Christelik / Christian
Christelike Leefwyse / Christian Living

Results 1 to 15 of 110
Gesorteer volgens:  Publikasiedatum
Klik om te vergroot
Klik om te vergroot
9781770002241

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 170
Maak jou oë oop vir die onsienlike wêreld rondom ons.
Elke mens het deel aan twee wêrelde: die fisiese wê­reld waarvan jy jou met jou sintuie kan vergewis, en die gees­tes­wêreld waarvan 'n mens nie langs fisiese kanale insig kan kry nie. Die feit dat sommige mense die bestaan van hierdie geesteswêreld ontken, bete­ken beslis nie dat dit nie bestaan nie of dat ons nie deel is daarvan nie.
In Die geesteswêreld werp Isak Burger lig op hierdie onsienlike wêreld rondom ons. Hy fokus op veral vyf hoof­dele:
Die realiteit van die geesteswêreld
God en die geesteswêreld
Die engele
Satan en sy demone
Die gelowige en die geesteswêreld
Isak Burger wys vir gelowiges in hierdie boek daar­op dat dit nood­saaklik is om kennis te neem van die gees­teswêreld en wat daarin gebeur, want dit raak ons elkeen.
Publikasiedatum: 2017-10-01
Klik om te vergroot
Klik om te vergroot
9781431616909

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 120
Stres, stres, stres. Die gonswoord op almal se lippe, want ons elkeen, van kinders tot volwassenes, beleef dit.
Dit hoef jou glad nie moedeloos te maak nie, want hierdie potensiële struikelblokke en breekpunte kán noodsaaklike groeipunte en trapklippe na sukses word.
In Breekpunt wys Henk Gous jou hoe om krisisse reg te hanteer en so persoonlik te groei. Hy verdeel die boek in vier afdelings, naamlik persoonlike stres, stres in verhoudings, stres by die werk en stres oor finansies. As ervare berader bespreek hy onder meer:
• Die oorsake van trauma en praktiese wenke om dit te hanteer.
• Hoe om konflik en krisisse op 'n gesonde manier te hanteer.
• Maak sin uit pyn.
• Stappe van vergifnis.
• Hoe om die bande van verslawing te breek.
• Hoe om op te staan ná 'n nederlaag.
• Hoe om op te hou stres oor finansies.
Neem vandag nog beheer oor jou lewe, want jy kán krisisse reg hanteer en oorkom, en so met selfvertroue die toekoms tegemoetgaan.
Publikasiedatum: 2017-09-17
Klik om te vergroot
Klik om te vergroot
9781431618996

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 200
Op 22 April 2017 het ongeveer 1 miljoen mense op 'n plaas net buitekant Bloemfontein bymekaargekom om vir Suid-Afrika te bid. Wat begin het as 'n versoek aan die evangelis Angus Buchan het gegroei tot een van die grootste gebedsbyeenkomste in die geskiedenis van Suid-Afrika.
Dit is tyd vertel hoe mans en vroue van alle ouderdomme en rasse byeengekom het om saam met Angus Buchan vir ons land se herstel te bid. Dit is 'n getuienis van God se genade en hoe hierdie historiese It's Time-gebedsbyeenkoms in die lewe geroep is … in net ses weke. Hierdie boek bied:
• Angus Buchan se persoonlike getuienis van die versoek wat alles begin het, God se bevestiging aan hom dat daar 'n byeenkoms moet wees en hoe alles in plek geval het daarvoor.
• Getuienisse deur komiteelede van die wonderwerke wat gebeur het in aanloop tot die byeen¬koms, asook op die dag van die byeenkoms.
• Meer as 80 aangrypende getuienisse van mense wat die byeenkoms bygewoon het en hoe dit hulle lewe verander het.
• 'n Afdeling wat handel oor die pad vorentoe
• 24 bladsye met volkleur-foto's
• Gebed volgens die ACTS-metode
• Die sondaarsgebed en Ons Vader-gebed.
Die kragtige getuienisse in Dit is tyd is 'n bewys dat God steeds betrokke is by Suid-Afrika en die mense in die land; dat God mense van alle vlakke van die samelewing liefhet; en wat ons kan vermag as ons as 'n nasie onder sy Naam verenig.
Publikasiedatum: 2017-09-17
Klik om te vergroot
Klik om te vergroot
9781431618514

