's, orkane, vulkane en aardbewings ontstaan, vind uit hoe wetenskaplikes hierdie natuurverskynsels bestudeer, en ontmoet die dapper reddingswerkers wat mense tydens natuurrampe bystaan.
Die temas en aktiwiteite maak hierdie reeks boeke die perfekte hulpbron vir skoolprojekte en sal sorg vir ure se prettige vermaak by die huis.
Publikasiedatum: 2018-09-04
Klik om te vergroot
Klik om te vergroot
9780799389234

Kinders: Ouderdomsgroep 6 - 9

Illustreerder: Johann Strauss
Kinders  -  Ouderdomsgroep 6 - 9
R 135
R 122Jy spaar R 13
Hoe meer haas ... hoe meer moeilikheid!
Professor Fungus het 'n probleem: Sy nuutste uitvinding wil glad nie werk nie! Die Dupliserende Infrarooi Trippel-Turbo Omsetter (kortweg sommer D.I.T.T.O.) is veronderstel om dinge te kloon … maar dit doen net mooi niks!
Bennie, Jenny en Edison die robot dink dit is hoog tyd dat die professor 'n blaaskans neem en 'n slag uit sy laboratorium kom om vars lug te kry. Dalk is 'n uitstappie na neef Naas se plaas net die regte medisyne!
Maar op die plaas loop dinge onverwags skeef - en kort voor lank is daar 'n KONYN-KATASTROFE met konyne net waar jy kyk!
Publikasiedatum: 2018-08-23
Klik om te vergroot
Klik om te vergroot
9780799389227

Kinders: Ouderdomsgroep 6 - 9

Illustreerder: Johann Strauss
Kinders  -  Ouderdomsgroep 6 - 9
R 135
R 122Jy spaar R 13
Jy sal jou oë nie glo nie!
Professor Fungus is besig met 'n fantastiese nuwe uitvinding in sy laboratorium - en Bennie en Jenny kan nie wag om dit op die proef te stel nie.
Professor Fungus noem dit sy Vloeibare Energie-Reduserende Dubbel-Weerkaatsende Ydelheid-Neutraliseerder … of kortweg sommer net V.E.R.D.W.Y.N.
En die beste van als? Dit kan jou onsigbaar maak! Dit klink sommer na vet pret!
Maar dan kry 'n skurk die formule in die hande - en Bennie en Jenny moet help om van die wêreld se kosbaarste juwele te probeer red ...
Publikasiedatum: 2018-08-23
Klik om te vergroot
Klik om te vergroot
9780799389555

Kinders: Ouderdomsgroep 6 - 9

Vertaler: Jaco Jacobs
Illustreerder: John Steven Gurney
Kinders  -  Ouderdomsgroep 6 - 9
R 170
R 153Jy spaar R 17
Drie stertswaai-lekker stories uit die dierehotel!
Goeie nuus vir jong diereliefhebbers: Die gewilde Dierehotel-reeks is nou vir die eerste keer in 'n omnibus beskikbaar. Troeteldiereliefhebbers is versot op die tweeling Liela en Dirkie se avonture in die Dierehotel. In elke boek maak 'n nuwe vierpotige of geveerde kuiergas sy opwagting in die hotel - en dit sorg vir hope opwinding! 'n Prettige, snaakse reeks vol oulike troeteldiere en lawwe avonture.
1: Alle diere welkom!
Die tweeling Liela en Dirkie kan nie glo hulle gaan in hulle tante se hotel bly nie. Die hotel lyk nou wel oud en afgeleef - maar daar wag sommer hope verrassings op hulle! Die hotel is vol ou kamers en daar is 'n daktuin en selfs 'n hysbak. Daar is ook een GROOT probleem - daar is geen gaste nie. Maar toe Liela en Dirkie aanbied om na hul nuwe buurman se hondjie te kyk, gee die woelige, wollerige bondeltjie hulle 'n fantastiese idee. Hulle gaan hul nuwe tuiste in 'n ongelooflike hotel verander ... spesiaal vir diere! En hulle kan nie wag om die eerste besoekers in die splinternuwe hotel te verwelkom nie.

2: 'n Groot verrassing
Die volgende kuiergas by die Dierehotel is 'n gestreepte grys kat genaamd Matilda. Maar Liela en Dirkie is bekommerd, want Matilda wil glad nie speel nie - sy wil net die heeltyd wegkruip en slaap! Wat op dees aarde is fout met haar? Intussen maak Elvis die kokketiel moeilikheid tydens sy kuiertjie. Hy gaps die heeltyd kos uit die kombuis, en hy wil Matilda nie met rus laat nie. Is hy net stout, of weet hy dalk iets wat Liela en Dirkie nie weet nie?

