DISCOUNT ONLY ON ONLINE PURCHASES ●●● FREE Pargo delivery on orders above R350
Click to enlarge
Click to enlarge
9780798178761

Fiksie: Poësie

Fiksie  -  Poësie
R 300
R 240You save R 60
'n Oorsig van Breytenbach se digkuns is 'n voëlvlug oor die jare sestig tot vandag, waarin beide Europa en Afrika hulself radikaal geherdefinieer het. Die gedigte is chronologies gerangskik volgens die digter se lewensgang: jongmenslewe in Kaapstad, Parys, bannelingskap weens sy huwelik, terugkeer en tronkstraf, die buiteland. En oplaas 'n pendelaarslewe tussen noorde en suide van die aardbol, waarin tuiskoms slegs in die arms van die liefde is.
Publication date: 2019-09-02
Click to enlarge
Click to enlarge
9780795802065

Fiksie: Poësie

Fiksie  -  Poësie
R 240
R 192You save R 48
In Hennie Nortjé se tweede digbundel kom die bokskryt van die menslike kondisie aan bod in ingehoue, dikwels humoristiese verse. Kryt bewoord die uitwissing van eras (soos die Kryt); die impak van katastrofes op die heelal; die uitlewering van die mens aan bedreigings (die aanslag van bordkryt, uitkrytery tussen groepe); die verbystering oor natuurskoonheid; en die drang van die klein skepper om in die kuns-kryt te tree teen Tyd se sloping.
Publication date: 2019-08-20
Click to enlarge
Click to enlarge
9789000037223

Fiksie: Poësie

Fiksie  -  Poësie
R 600
R 480You save R 120
In Die geleerde digter se drie bande bespreek prof. W.J. Henderson twee besondere digsoorte in die poësie van die antieke Griekse letterkunde wat 'n groot invloed op die Westerse letterkunde uitgeoefen het en vandag nog tot lesers spreek.
Hierdie werk se drie dele is die laaste in 'n reeks Afrikaanse vertalings van die kort digvorms uit oud-Grieks. Die skrywer het reeds in drie vorige publikasies -- liriese, elegiese en jambiese poësie vertaal en bespreek. Die herdersdig en epigram van die nuwe reeks het hulle grootste bloei geniet in dieselfde era, die Hellenistiese periode van die Griekse kultuurgeskiedenis (ná die dood van Alexander die Grote in 332 tot 31 v.C. toe Alexandrië in die Romeinse Ryk ingelyf is). Die twee digvorme verskil egter van mekaar ten opsigte van vorm en inhoud.
Die oorspronklike Griekse gedigte is uitstekend vertaal in Afrikaans, maar die moderne leser kan nie sonder hulp die historiese en literêre konteks, betekenis, funksie en literêre gehalte en waarde van die gedigte verstaan nie. Daarom word kommentaar by die gedigte verskaf om hulle betekenis toeganklik te maak. Die aantekeninge by elke vertaalde gedig vat die navorsing van talle geleerdes oor 'n lang tydperk saam wat die kulturele konteks van die digters en hulle werk verduidelik. Veral in die afgelope vier dekades is daar opnuut belangstelling in hierdie digvorms onder internasionaal bekende klassici.
Vir diegene wat wel oud-Grieks magtig is of in die ontwikkeling van die klassieke Griekse letterkunde belangstel, word ook kommentaar op styl, veral nuwe woordskeppings en uitsonderlike taalgebruik aan die einde van besprekings van gedigte gegee.
Publication date: 2019-07-17
Click to enlarge
Click to enlarge
9781928426806

Fiksie: Poësie

Fiksie  -  Poësie
R 220
R 176You save R 44
Die ontnugtering en nostalgie van die middeljare word hier in alle erns met humor en trefseker taalgevoel verwoord.
Ryk aan intertekstualiteit en slim woordspeling, is hierdie bundel vars en toeganklik vir alle oopkop lesers. Ou vrese word besweer en nuwes sinies en liries besing.

Willem S. Van der Merwe was 24 jaar oud toe sy debuutbundel, Son-dig, in 1985 die lig gesien het. Hierdie is sy tweede bundel. Hy woon en werk tussen Suid-Afrika en Hong Kong, waar hy 'n videoproduksiebesigheid bestuur.
Publication date: 2019-06-10
Click to enlarge
Click to enlarge
9781928426608

Fiksie: Poësie

Fiksie  -  Poësie
R 200
R 180You save R 20
In Donkerwerk word daar gefokus op die dialektiese interafhanklikheid van alle dinge. Daar word besin oor die nietigheid van die mens teenoor die mistieke grootsheid van die heelal, maar ook op die verhouding tussen die mens en die natuur.