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 160
“Sola Gratia - In genade alleen.” “Ons dien 'n genadige God.” “God se genade ken geen perke nie.” Die woordjie “genade” is so 'n bekende woord en iets wat ons maklik gebruik, maar wat beteken dit werklik vir gelowiges?
In sy boek Onveranderlike God & onbegryplike genade doen Stephan Joubert 'n diepgaande studie oor God se onverdiende en onuitputlike genade wat Hy aan die mens skenk. Aspekte waarna hy onder andere kyk, sluit in:
• Wat is genade en hoe “verdien” ons dit
• Tien kop- en lyfskuiwe wat ons rondom genade moet maak
• Genade moet aangeleer en uitgeleef word
• Wanneer en waar ons genade moet bewys
• Hoe om Jesus se voorbeeld na te volg
• Genade in verhouding tot die ander solas
Aan die einde van elke hoofstuk is daar 'n afdeling “Groeikurwes” of leeflesse waarin Stephan 'n kort opsomming gee van wat in die bepaalde hoofstuk oor genade geleer is. Heel aan die einde van die boek gee hy ook tien stellings van wat genade is.
Onveranderlike God & onbegryplike genade sal jou 'n dieper begrip gee van wat genade presies is en hoe ons dit in ons elkedagse lewe kan leef.
Publikasiedatum: 2017-09-17
Klik om te vergroot
Klik om te vergroot
9781431617463

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 190
God werk op onverwagte maniere om Hom aan ons te openbaar. Wan neer hemel en aarde ontmoet sal jou bemoedig en deurgaans hieraan herinner terwyl jy die ware verhale lees.
Gelowiges sowel as ongelowiges sal geïnspireer word deur hierdie ware verhale van gebede wat beantwoord is, wonderwerke wat gebeur, bewyse van Goddelike ingrype en interaksie met geheimsinnige helpers. Wanneer hemel en aarde ontmoet bevat bydraes deur gewilde Christenskrywers soos Oswald Chambers, Philip Yancey, Bruce Wilkinson, David Jeremiah en vele meer.
Hierdie ware verhale van die hemel wat die aarde aanraak, sal jou vervul met hoop en sekerheid dat God nie net aktief besig is in die wêreld vandag nie, maar Hy is ook intiem betrokke by jou lewe.
Publikasiedatum: 2017-09-17
Klik om te vergroot
Klik om te vergroot
9781431607235

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 140
Hoeveel mense het al Openbaring gelees en álles verstaan? Tog sê Riekert Botha Openbaring kán verstaan word. Die sleutel lê in een spesifieke vraag: “Wat het Openbaring beteken vir die eerste mense aan wie dit geskryf was?”
Riekert kyk in Openbaring ontsluit na die volgende aspekte wat vorm gee aan hierdie Bybelboek:
• Wie was die oorspronklike ontvangers van die boodskap?
• Wat was die omstandighede waarin hulle geleef het?
• Watter spesiale behoeftes of sake het moontlik aanleiding gegee tot die skrywe van die boek?
• Wat was God se boodskap aan daardie mense in daardie tydvak en spesiale omstandighede?
Riekert bespreek dan die boodskap aan die sewe gemeentes en die sewe visioene in Openbaring teen hierdie agtergrond.
Openbaring ontsluit bied 'n verrassende, vars perspektief op die laaste boek in die Bybel. Dit is ideaal vir elkeen wat 'n verstaanbare uitleg van Openbaring wil hê.
Publikasiedatum: 2017-08-17
Klik om te vergroot
Klik om te vergroot
9781431618026

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 150
In 2017 vier ons die 500 jaar herdenking van die Hervorming. 'n Beweging gebore uit mense soos Martin Luther en Johannes Calvyn se ontevredenheid met die wanpraktyke van die Rooms-Katolieke Kerk van die 16de eeu. 'n Beweging wat die Christendom en Christelike kerk vir ewig sou verander.
Die Protestantse Hervorming het oor basies 5 groot punte met die Rooms-Katolieke verskil. Hierdie punte word bondig weergegee in die 5 solas, wat vandag as die boustene van die Protestantse Kerk beskou kan word:
1. Sola Scriptura - die Skrif alleen
2. Sola Gratia - deur genade alleen
3. Sola Fide - deur geloof alleen
4. Solus Christus - in Christus alleen
5. Soli Deo Gloria - tot eer van God alleen
In Christus alleen kyk na die historiese erfenis van elke sola. Dit doen 'n diepgaande ondersoek na wat elk van die solas is en hulle praktiese implikasie vir hedendaagse Christene. Elke hoofstuk gee 'n aanhaling deur en biografiese inligting oor ʼn baie bekende hervormer, asook sleutel-teksverse om die betekenis van die sola verder te verduidelik.
In Christus alleen met sy luukseleer-buiteblad is 'n pragtige en insiggewende boek geskik vir enige na-slaanrak.
Publikasiedatum: 2017-06-17
Klik om te vergroot
Klik om te vergroot
9781432207236

