●●● FREE COURIER DELIVERY ON ORDERS OVER R450 WITHIN RSA BORDERS ●●●

Nie-fiksie / Non-fiction
Biography & Autobiography / Biografie & Outobiografie

Results 1 to 15 of 659
Sorted by:  Language
Click to enlarge
Click to enlarge
9781776093380

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 280
R 252You save R 28
Die memoires van 'n randeier Herman Lategan word wyd gerespekteer as joernalis, en is beide beroemd én berug vir sy uitgesprokenheid en kwinkslae oor alles onder die son. In Hoerkind vertel hy sy lewensverhaal uit die hart uit, sonder doekies omdraai. Hy is een warm Februarienag in 1964 in 'n losieshuis in Kaapstad verwek - buite die eg. Van jongs af het hy soos 'n weggooimens gevoel, want hy is deur grootmense wat die lewe op onvaste voet betree het, van die een stel hande na die ander aangegee. Op 13 beland hy in die kloue van 'n geslepe pedofiel, 'n bekende Afrikaanse koerantman in daardie jare. Pas na sy 18de verjaarsdag, wanneer sy molesteerder met hom klaar is, word Herman sonder seremonie voor die deur van sy vervreemde alkoholis-pa afgelaai. In sy tienerjare bevriend hy Afrikaanse digters soos Sheila Cussons, Ina Rousseau, Barend J. Toerien en Casper Schmidt. Ná skool doen hy sy diensplig, maar word oneervol ontslaan en kom hy in New York aan, waar hy vir Andy Warhol op straat agtervolg en met 'n “smorgasbord van eendagsvlinders” kattemaai. Terug in Suid-Afrika maak Herman opgang as joernalis wat na die wydste hoeke van die wêreld reis. As volwassene voer hy 'n stryd met drank en dwelms en is 'n ruk lank haweloos. En vir menige werkgewer word hy die nagmerrie wat hulle die ergste vrees. Hoerkind is 'n aangrypende relaas oor verlies én oorwinning wat jou sal laat lag, en jou hart 'n paar keer breek. Jy sal jou kop skud oor die wreedheid van 'n wêreld waar mense aan mekaar uitgelewer is, maar jy sal verwonderd staan oor die omvang van goedheid, juis omdat mense op mekaar aangewese is. As 'n outobiografie is die boek met verbasende openhartigheid geskryf en geen doekies word oor die skrywer se persoonlike lewe of gay-wees omgedraai nie. Verskeie bekende en selfs beroemde figure uit die media- en vermaaklikheidswêreld maak hul verskyning in die boek wat meesleurend, hoogs vermaaklik en kompromisloos eerlik is. Oor die jare skryf Herman vir oor die 50 tydskrifte, koerante en webblaaie, onder meer Vogue Entertaining + Travel, Time Out, House and Leisure, Cape Style, Mail & Guardian, Vrye Weekblad en Rapport. Sy rubrieke is in twee bundels byeengebring: Binnekring van spookasems en Opstokers, fopdossers en tweegatjakkalse, en 'n handvol gedigte en kortverhale het ook verskyn. Herman het vir vyf jaar vir e.tv gewerk en vir 'n dekade insetsels vir etlike radiostasies soos FMR en Cape Talk gelewer.
Publication date: 2022-07-31
Click to enlarge
Click to enlarge

9

9781928530992

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 240
R 216You save R 24
Gerald Burger is een van die land se bekendste sieners. Gedurende 2019 het hy die hoofkarakter in sy eie reeks, Die Siener, wat op kykNET uitgesaai is, geword. Dié reeks het op die stasie se top 10-programme geboer. Dit is nou nog op Showmax beskikbaar. Die Siener: deur die oë van Gerald Burger bied 'n in-diepte blik op die lewe van 'n heldersiende. 'n Individu wat geseën is met die gawe om met die bonatuurlike te kommunikeer, om onwelkome gaste te help om na die “anderkant” oor te gaan.
Publication date: 2022-05-11
Click to enlarge
Click to enlarge
9781776172078