Tematies handel die verse oor kinderloosheid, verganklikheid, die liefde, familie, geskiedenis, musiek en oorlog. Bekendes soos Dracula, Paul Celan en Stephen Hawking word aan die hand van portretstudies verbeeld, terwyl sosiale en persoonlike onrus die spilpunt van sommige verse vorm.
Publication date: 2019-05-15
Click to enlarge
Click to enlarge
9781928426707

Fiksie: Poësie

Fiksie  -  Poësie
R 220
R 198You save R 22
Deernisvol verken die digter in hierdie bundel ʼn denkbeeldige gemeenskap met herkenbare karakters. Die gedigte verbeeld samehorigheid en verlies in ʼn spektrum van komiese en dramatiese emosies.

Polsend van liefde en die lewe, deurspek met legendes en mites, word die dorpie in sy tydlose volheid vertoon.

Uiteindelik vind die leser in die karakters se universaliteit sy of haar eie kleurvolle menswees terug.
Publication date: 2019-04-17
Click to enlarge
Click to enlarge
9781928426653

Fiksie: Poësie

Fiksie  -  Poësie
R 220
R 198You save R 22
Dit is die jaar 1967. 'n Tienjarige seun in 'n disfunksionele mynwerkershuis op die Wesrand is aan die woord. Met gestroopte verse vertel hy van die mense wat instaan en help om sin te gee aan wat om hom gebeur.

Deur hierdie gedigte ervaar die leser die absurditeit van die staatsstelsel in die 60's asook die wyse waarop 'n kind sin maak van wat in die grootmenswêreld aangaan.

Sewe van die gedigte is verlede jaar in die bundel Nuwe Stemme 6 opgeneem en het uiters positiewe reaksie ontlok.
Publication date: 2019-04-15
Click to enlarge
Click to enlarge
9780798177177

Fiksie: Poësie

Fiksie  -  Poësie
R 250
R 225You save R 25
Dié derde bundel van Marais ontgin opnuut bekende temas uit die digter se oeuvre: verbruikerskultuur, manlike identiteit, tuis/ontuis wees in SA, dikwels met 'n vlymskerp humorsin en 'n nog skerper visuele ingesteldheid. Die verse word saamgeryg in 'n eenheid wat neig na 'n naamlys, 'n portretuitstalling en selfs na 'n register van herinneringe. Met dié verse vestig Marais hom as een van die mees behendige beoefenaars van die hedendaagse digkuns.
Publication date: 2019-04-04
Click to enlarge
Click to enlarge
9780798178624

Fiksie: Poësie

Fiksie  -  Poësie
R 250
R 225You save R 25
op weg na kû is in vele opsigte 'n gesamtkunstwerk, soortgelyk aan Katalekte in 2012. In die woorde van Andries Visagie: 'Dit word 'n sintese van artistieke talent sonder weerga. Al die elemente in Breytenbach se literêre arsenaal - die voëls, die honde, die maan, die liefde, ballingskap, die metapoëtiese nadenke oor die woord en skryf - is hier aanwesig. Opnuut kan 'n mens net in verbystering staan oor die oorweldigende digterlike idiolek wat die skrywer ontwikkel het.'
Publication date: 2019-03-22
Click to enlarge
Click to enlarge
9781485310204

Fiksie: Poësie

Fiksie  -  Poësie
R 160
R 144You save R 16
Grondwater sluit aan by die vorige bundels van die gevestigde digter Marlise Joubert, maar het 'n boustof wat getuig van 'n nuwe stel lewenservaringe wat dit laat affilieer by die groeiende tradisie in Afrikaanse laatwerk. Dit is 'n bundel wat spreek van die spreker se terugblik op 'n leeftyd, die besef van eie sterflikheid en die ontginningsproses van die biologiese en psigologiese wortels van die mens, van die impak van ouerfigure en veral van die gestorwe moeder.
Publication date: 2019-02-22
Click to enlarge
Click to enlarge
9780620826112