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 129
As Christen wil jy graag jou hemelse Pa trots maak. Hoe doen jy dit? Deur liefde vir Hom en vir jou naaste. Daarom moet jy doelwitte stel om ander te dien, en nie om jou eie sak en ego te pas nie.
Jy het unieke vaardighede, talente en gawes gekry wat jou identiteit help bepaal. Die oomblik dat jy dit begin gebruik, begin jy jou roeping uitleef. Dít is jou sleutel tot sukses.
Jy kry egter nooit sommer net 'n quick fix nie. Jy moet nog steeds keuses maak, maar jy mag nie ander vir jou besluite blameer nie.
Ontdek jou lewensdoel gee nie vir jou 'n lys van dinge wat jy moet doen om 'n goeie man te wees nie. Dit help jou om jou hart en die passie wat God in jou geplant het, weer te ontdek. So kan jy die lewe leef wat spesiaal vir jou beplan is.
Dis nie 'n boek met instruksies nie. Dit is 30 eerlike en eenvoudige lesse wat Frans in sy lewe geleer het en wat hom gehelp het op sy pad na sukses. Hy gesels diep uit sy hart en met eerlikheid en humor met jou as man. Die stories sal jou inspireer, amuseer, motiveer en leer. Met elke bladsy wat jy omblaai, sal jy besef: ons is almal maar net onvolmaakte mense.
Al is jy nie perfek nie, kan jy nog steeds jou drome bewaarheid en 'n waardevolle bydrae maak vir jou gesin en die wêreld.
Publikasiedatum: 2017-06-01
Klik om te vergroot
Klik om te vergroot
9780796320421

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 220
Kom loop saam! nooi die skrywer. Tel op jou kruis, en bring al jou bagasie. Jy sal agterkom dat die bagasie stuk-stuk minder word soos die reis vorder. En die kruis dalk al hoe swaarder. Maar jou bestemming heet Hoop. En hoop is die eerste lig van 'n splinternuwe dag. Hierdie reis na hoop is 'n hartsreis vol moontlikhede. Dit help jou om nuwe gewoontes aan te leer en uitgediendes af te sweer. Dit leer jou om in die spieël te kyk en te sien hoe jy vir jou medemens lyk, en vir God.
Publikasiedatum: 2017-01-01
Klik om te vergroot
Klik om te vergroot
9781431610112

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 130
Vind vreugde en genesing in saamwees met ander gelowiges.
Besef jy dat die gemeenskap van gelowiges God se skepping is en nie deur mense uitgedink is nie?
Riekert Botha en Albert Theron daag jou in Wanneer seerkry en God se koninkryk ontmoet uit om eers te vergeet wat jy 'weet' van gemeentes. Gaan terug na die kern van die saak en ontdek hoekom God gemeentes geskep het. Besef dat dit Sy eiendom is en ook die draers van Sy lig en waarheid in die gemeenskap. Dan sal jy weer opnuut die vreugde en genesing in die saamwees met gelowiges ontdek wat jou sal help om te groei en te ontwikkel in Christus - die Een waarop jou fokus moet wees.

Wanneer seerkry en God se koninkryk ontmoet se praktiese aanslag sal jou veilig laat voel in die geborgenheid van die eenheid wat God daargestel het.

Oor die Outeurs
Riekert Botha is 'n tentmakerleraar en was voorheen leraar van die Baptiste-gemeente op Vredendal in die Wes-Kaap. Riekert beskik oor die grade BTh (honneurs) van die Global University en 'n MTh van die Northwestern Theological Seminary, waar hy ook sy PhD in berading ontvang het. Riekert is die skrywer van die bekende Pleisters vir die siel-reeks. Hy is getroud met Pippa en hulle het drie kinders.

Albert Theron se bediening het 25 jaar gelede momentum verkry vanuit 'n sendingskool in Nelspruit. Hy was al in verskeie hoedanighede betrokke, van gemeenteplanter tot musiekleier en die hele spektrum tussenin. Hy bedien tans die Goudini-gemeente in Christus. Albert is oor die hele land betrokke by bedieningsgeleenthede en is ook mede-administrateur van die blad In Jesus se voetspore. Hy bestuur ook sy eie webblad, blog en dagstukkies wat weekliks elektronies uitgestuur word.
Publikasiedatum: 2016-12-01
Klik om te vergroot
Klik om te vergroot
9781415335659

