Hierdie werkboek is spesifiek ontwikkel om graad 6 en graad 7 leerlinge te help om hul basiese optelling, aftrekking, vermenigvuldiging en deling vaardighede te bemeester. Leerlinge moet van begin tot einde, in aparte sessies, in ongeveer 6 uur deur die boek werk.
Dit is bewys dat spoed en akkuraatheid van berekeninge dramaties vebeter en die weg baan vir 'n gelukkige en suksesvolle toekoms in Wiskunde.

Ken & Verstaan Lewensvaardighede Graad 6 is deur 'n ervare span skrywers ontwikkel om die Kurrikulum- en Assesseringsbeleidsverklaring (KABV) ten volle te ondersteun. Hierdie nuwe kursus help nie net leerders om noodsaaklike inhoud en vaardighede in die vak onder die knie te kry nie, maar gee hulle die bes moontlike grondslag waarop hulle hul kennis van Lewensorientering en Skeppende Kunste kan voortbou. Die omvattende Leerdersboek verskaf aktiwiteite wat leerders se vaardighede en begrip ontwikkel van al die onderwerpe in die Lewensvaardighede-kurrikulum, bevat nuwe tekste wat spesiaal vir die Leesvaardighede-afdeling geskep is, bied relevante inhoud wat volgens die KABV-dokument uiteengesit is en voorsien duidelike en geillustreerde instruksies vir die Liggaamsopvoeding- en Skeppende Kunste-aktiwiteite.