●●● GRATIS aflewering op bestellings bo R500 in RSA ●●● AFSLAG SLEGS OP AANLYNBESTELLINGS ●●●

Fiksie
Kortverhale

Results 1 to 15 of 82
Gesorteer volgens:  Titel
Klik om te vergroot
Klik om te vergroot
9780798166645

Fiksie: Kortverhale

Fiksie  -  Kortverhale
R 360
Hierdie omvangryke versameling van die bekende en gewilde Nataniël se verhoogverhale is die ideale geskenk! Nataniël is een van Suid-Afrika se meester-storievertellers op die verhoog. Sy unieke stem en styl, sy spitsvondige en skerpsinnige humor, sy deernis vir die verskoppelinge en verstotelinge, dit alles maak hom 'n belangrike stem in ons kultuur en samelewing.

Die versameling sluit in byna al sy verhale (Afrikaans en Engels) uit ouer bundels wat reeds deur die jare uit druk geraak het (Oopmond, Rubber, Maria Maria, Tuesday, Kaalkop 2, When I was), sowel as 10 nuwe stories.
Publikasiedatum: 2014-09-01
Klik om te vergroot
Klik om te vergroot
9780620810890

Fiksie: Kortverhale

Fiksie  -  Kortverhale
R 250
In hierdie versameling kortverhale van Pirow Bekker is daar groot verskeidenheid: liefdesverhale (“Die liefde het nie 'n wysvinger nie”), verhale met as hoofgegewe die geskiedenis (“Die soettandoorlog”) of die aktualiteit, soos die gebeure van 11 September 2001 (“Grepe vir 'n ronde dag”), 'n spookstorie of twee (“Waar 'n mens hoort”) en stories vol humor (“Die appel” en “Die Humber-waterkar”).
Bekker het 'n slag om 'n vertelling so te plooi dat die leser dikwels na die begin van die verhaal moet terugkeer of soek na daardie klein besonderheidjie wat jy dalk nie raakgelees het nie en dalk op die slot kan lig werp. Die leser moet ook mooi kyk na die plekname, name en byname van persone, want daarin skuil soms ook allerlei nuanses en implikasies. Die titels van die verhale dra dikwels verder tot die betekenis van die storie by en eers aan die einde van die storie besef jy waarom die titel so gepas is (bv. “Mossie maar man”).
Vanselfsprekend is taalgebruik en woordkeuse belangrik, maar in Bekker se geval is die digterlike vermoë om woorde op mekaar te laat inspeel opvallend. Selfs die skynbaar onbenullige gegewens wen dus aan betekenis, al is die leser nie altyd seker presies wát die implikasies is nie!
Publikasiedatum: 2018-11-18
Klik om te vergroot
Klik om te vergroot
9781869194680

Fiksie: Kortverhale

Fiksie  -  Kortverhale
R 170
Anderkant omdraai is 'n versameling van Jan van Tonder se rubrieke wat in Rapport Tydskrif verskyn het. Kort-kortverhale, essays, sketse en anekdotes wissel mekaar af en bied 'n vermaaklike leeservaring.
Die leser van dié rubrieke kan verwag om te lag én om geroer te word. Van Tonder skryf oortuigend oor die nostalgie van vroeër, en jukstaponeer dit met aktuele sake van vandag.
Van Tonder slaag weereens daarin om lewenswaarhede op 'n ongeforseerde en verrassende vars manier oor te dra.
Publikasiedatum: 2011-09-01
Klik om te vergroot
Klik om te vergroot
9780798180917

Fiksie: Kortverhale

Fiksie  -  Kortverhale
R 250
Brian Fredericks, 'n aangrypende nuwe stem, skryf met nege kortverhale 'n wêreld oop in die Cape Flats. In “Green Eyes” probeer 'n exgangster
wegbreek van sy vorige lewe van vuurwapens en wraak.
In “Moenie mense judge nie” gaan kuier 'n jong outjie by sy neef Denzil in Elsies, en besef watter paaie sy eie pa jare gelede geloop het.
En in “Baksteen vir baksteen” word 'n jong man ná twee jaar uit die tronk ontslaan.
Keuses is 'n belangrike leitmotief in die verhale, maar ook die noodlot.
Fredericks werp lig op 'n komplekse wêreld waar die grens tussen reg en verkeerd heeltyd verskuiwe, maar bowenal het hy 'n sonderlinge
insig in die feilbaarheid maar ook die broosheid van menswees.
Karakters kry lewe op papier, en maak jou opnuut na die wêreld om jou en in jou kyk.
Met dié bundel kortverhale vestig Fredericks hom as nuwe baanbreker in die Afrikaanse kortkuns.
Publikasiedatum: 2020-07-07
Klik om te vergroot
Klik om te vergroot
9780795801358

