Ontdek 'n wonderwêreld van stories en stemme!

Die 25 verhale in hierdie opwindende bloemlesing is spesiaal uitgesoek om tot moderne jongmense se leef-, taal- en ervaringswêreld te spreek. Daar is romantiese stories, liegstories en lagstories, stories wat jou sal laat naels kou, en ernstiger verhale om jou uit te daag en jou te laat nadink.

Hierdie lekkerleesbundel bevat verhale deur van die bekendste en mees bekroonde Afrikaanse skrywers asook 'n handvol opwindende nuwe stemme, insluitend: Johan Bakkes, Chris Barnard, Willemien Brümmer, Christo Davids, E.K.M. Dido, Carina Diedericks, Nelia Engelbrecht, Willem Fransman, Maya Fowler, J.M. Gilfillan, Erns Grundling, P.J. Haasbroek, Jaco Jacobs, Elsa Joubert, Wendy Maartens, Elias P. Nel, Modikwagae Joseph Pholo, Riana Scheepers, Solet Scheeres, Braam van der Vyer, Jan van Tonder, Paul C. Venter, Fanie Viljoen en George Weideman.

Nasionaal voorgeskryf vir Afrikaans EAT Graad 10 (Kortverhaalbundel)
Bevat agtergrondinligting oor elke skrywer, asook 'n inleiding by elke verhaal.
Pre- en postlees-aktiwiteite en -vrae
Volledig uitgewerkte antwoorde
'n Woordelys met literêre terme
'n Woordelys met eksamenterme

Onmiskenbaar Suid-Afrikaans, is hierdie eietydse verhale uitgesoek met leerders in grade 11 en 12 in gedagte wie se huistale nie Afrikaans is nie.

Van die verhale is spesiaal vir die bundel geskryf en sommige is deur leerders self gekies.

Kaleidoskoop voldoen aan die vereistes van die Nasionale Kurrikulum-verklaring en bevat ook woordveklarings, begripsvrae en opdragte vir aktiwiteite.

Hierdie studiegids is 'n hulpmiddel vir die klaskamer. Die gids fokus op die bespreking van die roman Kompleks as 'n letterkundige teks. Besprekingsvrae sal leerders uitdaag en aanmoedig om die roman ook as 'n lekkerleesboek te geniet.
Literêre aspekte word binne die konteks van die roman bespreek, en daar is kontekstuele vrae met nasienriglyne, besprekingspunte en aktiwiteite.

Hierdie studiegids is ideaal vir onderwysers om saam met die leesboek in die klaskamer te gebruik. Leerders kan die studiegids met vrug vir selfstudie gebruik.

Die laaste een in die see is 'n bolletjie snot!” roep ouma Mollie. Haar naam is Mollewania Mollewiekus Nagtegaal. Maar jy kan haar sommer net ouma Mollie noem – die grootse moeilikheidmaker op Seeperdjiebaai. Gelukkig hou Nina haar ouma (gewoonlik) uit die moeilikheid. Vandag is egter nie een van daardie dae nie. Dit begin toe ouma Mollie soos 'n verdrinkende meermin in die bad lê. Gou laai sy vir Nina en Blapsie, die basterbrak, in haar kar, Spokie. Hulle sit af see toe. Dis waar hulle in GROTER moeilikheid beland, want ouma Mollie wil mos leer surf. En sy wil die dolfyne voer. En ... Nee, wag, jy moet maar self lees wat TOE gebeur. Ai, as ouma Mollie net geluister het toe Simon Jantjies vir haar waarsku dat daar 'n HAAI in die water is. Oepsie! Die arme haai ...

Raka is seker die bekendste epos (verhalende gedig) in Afrikaans - NP van Wyk Louw se grootse gedig oor die stryd tussen Koki en Raka, onderskeidelik die verpersoonliking van goed en kwaad, kultuur en natuur, die verfynde en die dierlike, die geestelike en die liggaamlike. Die gedig is oorspronklik in 1941 gepubliseer, maar is vandag nog net so aktueel en relevant - 'n metafoor vir die universele stryd wat elke mens en elke groep voer.

Hierdie studiegids is 'n uitbreiding van die bundel Blinkertjies in Pa se baard, wat spesiaal vir die laerskole se kwartaal 3 letterkundeprojek saamgestel is. Die volkleur A4-grootte werkkaarte met baie visuele elemente is gereed om net so in die klas te gebruik. Daar is terminologie vir elke genre, vrae en antwoorde, woordeskatuitbreiding, woordspeletjies, analises van die tekste, en voorbeelde van verskillende opdragte vir die letterkundetaak. Met die bundelsen gids kan onderwysers al die genres deur die loop van die jaar behandel. Alles is opgestel aan die hand van die vereistes van die KABV.
Die volledig uitgewerkte assesserings vir elke genre, saam met die studiegidse se werkkaartformaat is nommerpas vir onderwysers. QR-kodes gee toegang tot skrywersbiografië, - foto's en vele meer, wat mettertyd aangevul sal word.

Hierdie studiegids is 'n uitbreiding van die bundel Die skool van rampspoedige talente, wat spesiaal vir die laerskole se kwartaal 3 letterkundeprojek saamgestel is. Die volkleur A4-grootte werkkaarte met baie visuele elemente is gereed om net so in die klas te gebruik. Daar is terminologie vir elke genre, vrae en antwoorde, woordeskatuitbreiding, woordspeletjies, analises van die tekste, en voorbeelde van verskillende opdragte vir die letterkundetaak. Met die bundelsen gids kan onderwysers al die genres deur die loop van die jaar behandel. Alles is opgestel aan die hand van die vereistes van die KABV.
Die volledig uitgewerkte assesserings vir elke genre, saam met die studiegidse se werkkaartformaat is nommerpas vir onderwysers. QR-kodes gee toegang tot skrywersbiografië, - foto's en vele meer, wat mettertyd aangevul sal word.