●●● GRATIS KOERIER AFLEWERING OP BESTELLINGS BO R450 ●●●
Klik om te vergroot
Klik om te vergroot
9780799384994

Fiksie: Uitverkoping

Fiksie  -  Uitverkoping
R 270
R 119Jy spaar R 151
Solitaire, Woestynroos, Droomland en Wilde klawer is 'n vierluik oor vier vroue wat deelgeneem het aan 'n Boer soek 'n vrou-kompetisie en hulle wedervaringe daarna.
Wilde klawer is die vierde boek in die reeks en gaan oor McKenna Wilde wat 'n spesiale gawe het om deur aanraking te "sien". Vir hierdie ekstrovert wat verkies om eerder op die ligter sy van die lewe te fokus, is dit eerder 'n vloek as 'n seën. 'n Brief van 'n onbekende vrou lei haar terug na haar geboorteland, Noord-Ierland. Hier word sy gekonfronteer met haar ma se donker verlede en die Wildes se betrokkenheid by die IRL (Ierse Republikeinse Weermag) se bloedige stryd teen Britse oorheersing.
Maar dit is ook 'n reis na selfontdekking. McKenna leer sy kan nie van haarself en haar herkoms vlug nie. In haar soeke na selfaanvaarding word dit vir haar duidelik 'n vrou moet eers 'n man met haar hart kan vertrou voor sy hom met haar lyf vertrou. McKenna, wat nog altyd weggeskram het van blywende verhoudings, sien oplaas in dat intimiteit sonder liefde bloot 'n gejaag na wind is.
In Portballintrae, 'n klein hawedorpie aan die Ierse Noordkus, kruis haar pad met verskeie mense s'n wat haar nie noodwendig almal goedgesind is nie. Die Donovan-broers wat 'n pub in Bushmills besit. Die Engelsman James Fellowes wat navorsing oor the Troubles doen en die Suid-Afrikaner Tim Els.
Tim Els,'n tandarts wat vir twee jaar in Noord-Ierland werk, is vasgevang in sy eie ongelukkige verlede. McKenna besef sy kan haar gawe gebruik om hom te help. Maar dit is moeilik om teen 'n spook vir 'n man se hart te baklei. Boonop is dit vir McKenna 'n vreesaanjaende gedagte dat sy haar leefruimte permanent met 'n man moet deel.
Publikasiedatum: 2017-05-01
Klik om te vergroot
Klik om te vergroot
9780624043928

Fiksie: Uitverkoping

Fiksie  -  Uitverkoping
R 495
R 99Jy spaar R 396
Sheila Cussons (1922 - 2004) het bykans 'n duisend gepubliseerde gedigte in Afrikaans geskryf. Sy het tot kort voor haar dood op 25 November 2004, bly dig. Haar nagelate verse sal nou vir die eerste keer in hierdie publikasie - Versamelde gedigte - opgeneem word.
Publikasiedatum: 2006-05-15
Klik om te vergroot
Klik om te vergroot
9780799395334