Fiksie: Kortverhale

Fiksie  -  Kortverhale
R 285
R 59Jy spaar R 226
'n Kinderlose ma op 'n Griekse eiland, die helder kleure vir háár oë grys. 'n Tuisnywerheid-bakker trek sy mansklere uit, word Aisha en skik sy kopdoek voor sy aflewerings; by die tuisnywerheid beloer twee seuns mekaar oor die lemon meringues. Op 'n brandstapel sterf 'n jong heilige. Die deurlopende draad: Wat het gebeur op die vlammenag? Verwikkelde verhale vorm 'n onthutsende eenheid in Nicole Jaekel Strauss se tweede bundel.
Publikasiedatum: 2017-04-01
Klik om te vergroot
Klik om te vergroot
9781869194604

Fiksie: Kortverhale

Fiksie  -  Kortverhale
R 150
In hierdie vertellinge is oom Goliat Tross, oftewel oom Gollie of kortweg sommer oom Goltros aan die woord. Hy het heelwat te sê oor die eienaardige mense van Verneukpan en die eienaardighede wat hulle doen en sê. Daar is stories oor oom Goltros se ontmoetings met spoke, die moelikheid wat hy as 'outerlink op die banke' met verkeerde mense het, mouters wat gaan staan of te vinnig ry, en dan is daar nog die drank ook.
Publikasiedatum: 2011-08-01
Klik om te vergroot
Klik om te vergroot
9781485309048

Fiksie: Kortverhale

Fiksie  -  Kortverhale
R 195
Doc Immelman is alombekend vir sy avontuur- en jagverhale. Erns Grundling noem hom “Namibië se eie Hemingway”. Bloed op die duine en ander verhale is 'n keur uit sy kortverhale wat tussen 1955 en 1963 in Die Huisgenoot en Die Brandwag verskyn het. Die bundel sluit verder die novelle “Koms dans, Klaradyn” in, wat oorspronklik in 'n Seisoen vir Romanse (1966) verskyn het.
Publikasiedatum: 2018-10-04
Klik om te vergroot
Klik om te vergroot
9780620904643

Fiksie: Kortverhale

Fiksie  -  Kortverhale
R 220
Maretha van der Westhuysen woon op 'n plaas buite Oudtshoorn. Sy het in 'n huis met boeke grootgeword, en deur haar skoolloopbaan in sewe verskillende skole was lees en skryf die konstantes wat tot haar studie in tale aan die Universiteit van die Vrystaat gelei het. Voordat sy getroud is en voltyds boervrou geword het, was sy onderwyseres by Paarl Gimnasium. Hoewel sy voltyds ma van 'n dogter en tweelingseuns is, deesdae ook ouma van vyf kleinkinders, het die skryfgogga altyd bly knaag en in 2010 teken sy die geskiedenis van haar kerk op in die boek 'n Eeu van genade: Eeufeesbundel van die NG Gemeente Herold.
As ywerige en leergierige lid van die Klein-Karoo Skryfforum lewer sy maandeliks kortverhale en skryf ook in vir die Bloemfonteinse Skrywersvereniging se jaarlikse skryfkompetisie. In 2017 is haar verhaal “Woestynvrou” as wenner in die afdeling vir ongepubliseerde skrywers aangewys. Nog 'n kortverhaal, “'n Ander lewe”, word in 2018 in die bundel kortverhale van die Universiteit van Stellenbosch se Woordfees opgeneem.
Albei verhale is deel van hierdie debuutbundel waar die veelvlakkigheid van die samelewing uit die perspektief van vroue waargeneem word. Die verhale wiseel van 'n gewapende aanval op 'n huis, selfdood en die laaste oomblikke van 'n bejaarde tot 'n sensuele Turkse bad. Deur haar venster neem die leser sonder pretensie op 'n geloofwaardige reis deur die oë van vroue. Dit beteken allermins dat die verhale slegs vir vroue geskryf is.
Publikasiedatum: 2021-01-15
Klik om te vergroot
Klik om te vergroot
9780798156349

Fiksie: Kortverhale

Fiksie  -  Kortverhale
R 465
Die sewende hersiene uitgawe van hierdie standaardwerk en bekende bloemlesing wat al baie lank beskou word as die barometer van die kortverhaalgenre in Afrikaans. Die nuwe uitgawe sluit 133 verhale van 81 skrywers in.
Publikasiedatum: 2012-09-01
Klik om te vergroot
Klik om te vergroot
9780624089513

Fiksie: Kortverhale

Fiksie  -  Kortverhale
R 230
Daar is min mense wat 'n storie soos Jan Spies kan vertel.