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 130
Baie mense voel dat hulle van hul drome beroof is, en ontdek dat hulle bloot van dag tot dag voortbestaan en nie regtig voluit leef nie. Dalk is jy een van hulle. Wat die rede ook al is waarom jy ophou droom het, hierdie boek sal jou in staat stel om weer in voeling te kom met jou diepste begeertes en jou help om jou lewensdroom te laat herleef.Leef jou roeping is 'n praktiese gids om jou te neem van onvergenoegdheid met waar jy jou tans bevind tot daar waar jy weer met opwinding en passie jou dag aanpak.
Dit bevat:
- 'n Afdeling om jou te help om struikelblokke op die pad na jou lewensdoel te oorkom
- 'n Afdeling om jou gevolgtrekkings in te vul oor jou talente, belangstellings en passies
- 'n Praktiese afdeling om jou drome te ontdek en werklikheid te laat word
- 'n Afdeling om jou te help om doelwitte te stel en jou roeping te begin leef- Spasie om jou gedagtes en drome neer te skryf, doelwitte te stel, en aan te teken wanneer jy dit voltooi het of wanneer jou gebede beantwoord is
- Vele bemoedigende aanhalings, ware verhale en voorbeelde
Publikasiedatum: 2016-10-01
Klik om te vergroot
Klik om te vergroot
9781432206185

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 180
Hy is nog steeds dieselfde betroubare Vader wat Abraham, Isak en Jakob geken het.

Dit beteken egter nie dat daar geen terugslae en teëspoed sal wees nie, maar terwyl jy swaarkry, kan jy weet dat alles uiteindelik reg sal uitwerk, want Hy beplan net goeie dinge vir jou.

Jy kan dankbaar op jou lewenspad terugkyk en sien hoe Hy jou gedra het.

Jy kan vol hoop vir die onbekende toekoms vorentoe kyk in die wete dat Hy die res van die pad ook saam met jou sal stap - tree vir tree.

55 geliefde skrywers, soos Riekert Botha, Isak Burger, Esté Geldenuys en ander se oordenkings is nou in een grootdruk Bybeldagboek byeengebring om jou elke dag die sekerheid te gee dat Hy net die beste vir jou wil hê en gee, maak nie saak wat jou omstandighede is nie.
Publikasiedatum: 2016-09-01
Klik om te vergroot
Klik om te vergroot
9781432204242

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 120
Wanneer jy deur 'n moeilike tyd gaan, voel dit makliker om handdoek in te gooi. Om op te gee en nie verder te probeer nie. Baie mense het al so gevoel. Nou kry jy die kans om hulle inspirerende seerkrystories te lees. Gewone, onbekende mense soos jy, en bekendes soos Lisa Brönner, Joe Niemand en Martelize Brink, vertel hoe hulle trane in vreugde verander het.
Publikasiedatum: 2016-09-01
Klik om te vergroot
Klik om te vergroot
9789000036516

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 300
Vir individue en kleingroepe - 'n lewensveranderende restorasie proses.

Grace For Life is 'n restorasieproses wat mense begelei om met heel harte te leef. Die inhoud van die proses is gebasseer op Jes 61 : 1 en vele lewens is herstel in en deur hierdie dinamiese restorasieproses.

Die inhoud bemagtig mense om dit wat in die lewe gebeur, in liefde te konfronteer en te hanteer.

Ons lewe in 'n gebroke wêreld, maar die gebrokenheid om ons, hoef nie in ons te wees nie. Hierdie lewensveranderende proses begelei mense na heelheid, vryheid en volwassenheid in hul menswees.

Jy kan op jou eie deur die proses gaan, of dit kan in groepe gefasiliteer word. (Fasiliteerders DVD ook beskikbaar)
Publikasiedatum: 2016-09-01
Klik om te vergroot
Klik om te vergroot
9789000036523

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 600
Vir Fasiliteerders - 'n lewensveranderende restorasie proses.

Grace For Life is 'n restorasieproses wat mense begelei om met heel harte te leef. Die inhoud van die proses is gebasseer op Jes 61 : 1 en vele lewens is herstel in en deur hierdie dinamiese restorasieproses.

Die inhoud bemagtig mense om dit wat in die lewe gebeur, in liefde te konfronteer en te hanteer.

Ons lewe in 'n gebroke wêreld, maar die gebrokenheid om ons, hoef nie in ons te wees nie. Hierdie lewensveranderende proses begelei mense na heelheid, vryheid en volwassenheid in hul menswees.

Jy kan op jou eie deur die proses gaan, of dit kan in groepe gefasiliteer word. (Individue en kleingroepe DVD ook beskikbaar)
Publikasiedatum: 2016-09-01

© All Rights Reserved 2017
A Product of CEIT Development