Fiksie: Uitverkoping

Fiksie  -  Uitverkoping
R 165
R 69Jy spaar R 96
Tydens ʼn lewensgevaarlike en avontuurlike ekspedisie na die Amasone-reënwoud word Frances se lewe in ʼn totaal nuwe rigting gestuur ...
Frances Wright, 'n botanis, en Riek Vanbrugh, ʼn herpetoloog aan die Universiteit Stellenbosch, gaan saam met 'n Britse argeoloog, John Mansfield, se ekspedisie na die Amasone-reënwoud in Peru. Saam met hulle gaan 'n antropoloog van Kaapstad Universiteit asook Jack Berry, avonturier en skrywer/fotograaf vir National Geographic. Vanaf Iquitos stuur hul borg, Carlos Carraldo, hulle per boot, kleiner rubberbote en te voet die reënwoud in. Die fauna en flora is uitsonderlik, en hulle word deur mens, dier en plant bedreig.
Dit blyk gou tot Frances, Riek en Jack se ontnugtering, dat die ekspedisie se vernaamste doel is om 'n legendariese goue beeld by die verlore stam van Huakan te gaan steel. Ná skrikwekkende avonture, nadat hulle verdwaal het en hulle portiers weggehardloop het, vind die groep wel vir Huakan. 'n Vorige ekspedisie deur 'n Spaanse argeoloog is ook deur Carraldo geborg en hulle tref die argeoloog daar aan. Jack sien ook die goue beeld wat Carraldo begeer. Niemand kom glo weer uit Huakan nie en hulle moet met die Spaanse argeoloog se hulp ontsnap.
Hulle kom ooreen om die bestaan van Huakan geheim te hou, en die ekspedisie word vir die woedende, teleurgestelde en agterdogtige Carraldo as 'n mislukking voorgehou, behalwe dat die Spaanse argeoloog kwansuis by inboorlinge gevind en gered is. Hulle vertel nie van die verlore stam en goue beeld nie, en vlug behoorlik uit Iquitos om van Carraldo af weg te kom.
Terwyl hulle in die reënwoud deur gevare geteister is, het elkeen gewys wat in hom of haar steek. Jack Berry, wat eers spottend skepties was oor Frances se vermoë om die reënwoud te trotseer, kry al meer respek vir haar en hulle liefde vir mekaar groei. Met sy hulp ontdek sy 'n seldsame orgidee.
Nadat hulle terug is by die huis en hulle paaie geskei het, dink sy hy is uit haar lewe en sy sukkel om weer by haar normale lewe aan te pas. Hy kom haar egter haal.
Publikasiedatum: 2019-06-27
Klik om te vergroot
Klik om te vergroot
9781869190132

Fiksie: Uitverkoping

Fiksie  -  Uitverkoping
R 180
R 29Jy spaar R 151
'n Sonderlinge bundel kortverhale oor die groot, ironiese Spel waarvan die mens nooit die uitslag kan voorspel nie. Die eerste reël is
dat die mens hom telkens met die reëls vergis. Die tweede is dat die spel ongemerk ten einde loop.
Publikasiedatum: 2003-10-01
Klik om te vergroot
Klik om te vergroot
9781415341940

Fiksie: Uitverkoping

Fiksie  -  Uitverkoping
R 180
R 90Jy spaar R 90
Van ongenooi na ingenooi is werklikheidsfiksie gebaseer op die ware verhaal van trauma en verlies en uiteindelike aanvaarding in die lewe van 'n jong vrou en haar gesin. Dit is ook die verhaal van ware vriendskap. Ná 'n besoek aan 'n chirurg word ulseratiewe kolitis by Tanja gediagnoseer en sy moet hoor dat dit reeds haar rektum en kolon aangetas het. Die dokter hanteer egter nie die saak as spoedeisend nie, verseker haar dat sy maar kan gaan vakansie hou. Die uiteinde is katastrofies. Tanja se kolon perforeer en sy sterf byna aan inwendige bloeding. Tientalle besoeke aan die hospitaal volg en sy moet vir die res van haar lewe met 'n stomasak saamleef. Ná haar ontslag besef en ondervind sy watter letsels die ongenooide siekte, trauma en aanhegsel aan haar liggaam en emosies laat. Van ongenooi na ingenooi is 'n boek vir:

• Vroue op die eensame reis wat in Noodgevalle of 'n onkologiekliniek begin het, waarna jy met jouself, God en jou medemens moet gaan saamleef
• Dié wat al deur groot trauma moes gaan, asook hul gesin en veral vir hul lewensmaat.
• Lesers wat hulle in 'n “nuwe normaal”bevind - in 'n liggaam wat waarskynlik nooit weer soos vroeër sal lyk of wees nie
• Die lewensmaats van vroue soos Tanja, asook die familie en vriende van ernstig siek mense

In Van ongenooi na ingenooi word hoop, innerlike genesing en die onfeilbare trou van die Drie-enige God verwoord. In hierdie ware liefdesverhaal reis jy saam van ongenooi na ingenooi.
Publikasiedatum: 2020-09-10
Klik om te vergroot
Klik om te vergroot
9781485305453