Die Antie met Die Pienk Rok en Ander Stories is 'n keur uit sy humoristiese vertellings in Pilatus tot molshoop, Poort deur die koue, Profeet met kondensmelk en Pille vir servette.

Maak opnuut kennis met onvergeetlike karakters soos Maans Maanse, sersant Jônie Louw en pater Hoeflies wat ietsie neem vir die koue in 'n poort naby Kenhardt, Orrelkosie wat 'n halwe dag neem om te verduidelik hoe om 'n pil in 'n hoender se keel af te kry, Hábakuk en sy blik kondensmelk en die leerlingverpleegstertjie wat 'n plan bedink om die oumense se valstande skoon te maak.

Die Antie met Die Pienk Rok en Ander Stories sluit vele gunstelinge in.
Publikasiedatum: 2020-02-20
Klik om te vergroot
Klik om te vergroot
9780798169462

Fiksie: Kortverhale

Fiksie  -  Kortverhale
R 330
Internasionaal gevierde misdaadskrywer Deon Meyer se bundel tydskrifverhale Bottervisse in die jêm het in 1997 verskyn. Dié versameling was só gewild dat dit keer op keer herdruk is.
Nou word hierdie lekkerleesverhale in 'n splinternuwe, hersiene gedaante uitgereik. Boonop mét vyf verhale wat nog nooit voorheen gebundel is nie, onder andere 'Die ballade van Robbie de Wee', die storie wat oorsprong gegee het aan die gelyknamige trefferfilm. Hierdie hersiene uitgawe is byna dubbeld so lank soos Bottervisse in die jêm. Elke verhaal ontlok 'n gevoel van deernis met die karakters, of 'n uitbundige skaterlag. En die romantiek, hoewel onkonvensioneel, bly nie agterweë nie. Van eerste tot laaste krul die leser se tone van pure leesplesier.
Publikasiedatum: 2015-08-01
Klik om te vergroot
Klik om te vergroot
9780798149808

Fiksie: Kortverhale

Fiksie  -  Kortverhale
R 285
Die bekende Insig-joernalis Willemien Brümmer, agterkleindogter van CJ Langenhoven, debuteer met 'n bundel kortverhale, Die dag toe ek my hare losgemaak het. Dis verhale oor 'n jong vrou wat in Kaapstad woon.

Publikasiedatum: 2008-07-01
Klik om te vergroot
Klik om te vergroot
9781485311409

Fiksie: Kortverhale

Fiksie  -  Kortverhale
R 250
Hierdie is opregte, uit-die-hart-uit vertellings, jeugherinneringe en kontreistories. Dit herinner aan Dana Snyman in die opregtheid en eenvoud daarvan en die nostalgie wat dit oproep. Klein Wini is 'n 'ouderwetse' kind en gaan op vyf skool toe, waar sy die meeste van teken hou. Sy wens sy was so mooi soos Marlene Dumas, wat in dieselfde skool was. Maar sy het rooi vlegsels en sproete soos Pippie Langkous. Sy praat te veel en noem 'n ding by die naam. Sy word gestraf omdat sy tieties op 'n papierpop teken. Sy het 'n hart vir hoenders. Sommige stories is oor mense wat sy raakgesien of verbeel het. Die verhale word gekenmerk deur humor en deernis en 'n oog wat nie wyk nie, wat immer die ironiese besonderheid waarneem.
Publikasiedatum: 2020-07-14
Klik om te vergroot
Klik om te vergroot
9781485311720