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 240
Ek besluit om die Camino Portugués te stap as aanloop tot my sestigste verjaardag. Maar om dít te kan doen, moet ek eers my lewenslange patroon van fisieke onaktiwiteit takel.
Tot my ontnugtering is die Camino nie van begin tot einde die salige en spirituele ervaring wat ek in die vooruitsig gestel het nie. Maar tog … eers na afloop van die Camino besef ek hoe my staptog vorm aangeneem het en dat dít 'n psigiese rigtingwyser is: Vir my is daar maar net één pad, en dis die een wat ek self moet vind.
Publication date: 2022-04-15
Click to enlarge
Click to enlarge

4

9781776354863

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 280
R 252You save R 28
Terug in die spaarkamer. Skok tree in. Bewerasie, naarheid. Die huis klink hol.
Ek hoor iemand huil. Tyd staan stil. Ek sit. Dreunende klanke en pyn.
Harde klappe teen die kamervenster laat my skrik.
“Esli, maak oop!” Hy stap verby my.
“So lyk 'n vrou wat met haar man kak soek,” sê hy.
Bert, die aantreklikste ou in haar matriekklas, soen Esli uit haar vel. Vir meer as veertig jaar deel hulle hul lewens, maak saam kinders groot en sien om na vriende en familie. Jaarliks vier hulle Kersfees in Kleinmond met geskenke en trifle en stappies langs die see met hul worshond. Maar hoekom val Bert se broer uit 'n boom voor Esli se ouerhuis? En watter donker geheim is onderliggend aan Bert se ma se vreemde gedrag en onfatsoenlike grappe? Wat dink kollegas van Esli se haarstyleksperimente en panda-oë? Verdien sy om in die spaarkamer te skuil omdat sy, volgens Bert, aand na aand die kos brand en die hond se pote laat nat word as dit reën? In So lyk 'n vrou... vertel Ilse Verster van Esli se heelwording en hoe sy, ná 'n leeftyd van mishandeling, in 'n rooi rok op die strand kon staan met een vuis in die lug en vry kon voel. Sy gee stem aan 'n stukkende vrou wat net wil hê die pyn moet stop. Sy deel wat dit verg om jou teen die muur op te trek, jou teen die samelewing te handhaaf en jouself te red.

Die boek beeld die komplekse aard van gesinsgeweld uit. en kan kan lesers help om gevaarligte in hul eie lewens raak te sien. Dit wys ook hoe om maatreëls van die Wet op Gesinsgeweld te gebruik en illustreer hoe sienings rondom geslagsgebaseerde geweld oor die laaste vyftig jaar verander het. Dit dra 'n boodskap van hoop, heelwording en genesing oor.

So lyk 'n vrou... is Ilse se eerste boek. Sy het eerstehandse ervaring van die gebeure wat sy beskryf.
Publication date: 2022-03-03
Click to enlarge
Click to enlarge
9781776172054

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 220
Kan ʼn rock-ster op ʼn Karooplaas bly en werk? Natuurlik, dis presies wat Mianke van den Hever van Hanover is en doen. Dié besondere plaasnooi, wat met Down-sindroom gebore is, boer en leef haar uit tussen perde, skape, beeste, wild, klein diertjies in die veld, haar honde en die plaasmense op Beestekuil. Pa GP het vertel dat Mianke van kleins af ʼn boek wou skryf, maar dat die verstaan van letters en woorde haar nie beskore is nie. GP vra of ek kan help om dié droom te verwesenlik?

Sy het haar netjies voorbereide storie uit haar kop aan my vertel en dit is hier op skrif gestel, soos sy dit wou hê.
Publication date: 2022-03-01
Click to enlarge
Click to enlarge
978192828339

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 290
Volgens PG du Plessis het Pirow Bekker ʼn “benydenswaardig-heldere pen”, en die leser word in hierdie boek daardeur meegevoer met herinneringsreise na plekke van herkoms en vroeëre verblyf, sowel as na die verlede in die skrywer se eie gedagtes.