Fiksie: Uitverkoping

Vertaler: Daniel Hugo
Fiksie  -  Uitverkoping
R 225
R 89Jy spaar R 136
Marc Schlosser, 'n huisdokter, begaan 'n mediese fout en as gevolg daarvan sterf een van sy pasiënte. Schlosser moet voor die Mediese Raad verskyn om verantwoording te doen. Schlosser is nie te bekommerd oor die Mediese Raad nie: Hy sal seker 'n paar maande geskors word, wat nie te erg is nie. Wat die saak egter kompliseer, is dat die pasiënt 'n baie bekende akteur, Ralph Meier, is, wat miskien net te veel aandag gegee het aan Schlosser se pragtige vrou, Caroline. Of hou die hele gedoente verband met wat by die Meiers se vakansiehuis gebeur het toe die Schlosser-gesin daar op besoek was?
Soos in Die aandete is die hoofkarakter van die verhaal ook die verteller wat net vertel wat hy wil hê die leser moet weet en so die leser aan die raai hou oor wat werklik gebeur het.
Publikasiedatum: 2015-11-01
Klik om te vergroot
Klik om te vergroot
9781869197230

Fiksie: Uitverkoping

Fiksie  -  Uitverkoping
R 180
R 69Jy spaar R 111
Vaarwel, klein soldaat is 'n spanningsroman vol onvoorspelbare wendings.
Jim Thorpe is die bevelvoerder van die Leër van die Laaste Dae. Dit is sy geheime klein kommando op die plaas Langlaagte in die Vrystaat. Danksy Thorpe se militêre opleiding is hy en sy troepe gereed vir die onderdrukkers se aanslag. Thorpe se twee half-Sjinese dogters, Lulu-pai en Nicola, is ook deel van die kommando en van die gevaarlikste soldate wat hy het.

Lulu-pai neem entoesiasties deel aan haar eerste sending in die stad. Wanneer sy terugkeer, is dit met meer selfvertroue en begin sy haar verset teen haar vader. Sy besef dat haar tweede sending haar gevaarlikste nog sal wees, en dat haar vader haar grootste en gedugste teenstander is.
Publikasiedatum: 2012-07-01
Klik om te vergroot
Klik om te vergroot
9780799388947

Fiksie: Uitverkoping

Fiksie  -  Uitverkoping
R 350
R 149Jy spaar R 201
Jojo Richter van Siende blind, Raaiselspieël, Ewebeeld en Paaiboelie is terug.
Sy bars van nuuskierigheid oor die groep vroue in die Akkedisberge wat wag vir ʼn moederskip van die Pleiade-sterrestelsel. Sy weier egter om weer saam met Irene en Valk te werk, tot ʼn boogskutter op rolskaatse ʼn bekende regter vermoor en die vermoede ontstaan dat dit moontlik verband kan hou met die UFO-groep.
Toe sy weer sien, konkel sy saam met Irene agter Valk se rug om die raaisel te probeer oplos. Iets wat haar verhouding met Joachim tot die uiterste beproef.
Vir Ayla is haar verlede ʼn verleentheid. Nes haar liggaamsbou. Maak nie saak wat sy doen nie, die stigma van haar ma se bewering dat sy ʼn vlieënde piering gesien het bly net so aan haar kleef soos die groot heupe wat sy by haar ouma oorgeërf het. Sy het egter haar lewe so ingerig dat sy uit die oog kan bly - totdat sy as grafoloog ʼn handskrif moet ontleed en besef haar suster verkeer in wesenlike gevaar. Jojo Richter sal haar kan help om Nimue op te spoor, maar Jojo werk reeds vir Irene en dis Irene se suster wat vir Nimue gevaar inhou. En Strach Serfontein met sy liederlike handskrif wat integriteit, maar ook misleiding verklap, is nou weer ʼn ander tameletjie.
Publikasiedatum: 2018-04-26
Klik om te vergroot
Klik om te vergroot
9780799364057

Fiksie: Uitverkoping

Fiksie  -  Uitverkoping
R 350
R 149Jy spaar R 201
Die vroulike hoofkarakter, Gretl, se ouma was 'n Jodin wat met 'n Duitser getroud is. Haar ma was dus half-Joods en haar pa patrioties Duits. Sy en haar suster is slegs 25% Joods, maar in Nazi-Duitsland is Jode in 1944 na Auschwitz gestuur - selfs in die derde en die vierde geslag. Teen daardie tyd wéét die Jode van die doodskampe. Daarom laat die ma haar twee dogtertjies ontsnap deur 'n klein opening in die beestrok waarmee hulle vervoer word. So swerf die agtjarige Gretl en haar twaalfjarige suster deur die suide van Pole op pad na familie in Switserland. Die suster word ernstig siek en hulle kry onderdak by 'n bitter arm Poolse vrou met 'n swetterjoel kinders.