Fiksie: Kortverhale

Fiksie  -  Kortverhale
R 200
Audrey Bettie Blignault (née Swart) is op 6 Julie 1916 op Bredasdorp gebore. Sy matrikuleer in 1933 op dié dorp en gaan studeer Afrikaanse letterkunde aan die Universiteit van Stellenbosch. Sy behaal 'n MA-graad in Afrikaans en Nederlands en 'n Sekondêre Onderwysdiploma. In 1940 begin sy onderwys gee op Wellington en later Stellenbosch. In 1945 word Blignault die redakteur van Die Huisvrou en later is sy redakteur van Die Naweekpos. Sy het ook sedert 1946 die SAUK se Vrouerubriek-program behartig en sedert 1950 was sy 'n rubriekskrywer vir Sarie. In 1955 verskyn haar eerste boek, In klein maat: uit die dagboek van 'n vrou, 'n keur van haar beste bydraes aan Sarie tot op daardie tydstip. Blignault ontvang die Eugène Marais-prys in 1961 vir In klein maat en Die vrolike lied. Oor die jare verskyn daar elke paar jaar so 'n keur uit haar rubrieke, altesaam tien. Sy beywer haar oor dekades vir die bevordering van leeskringe landwyd. In 1965 word sy met die W.A. Hofmeyr-prys bekroon vir Met ligter tred. Sy ontvang 'n eredoktorsgraad van die Universiteit Stellenbosch, die Italiaanse Adelaide Ristori-gedenktoekenning vir haar kulturele bydrae, asook 'n Dekorasie vir Voortreflike Diens van die regering in 1982. Blignault is op 1 Oktober 2008 in Kaapstad oorlede. Audrey Blignault: uit die dagboek van 'n vrou wat in 2009 by Tafelberg verskyn, is 'n “outobiografie” saamgestel deur haar dogter, Marié Heese.


Die eindelose avontuur deur Audrey Blignault is 'n gids vir almal wat graag wyd én onderskeidend wil lees. In dié versameling essays stel sy lesers voor aan boeke van uitsonderlike gehalte uit verskeie lande en tye.
Sy inspireer 'n mens om Montaigne, Melville en Tolstoi te lees; Dostojewski, Flaubert, Mann, Bellow, Perec, Allende en nog baie ander. Anna Karénina, Wuthering Heights, Tess of the D'Urbervilles, The catcher in the rye - dis die soort boeke wat jou wêreld nou verruim. Sy dui ook goeie bloemlesings en letterkundige naslaanbronne aan.
Onderhoudend gee sy inligting en insigte - biografiese gegewens oor skrywers, publikasiegeskiedenisse, bibliografiese besonderhede, en veral: besprekings van 'n werk se tema, inhoud, karaktertekening, simboliek, styl en strekking. Telkens toon sy duidelik aan waarom 'n werk 'n hoogtepunt in die wêreldletterkunde is, en bring ook die leser by die teks self uit met prikkelende aanhalings, dikwels in eie vertaling.
En gaandeweg gebeur dit: Die aantrekkingskrag van tydlose geesteskeppinge word onweerstaanbaar. Nuwe horisonne gaan vir jou oop.
Of jy die boeke vir die eerste keer of opnuut lees - dit bly 'n “eindelose avontuur”. Daarvan oortuig sy jou met die opwinding en erudisie wat haar leeskringoptredes en boekerubrieke oor die radio en in tydskrifte jare lank gekenmerk het. Niemand in Afrikaans het méér gedoen om 'n liefde vir die goeie boek aan te wakker as Audrey Blignault nie.
Haar essays in Die eindelose avontuur bevestig wat sy in 1991 aan leeskringe landswyd voorgehou het: “Ten spyte van verkrummelende waardes
Publikasiedatum: 2020-10-15
Klik om te vergroot
Klik om te vergroot
9781485300946

Fiksie: Kortverhale

Fiksie  -  Kortverhale
R 200
In Die groot sand en ander stories kry die leser die geleentheid om verhale te lees wat onder meer in Ster, Die Brandwag, Republikein en Huisgenoot verskyn het. Die titelverhaal, Die groot sand, speel af in die genadelose Namibwoestyn waar twee diamantsmokkelaars hul buit gaan haal. Ná 'n moordende staptog kry hulle die diamante, maar 'n sandstorm steek op. Onder die gekerm en geloei van die wind besef een van die smokkelaars dat daar net genoeg water oor is vir een man ... Trek die koffiekan nader en lees ook oor 'n olifantjag in Angola, oor die vul wat treine gejaag het en die fabel oor die leeumannetjie wat Oukat moes opvolg.
Publikasiedatum: 2014-12-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.