'n Belangrike bydrae van die boek is die beligting van demensie en Alzheimer, iets waaroor daar nie genoeg in Afrikaans geskryf word nie. Beurtelinge se stralende eerlikheid maak dit ʼn waardevolle werk. Daar is juwele in hierdie teks.
Publication date: 2022-03-01
Click to enlarge
Click to enlarge
9780796322135

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 210
Alwyn Uys is gebore om 'n Springbok-rugbyspeler te word, maar word verlam in 'n motorongeluk op 24-jarige ouderdom. Na intense rehabilitasie gaan Alwyn huis toe, en niks is soos dit was voor die ongeluk nie. Hy vertel deernisvol en eerlik hoe hy met genade van Bo opgestaan het en besluit het om aan te gaan met sy lewe. Die ongeluk het hom kans gegee om dinge te doen wat hy nooit voorheen sou gedink het sy hou kon doen nie. In 2019 word hy die eerste paraplegiese atleet wat 'n Ironman-kompetisie in minder as sewe uur te voltooi. Op 11 Desember 2020 word hy die eerste parapleeg ooit wat van Robbeneiland na Eden on the Bay (Bloubergstrand) swem. Met vele ander terugslae en teleurstellings in sy vroeë lewe, ontvou 'n verhaal van ontembare deursettingsvermoë wat ander sal inspireer.
Publication date: 2022-02-14
Click to enlarge
Click to enlarge
9781928530602

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 220
Kanniedood-koerantman Hennie van Deventer verklap geheime en intriges in nuuskantore en direksiekamers in ʼn 50-stuks informele “grafskrifte” vir ontslape tydgenote.

Beroemde pers-persoonlikhede word met deernis en humor geskilder. Die geskiedenis van die perswese in ʼn goue era word belig deur invloedryke koerantredakteur en koerantehoof van Naspers wat uit ʼn ingeligte binnekring verslag doen.

Koerantkamerade word opgedra aan “almal wat lief is vir koerante en oor die mense agter die papiergordyn wonder.” Dit is vir lesers met ʼn belangstelling in die resente geskiedenis en lesers wat lief is vir lekkerleesstories wat onderhoudend deur ʼn woordvaardige joernalis vertel word.
Publication date: 2021-11-30
Click to enlarge
Click to enlarge
9780620960625

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 250
Die skrywer se eerste boek, Vandag se sekretaresse (Human & Rousseau, 1988), was gebaseer op ontelbare kantore, kollegas en werkgewers waarmee sy tydens 'n elektroniese revolusie te doen gekry het. Daar was wêreldwye bekommernis oor of die sekretaresse met moderne kantoortoerusting vervang sou kon word. Nou is daar weer wêreldwye onsekerheid tydens 'n pandemie waar vetsug lewensgevaarlik is. My laaste dieet is die memoires van 'n smullende skaalslaaf. Ná 'n lewenslange stryd en ervaring van vraatsug, gepaard met kennis en ondervinding van 'n magdom diëte, beskou die skrywer haarself as die Koningin van Diëte.
Publication date: 2021-11-01
Click to enlarge
Click to enlarge
9780624091455

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 290
'Vir 45 jaar het Freek Robinson die grootste nuusgebeure in die ou én nuwe Suid-Afrika eerstehands beleef. As TV-joernalis en nuusanker was hy 'n gereelde besoeker in miljoene Suid-Afrikaners se huise.
In sy memoires deel Freek dit wat hy agter die skerms beleef het.
Dié boek verweef die lewe en loopbaan van een van ons land se mees gerespekteerde en geliefde joernaliste en gee 'n besonderse blik op die ingrypende nuusomwentelinge in ons onlangse geskiedenis.'
Publication date: 2021-10-01
Click to enlarge
Click to enlarge
9781485312925

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 220
In 2001 verander Erika Murray-Theron se lewe onherroeplik toe haar man, Tom, met parkinsonsiekte gediagnoseer word.
Erika begin haar vertelling eers in 2011, toe Tom in 'n meer gevorderde stadium van die siekte verkeer. Dit is die rou optekening van saamleef met 'n geliefde met parkinsons: die ervaring om die fisieke en intellektuele aftakeling van jou lewensmaat te aanskou, die fisieke eise wat met die versorging van so iemand gepaard gaan, en die emosionele inspanning wat dit kos om jouself te staal teen dramatiese en stadige verlies.
Publication date: 2021-09-13
Click to enlarge
Click to enlarge
9781485312765