Die manlike hoofkarakter, Jakób, is 'n vurige Poolse student wat tydens die oorlog by die Poolse weerstandsbeweging aansluit. Die beweging het hoofsaaklik guerrilla-aanvalle op beide Duitse en Russiese magte gedoen, gestreef na die outonomie van Pole ná die oorlog, en vlugtelinge, ook Jode, gehelp.

Wanneer Gretl se suster sterf, en die Poolse vrou ook nie meer na haar kan omsien nie, word Gretl Jakób se verantwoordelikheid. Gretl weet nie waar of wie die familie is waarheen hulle op pad was nie, dus neem hy haar saam na sy ouerhuis in Czestochowa. Daar is egter geweldige armoede en tekorte in die naoorlogse Pole, sodat sy teen die einde van 1947 ook nie meer daar kan bly nie. Jakób lees van 'n program wat Duitse wesies na Suid-Afrika stuur en hy kry haar daar in.

In Suid-Afrika word Gretl aangeneem deur Kate en Bernard Neethling van Ver wink die Suiderkruis en word verder groot op hulle familieplaas in die Bosveld. Gretl het haar lewe begin as 'n Duitsertjie in die Lutherse Kerk. Toe haar pa sterf, het die res van die gesin by haar weduwee-ouma gaan bly. Hier volg hulle Joodse gebruike. By Jakób se familie beland sy in 'n Pools-Katolieke gemeenskap. In Suid-Afrika moet sy aanpas in 'n konserwatiewe Calvinistiese Afrikanerhuis, -skool en -gemeenskap. Sy ontsnap na 'n wêreld van haar eie waar realiteit en fantasie vermeng raak om die verlange na Jakób te temper.

Tydens die Poolse Rewolusie van 1956 word Jakób gedwing om Pole te verlaat en te vlug na Suid-Afrika.

Uiteindelik vind Gretl en Jakób mekaar weer, maar albei het intussen verander. Sy is 'n pragtige derdejaar- B.A.-student aan Tuks wat weet wat sy wil hê, maar nie seker is wie sy is nie. Hy is 'n ingenieur van byna 35, ontnugter en ontwortel, maar vasbeslote om in hierdie sterk anti-kommunistiese land 'n toekoms te bou.

Wanneer hulle ontdek dat daar gevoelens tussen hulle is, weier haar pa, aangesien Jakób 'n Katoliek is. As twee randkarakters in hulle nuwe gemeenskap, met al hulle bagasie wat hulle saamsleep, moet die twee mekaar ondersteun hier onder die fel suiderson.

Die reeks
Tussen stasies is 'n heruitgawe van die tweede boek in die trilogie wat bestaan uit Ver wink die Suiderkruis, die eerste boek, en Tolbos, die derde boek. Ver wink die Suiderkruis en Tussen stasies is albei topverkopers. Albei is reeds in Nederlands vertaal. Tussen stasies word ook tans in Duits vertaal en HarperCollins gaan dit binnekort in Engels vertaal. Ver wink die Suiderkruis en Tussen stasies is ook voorgelees op RSG.

Irma Joubert skryf regte mense se stories. Sy fokus op die verhoudings tussen geliefdes, gesinslede, familie, vriende, vreemdes, asook die mens in sy verhouding met die gemeenskap, die natuur en die tyd waarin hy leef. Die skrywer slaag daarin om 'n tydvak, wat tot dusver in die Afrikaanse letterkunde hoofsaaklik met wroeging gepaard gegaan het, se sjarme en nostalgie vas te vang vir 'n nuwe generasie lesers.
Publikasiedatum: 2013-10-01
Klik om te vergroot
Klik om te vergroot
9781919825700

Fiksie: Uitverkoping

Fiksie  -  Uitverkoping
R 150
R 29Jy spaar R 121
De Wette het 'n groot deel van sy lewe in die buiteland deurgebring waar hy Afrika-literatuur bestudeer het, sowel as beampte van Verenigde Nasies in New York, Londen, Namibië, Kazakstan, Genève en Bonn. Hy het twee bundels gepubliseer. Sy derde bundel spreek van verblyf in die vreemde, van hunkering en terugkeer.
Publikasiedatum: 2002-12-01
Klik om te vergroot
Klik om te vergroot
9781869190446