3: Snuf in die neus
Almal is verras om te sien hoe fluks die Dierehotel deesdae sake doen! Liela en Dirkie het hope troeteldiere om op te pas - katte, honde, konyne, marmotte en voëls. Maar toe 'n afgetrede polisiehond genaamd Watson kom inloer, snuffel hy allerlei moeilikheid uit. Kan Liela en Dirkie met sy hulp die Dierehotel se heel eerste geheimsinnige raaisel oplos?
Publikasiedatum: 2018-08-23
Klik om te vergroot
Klik om te vergroot
9780799388817

Kinders: Ouderdomsgroep 10 - 12

Illustreerder: Dale Blankenaar
Kinders  -  Ouderdomsgroep 10 - 12
R 180
R 162Jy spaar R 18
'n Skreeusnaakse versameling skaterlagstories!
Kom eet by die Swakste Restaurant in die Heelal.
Vind uit wat gebeur as jy met supergom aan die mooiste meisie in die skool vasgeplak word.
Ontmoet die seun wat Arnold Schwarzenegger se springmielies geëet het.
Gee vir tannie Breggie 'n ou soentjie - as jy dapper genoeg is!
Vind uit hoe 'n mens toonkonfyt maak.
En ontdek hoe 'n bol kougom die wêreld kan red ...
GIGGEL, GIL, BRUL, PROES, SNORK en SKATER van die lag met hierdie versameling skreeusnaakse stories uit die pen van die gewilde Jaco Jacobs. Hierdie bundel kortverhale bevat tien stories wat gewaarborg is om jong lesers se lagspiere oortyd te laat werk.
Inhoud
- Iets in die water
- Dis amper onmoontlik om saggies op 'n elektriese kitaar te speel
- Haai! Jy's mos Brandon Skye!
- Kom gee my 'n ou soentjie ...
- Die dag toe Karlo Karelse se kougom die wêreld gered het
- Toonkonfyt
- Stadsjapies
- Die Swakste Restaurant in die Heelal
- Die seun wat Arnold Schwarzenegger se springmielies geëet het
- Supergom
Publikasiedatum: 2018-08-10
Klik om te vergroot
Klik om te vergroot
9780799388725

Kinders: Kleuters

Vertaler: Jaco Jacobs
Illustreerder: Caroline Pedler
Kinders  -  Kleuters
R 150
R 135Jy spaar R 15
Ontmoet 'n dapper klein hasie … en 'n groot, bang beer!

In die diep, donker woud woon die HARIGE OU GROTE!
Met skerp tande in sy bek en skerp kloue aan sy pote.
Sy kwaai oë sal jou laat ril en laat gril
en dit klink net soos donderweer wanneer hy brul!

Klein Ben is 'n dapper hasie. Hy hou BAIE van pret en avontuur, maar hy hou GLAD nie van bed toe gaan nie. Toe sy ma hom een aand voor slaaptyd vertel van die Harige Ou Grote met sy skerp tande en skerp kloue wat in die woud woon, besluit Klein Ben om in die donker buitentoe te sluip en hom te gaan soek! Maar in plaas van 'n groot, harige monster ontdek Klein Ben 'n beer in die woud. 'n Baie bang beer. Sommer gou word klein Ben en die beer groot maats. Maar sal die beer dapper genoeg wees om na die monster te help soek?
'n Oulike, avontuurbelaaide storie oor vriendskap en hoe om jou vrese te oorkom.
Publikasiedatum: 2018-07-26
Klik om te vergroot
Klik om te vergroot
9780799389449

Kinders: Ouderdomsgroep 10 - 12

Illustreerder: Alex van Houwelingen
Kinders  -  Ouderdomsgroep 10 - 12
R 175
R 158Jy spaar R 17
Vyf Zackie-avonture in een fantastiese omnibus!
Granaatstraat is 'n straat nes enige ander straat. Wel, nie heeltemal nie. Dis immers die straat waarin Zackie Mostert woon. En waar Zackie is, is daar altyd volop pret, avontuur en kattekwaad!
Kinders is versot op Zackie se skreeusnaakse avonture! Of hy nou kulkunsies doen, spoke jag, probeer om 'n superheld te word of 'n plan moet maak om uit die skoolkonsert te kom - waar Zackie is, is daar altyd hope pret en kattekwaad. Sedert die verskyning van die eerste Zackie-boek in 2010 het dié gewilde karaktertjie en sy maats hope pret en humor na die Afrikaanse kinderboekwêreld gebring, en duisende aanhangers gekry. Word deel van die opwinding saam met Zackie, sy beste vriend, Vincent, sy hond, Frankenstein, die kwaai buurtannie, mevrou Langenhoven - en natuurlik Anton die skoolboelie wat gedurig moeilikheid maak!
Vir die heel eerste keer verskyn vyf van Zackie se lawwe avonture saam in een briljante, bekostigbare omnibus:
1. Zackie Mostert en die ongelooflike kulkunsie
2. Zackie Mostert en die (Byna) Baie Briljante Idee
3. Zackie Mostert en die super-aaklige soen
4. Zackie Mostert en die Gemaskerde Groen Gevaar
5. Zackie Mostert en die spokerige storie
Publikasiedatum: 2018-07-26

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.