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 295
Hierdie boek is die kroniek van 'n ma se reis ná die selfdood van haar 19-jarige dogter, Jessica. Dit bereis die intense fases van rou en verlies. Dié reis is verweef met haar eie fisiese reise na Suidoos-Asië en ander soms ongewone bestemmings. Jesse laat geen brief agter nie. Ma en dogter was na aan mekaar, al twee hoogs kreatief en passievol. Matty gaan op reis om huis te hou met haar smart. In dagboekinskrywings praat sy met Jess, probeer sy sin maak en probeer sy bo alles haar dogter se besluit en dood eer soos sy haar lewe geëer het. Sy vind troos in boeke en kunsmuseums. Dis 'n aanhoudende gesprek; liries en kreatief. Dis fragmentaries soos ʼn spieël wat versplinter het, met baie lig tussen die skerwe.
Die manuskrip is in drie dele: Die eerste gedeelte handel oor die onmiddellike nadraai van haar kind se selfdood, dan 'n verslag van die skrywer se 'gap year' in Maleisië waar Jessica haar onsigbare reismaat is, ten slotte is sy terug by die huis, stoei sy met borskanker en versorg sy haar 98-jarige ma tot dié se dood.
Publication date: 2021-08-27
Click to enlarge
Click to enlarge
9780639602233

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 235
In 2018 het die doodsengel drie keer aan die oudrugbyspeler Ethienne Reynecke se deur geklop. Hy het geweier om oop te maak - toe sy milt bars, toe hy 'n beroerte gehad het en toe hy in die agterkop geskiet is. Boonop, ná 'n egskeiding daardie jaar, het sy twee liefingdogters na 'n ander stad verhuis. Die noodlot het sy spraakvermoë gesteel en hom sy werk as kommentator by SuperSport gekos. Dit het hom, soos Reynecke dit stel, in 'n pampoen verander. Maar het hy geweier om bes te gee. Dit was 'n stryd om sy krag en woorde te herwin. Tussendeur moes hy pa wees vir jong dogters. Hulle en sy vriende het hom gehelp om ná elke hamerhou op te staan. Minder as twee jaar later, in Maart 2020, word Reynecke die Suid-Afrikaanse ligswaargewig-amateurkampioen in gemengde gevegskuns (MMA). Hierdie is die storie van hoe Ethienne Reynecke dit reggekry het om staande te bly en vas te klou aan hoop waar wanhoop ander sou meesleur.
In hierdie boek, wat met Reynecke se samewerking geskryf is, word 'n boodskap van hoop en bemoediging tuisgebring. Onder andere praat Reynecke en ander beroerte-oorlewendes praat oor die herstelproses. Die boek bied ook 'n binneblik op die wêrelde van beroepsrugby en gemengde gevegskuns, en Reynecke en sielkundiges praat oor wat dit verg om die oorgangsfase van beroepsport na die lewe ná sport te maak. Bekendes uit die rugbywêreld deel ook hul herinneringe en indrukke. Dit sluit in John Smit, AJ Venter, Gcobani Bobo, Ernst Joubert, Roland Bernard, Anton van Zyl, Cobus Grobbelaar, en Eugene “Loffie” Eloff.
Publication date: 2021-07-29
Click to enlarge
Click to enlarge
9780620922609

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 280
Laramie: 'n Terugblik op Eugène N. Marais:

Eugène N. Marais is in 2021 honderd en vyftig jaar gelede gebore en het vyf en tagtig jaar gelede aan eie hand gesterf. Hy het 'n breë terrein bestryk as prosaskrywer, digter, dramaturg, natuurkundige, hipnoterapeut, regsman en joernalis. Sy VERSAMELDE WERKE het twee uitgawes beleef en ouer sowel as jonger lesers vind steeds daarby aanklank.
LARAMIE bevat bydraes deur eietydse skrywers in die vorm van prosa, poësie en essays uit die natuurwetenskappe, sielkunde, filosofie en geskiedenis. Standaardafrikaans, Griekwa-Afrikaans en Kaaps, selfs Nederlands, loop saam op Marais se spoor. Lof en meelewing maar ook fel kritiek bied 'n gebalanseerde kyk op hierdie geroemde, omstrede en tragiese figuur. Dit bevat iets vir almal.