Fiksie: Poësie

Fiksie  -  Poësie
R 150
R 135You save R 15
Met hierdie versameling gedigte, wat Dolf van Niekerk rondom sy 90ste verjaardag geskryf het, peins die digter oor die lewensfase waarin hy hom nou bevind. Hy noem die gedigte “berigte”, asof hy aan die lesers nuus wil oordra oor sy ervaring terwyl hy hom in 'n skemerland bevind, die land tussen dag en nag, tussen lig en donker. Hy kyk ook terug na die hartseer en eensaamheid wat deel was van sy kinder- en volwasse jare, met die besef dat hy van vroeg af 'n enkeling was.
Die digter vind parallelle vir sy eie lewe wanneer hy nadink oor die geskiedenis van die aarde, die mens en die beskawing, met hoogtepunte en tye van opbloei, maar ook besef dat agteruitgang onvermydelik deel daarvan is. Die wisseling van dag en nag en die seisoene dra by tot 'n gevoel van berusting en aanvaarding. Hy kan hom nog steeds verlustig in die vreugde wat die natuur, musiek en die liefde bied. Hoewel die skemer 'n tyd van afskeid is, is dit ook “tyd vir die engele”, 'n sagte tyd en 'n tyd waarin die mens genoeg lig het om die onsienlike te kan sien en die ondenkbare te kan bedink. Te midde van die twyfel wat die mens hier op aarde ervaar, kan hy ook sekerheid verwag in sy soeke na die ware lig tussen die twee pole van lig en duister.
Berigte uit die skemerland is 'n digbundel waarin die groot filosofiese vrae oor die sin van die menslike bestaan, die ware, die goeie en die skone, gestalte kry in verse oor die lewe van 'n individu.
Publication date: 2019-02-18
Click to enlarge
Click to enlarge
9781928426349

Fiksie: Poësie

Fiksie  -  Poësie
R 175
R 158You save R 17
Hierdie Namibiese digter maak weer eens opspraak met sy vyfde digbundel. Dit word beskryf as 'n voortsetting van 'n binnewaartse reis op soek na die grense wat sy werklikheid omlyn. Beelde uit Lombard se Namibiese leefwêreld suggereer dat die onsegbare dikwels tussen woorde en in leë spasies skuil; dat die ware God hom verskans tussen vele ander gode.
Publication date: 2018-12-31
Click to enlarge
Click to enlarge
9781928426288

Fiksie: Poësie

Translator: Cas Vos
Fiksie  -  Poësie
R 240
R 216You save R 24
• Die Il Paradiso is die hoogtepunt van Dante Alighieri (1265-1321) se driedelige werk. Hy gebruik van die aangrypendste metafore en vergelykings om sy reis te beskryf. Hy is sonder twyfel een van die briljantste digters ooit.
• Cas Vos se vertaling is die eerste vertaling daarvan in digvorm in Afrikaans.
Hy wend verrassende en sprankelende metafore en vergelykings in sy vertaling aan en hy vertaal al die Latynse himnes op 'n indrukwekkende wyse.
• Die leser word uitgenooi om die reis na die Paradiso onder die klank van sange en lieflike beelde te onderneem. 'n Youtube-opname deur Hennie Maas van beeld en klank vergesel die bundel. Die uitmuntende akteur Dawid Minnaar lees dele uit die vertaling voor. Die opname laat die leser van Il Paradiso die tersines visueel en klankryk ervaar.
Publication date: 2018-11-28
Click to enlarge
Click to enlarge
9780798178143

Fiksie: Poësie

Fiksie  -  Poësie
R 245
R 221You save R 24
In dié vertaling van Alfred Schaffer se bekroonde Nederlandse bundel, Mens dier ding, ondersoek die digter die mite van Sjaka Zulu deur dagboekinskrywings, monoloë, briewe en dagdrome. Sjaka word vergestalt as 'n kleurryke figuur; die mites rondom sy geskiedenis word op die kop gedraai en ondermyn, en eindelik, soos almal van ons, word hy akteur in sy eie lewensverhaal. 'n Poëtiese kragtoer, en 'n hoogtepunt ter plaatse dat dié vertaling deur Zandra Bezuidenhout in Afrikaans sal beskikbaar wees.
Publication date: 2018-11-18
Click to enlarge
Click to enlarge
9781928426516

Fiksie: Poësie

Fiksie  -  Poësie
R 275
R 248You save R 27
Although Olga Kirsch's is the only Jewish voice in Afrikaans poetry, it is scarcely known among members of the South African Jewish community. Olga Kirsch was, after Elisabeth Eybers, only the second woman to publish a collection of poetry in Afrikaans.
The aims of this biography are to reverse this slide into obscurity and to show why her work is important not only in South Africa but also in Israel.

It does not only investigate Kirsch's role as Afrikaans Jewish poet but also examines her as an example of a cross-cultural, multi-lingual immigrant poet. As such some of her English and Hebrew poetry are included in this work.
Publication date: 2018-10-31

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.