Fiksie: Uitverkoping

Fiksie  -  Uitverkoping
R 180
R 29Jy spaar R 151
Christoffel Coetzee se debuutroman Op soek na generaal Mannetjies Mentz het 'n nuwe dimensie aan die historiese roman in Afrikaans verleen. Coetzee is kort daarna in die vroeë oggendure van 17 Julie 1999 met 'n blom in die een hand en 'n bos sleutels in die ander dood. Toewaaisand, sy tweede en laaste roman was onvoltooid.
Publikasiedatum: 2003-12-01
Klik om te vergroot
Klik om te vergroot
9780799391411

Fiksie: Uitverkoping

Fiksie  -  Uitverkoping
R 165
R 75Jy spaar R 90
Sy wens sy kon omdraai …
Anja kon haar geluk nie glo toe sy die vakature by die Hoë Prestasiesentrum in Pretoria in haar inboks sien nie. Dis so reg in haar kraal. Hulle soek ʼn fisioterapeut wat deel is van ʼn span medici en sportkundiges wat met belowende sportsterre werk. Nie alleen het sy die vereiste kwalifikasies nie, maar sy was in eie reg ʼn sportster. Vir jare was sy die junior nasionale vrouetenniskampioen in die land. Dis ook hoekom die Universiteit van Kalifornië haar ʼn sportbeurs aangebied het. Helaas het die opkikkerskandaal ʼn einde aan haar sportdrome gebring. Die saak is wel in haar guns geskik, maar teen ʼn duur prys. Haar dryfveer vir groot tennis is weg, en sy gaan lank aan die regskoste afbetaal. Hierdie is die geleentheid waarna sy soek, en sal haar in staat stel om weer in Suid-Afrika 'n nuwe begin te maak.
Maar toe gaan haar tannie Amelia dood, en sy moet terugkeer na haar geboortedorpie in KwaZulu-Natal, Glenville, om toe te sien dat die boedel afgehandel word. Sy ervaar baie konflik want haar eksverloofde, sy vrou en kind bly in die huis langs haar tannie. Anja het hom en die vrou in 'n vurige omhelsing betrap weke voor hulle sou trou, en is toe landuit. En nou gaan sy weer Henk se ouer broer, Riekert moet sien. Die man wat altyd met sy broeiende blik en donker oë regdeur haar kon sien ...
Publikasiedatum: 2018-12-04
Klik om te vergroot
Klik om te vergroot
9781869192631

Fiksie: Uitverkoping

Fiksie  -  Uitverkoping
R 170
R 69Jy spaar R 101
T'sats, grootste van die groot jagters, is die tweede in Willem D. Kotzé se T'sats-reeks en volg op T'sats van die Kalahari (2008). T'sats leis sy groep, die Boesmans, behendig deur die Kalahari. Hy loop saam met die geeste en het twee mensvreterleeus manalleen doodgemaak. Die ander Boesmanstamme praat nie verniet van hom as 'T'sats, grootste van die groot jagters nie'. Waar hy ook al kom, weet almal dit is so. Die tiervel wat hy dra, bewys dit.
Publikasiedatum: 2009-03-01
Klik om te vergroot
Klik om te vergroot
9781869192624

Fiksie: Uitverkoping

Fiksie  -  Uitverkoping
R 170
R 69Jy spaar R 101
T'sats van die Kalahari is die verhaal van die heldhaftige Boesman T'sats, die eerste van 'n reeks uit die pen van Willem D. Kotzé. Oom Kolie en sy jaggeselskap vind die erg verhongerde klein T'sats diep in die Kalahari. T'sats word groot op oom Kolie se plaas en pas skape op. Maar hy hunker terug na waar hy gevind is - die Kalahari se duine.
Publikasiedatum: 2008-08-01
Klik om te vergroot
Klik om te vergroot
9781869192648

Fiksie: Uitverkoping

Fiksie  -  Uitverkoping
R 170
R 69Jy spaar R 101
T'sats is steeds baas van die Kalahari. Hy dood nog 'n mensvreterleeu en lei sy mense deur die droë woestyn. Maar hy en sy mense word bedreig deur 'n nuwe gevaar langs die Nossob: Polisiemanne het twee jagters en T'sats se jong seun Tkôlie kom vang en hulle in die tronk gaan gooi omdat hulle elande skiet om te eet.
Publikasiedatum: 2009-08-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.