“… 'n prikkelende, toeganklike bundel met 'n ryke verskeidenheid … fiksie en niefiksie en literêr gewigtig sowel as populêr. Dit is die ideale manier om die erflating van Eugène Marais lewend te hou en om selfs Marais-aanhangers verder te laat dink - krities én verbeeldingryk te laat dink oor hierdie belangrike literêre figuur.”- Dr. Francois Smith, skrywer en letterkundige.

Bydraes deur: Martjie Bosman, Dominique Botha, Pierre Cronje, Thomas Deacon, Piet de Jager, Clinton V. du Plessis, Hans du Plessis, J.C.M.D. du Plessis, Erik Holm, Daniel Hugo, Johan Kruger, Johan Marais, Johann Lodewyk Marais, Jean Meiring, Johan Myburg, Chase Rhys, R.R. Ryger, Gerard Scharn, Carel van der Merwe, Christo van der Westhuizen, Ernst van Jaarsveld, Ben Viljoen, Cas Vos.
Publication date: 2021-06-10
Click to enlarge
Click to enlarge
9781485312642

Nie-fiksie / Non-fiction: Biography & Autobiography / Biografie & Outobiografie

Nie-fiksie / Non-fiction  -  Biography & Autobiography / Biografie & Outobiografie
R 295
Hierdie skrywer weet hoe om ʼn storie te vertel en hoe om die leser in te katrol. Haar kinderjare in Derdepoort, Pretoria, word lewendig en humoristies verhaal. Haar pa het lewenslank boekminderwaardig gevoel omdat hy nie kon gaan studeer nie. Sy pa het sy grond verloor en hy moes vroeg die skool verlaat om te gaan werk. Hy onderskei hom in die spoorweë, maar die drankduiwel ry hom (en die gesin). Geen kind van hom hoef te gaan leer nie, glo hy.
Die verteller self spring duidelik en onweerstaanbaar uit die bladsy regop - iemand wat, in haar eie woorde al soos ʼn haas verskrik is deur haar pa maar wat haar eenvoudig nie laat onderkry nie. Sy sou gaan leer, buig of bars. En sy het nie opgehou voordat sy ʼn doktorsgraad verwerf het nie.

OOR DIE OUTEUR
Elize Redelinghuys-Labuschagne-Hull se belangstellings en beroepe is so gevarieerd soos haar vanne en sy glo hierdie afwisseling hou haar op haar tone.
As bekende binnenshuisontwerper voltooi sy wêreldwyd projekte wat varieer van ambassadeurswonings en privaathuise, tot hospitale en kantore.
Sy fokus sedert 2005 haar kreatiwiteit op produkontwerp, en saam met haar man Rodney bou en bedryf sy “Tassels & Treasures”, ʼn groothandelfirma waar sy die ontwerp, vervaardiging en bemarking van haar eie interieur- en geskenkreekse hanteer, terwyl Rodney die wiele van invoer en besigheidsbestuur laat rol. Hiervoor reis hulle wyd en gereeld, onder andere vier-en-twintig keer na Sjina en omliggende lande in die ooste. In 2016 verkoop die Hulls hul besigheid. Sedertdien leef Elize haar lewenslange passie vir reis en fotografie uit. Sy is ʼn internasionaal bekende en bekroonde wildlewefotograaf wat die wêreld deurkruis vir die perfekte skoot van bedreigde spesies in afgeleë plekke. Suid-Amerika is haar gunsteling-kontinent vir fotografie, ná haar geliefde Afrika.
Sy is ʼn gerespekteerde kultuurhistorikus en kenner van ou Transvaalse boerewonings en periode-interieurs. As entoesiastiese versamelaar en navorser van antieke Transvaalse meubels, werk sy tans aan ʼn fotoboek oor die onderwerp.
Publication date: 2021-06-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.