AFSLAG SLEGS OP AANLYNBESTELLINGS ●●● GRATIS Pargo aflewering op bestellings bo R350

Fiksie
Kortverhale

Results 1 to 15 of 96
Gesorteer volgens:  Publikasiedatum
Klik om te vergroot
Klik om te vergroot
9780624088660

Fiksie: Kortverhale

Fiksie  -  Kortverhale
R 270
R 216Jy spaar R 54
Soekmekaar is 'n stuk of vyftig stories waarin Dana Snyman besin oor enigiets van Donald Trump tot 'n veertigste skoolreünie. Hy vertel van sy kennismaking met Eugène Terre'Blanche en van die Bogosi-gesin van Ventersdorp wat by hom op Jacobsbaai gewoon het. Hy gesels met Jemina Meko oor Karel Schoelman se laaste dae. Hy beskryf hoe mense oor grense na mekaar probeer uitreik. Hoe ons mekaar soek en nie altyd vind nie. Menslik, roerend, harsteer én snaaks, soos net Dana Snyman kan.
Publikasiedatum: 2019-09-23
Klik om te vergroot
Klik om te vergroot
9781928456377

Fiksie: Kortverhale

Fiksie  -  Kortverhale
R 180
R 162Jy spaar R 18
Lesers wat van anderste stories hou wat 'n goeie skoot gesonde humor en 'n knippie lewenswysheid bevat, sal lekker lees aan hierdie bundel met 33 skrywes uit die pen van Susanna Moolman. Die skrywer het ʼn onopgesmukte manier van skryf en 'n gemaklike geselstrant. Dit is ontspannende leesstof met 'n heerlike verskeidenheid temas. Moolman is 'n fyn waarnemer. Haar soms poëtiese en soms op-die-man-af- beskrywings van mens, hond en natuur noop die leser om af en toe 'n sin wéér te lees net vir die mooi daarvan.
Verskeie van Moolman se vertellinge draai om Guppy, die skrywer se geliefde maltrap woef. Dit is vanuit die staanspoor duidelik dat hond en eienaar 'n baie hegte verhouding het en vele avonture saam beleef. Moolman skryf in die inleiding: “Guppy het soos 'n onverwagte swangerskap in my lewe gearriveer. Die hond wat nie beplan was nie, wat ons nie eintlik wou hê nie, maar wat tog diep in ons harte gekruip het en uiteindelik ons engel sonder vlerke geword het.” Die boek is dan ook opgedra aan “elkeen wat een of ander tyd ontdek dat engele nie altyd onsigbare wesens met groot vlerke is nie, maar meermale vier bene en 'n groot eetlus het!”
Publikasiedatum: 2019-06-12
Klik om te vergroot
Klik om te vergroot
9781776055524

Fiksie: Kortverhale

Fiksie  -  Kortverhale
R 260
R 234Jy spaar R 26
Tania het sowat 2 jaar gelede 'n Facebook-blad, Hekelwoorde van my Hart, begin. Hier het sy haar skrywes en gedigte begin deel. Die dapper en eerlike manier waarop sy woorde en gevoelens neergepen het, het groot aanklank gevind en die volgelinge van die blad het stadig maar seker tot in die duisende groei. Daarmee saam het vele versoeke gekom dat Tania haar woordkuns in boekvorm moes bekendstel.

Sy vertel hoe sy haar manuskrip aan 'n groot, gevestigde uitgewershuis voorgelê het vir oorweging, maar afgekeur is op grond daarvan dat hulle “nie met sekerheid kon sê dat die bundel 'n sukses sal wees nie.” Lesers verslind egter die bundel weens die eerlike en opregte manier waarop sy met haar eie tekortkominge omgaan, hoe raak sy emosies oor alledaagse probleme en situasies verwoord, en veral oor die deurdagte manier waarop die mees persoonlike gedagtewêreld van elke mens pynlik akkuraat en reguit deur haar omskryf word.
Tania sê die mees konsekwente terugvoer wat sy van lesers ontvang, is dat sy dit regkry om emosies te verwoord wat hulle self nog altyd gevoel het, maar nog nooit woorde voor kon vind nie.

Die bundel bestaan uit kort skryfstukke, sowel as gedigte. Glendine Chrisholm, bekende skilder van De Rust in die Wes Kaap, het die illustrasies gedoen - en die eindproduk is 'n perfekte sinergie tussen siel en woord, wat moeiteloos en sonder enige voorspelbaarheid hulself, elkeen op sy eie tyd, deur die loop van die bundel openbaar.

“Dit was 'n absolute spanpoging,” sê Tania “en tydens die reis van die bundel het daar wonderlike mense oor my pad gekom wat elkeen 'n
waardevolle inset gehad het om te lewer om die bundel 'n pragtige en hoë gehalte produk te maak. Ek is baie trots op die boek - dit lees lekker, maar dit vat en voel ook lekker. Mens is lus om dit in jou hande vas te hou, en ure se tyd daarmee te spandeer.”

Om die groot besluit te neem om hierdie bundel uit te gee was nie maklik vir Tania nie - maar vandag is sy baie dankbaar vir wat sy uit die proses geleer het. Soos sy tereg noem, dit neem 'n dapper mens wat bereid is om self die tyd, koste en risiko aan te gaan om iets te doen waarin hulle met hulle hele hart glo.
Op die ou end is dit die publiek wat hul hart moet wys om die waarde van 'n stuk skryfwerk te bepaal, en dit is in hierdie waardering en terugvoer van lesers waarin die meeste bevrediging van die proses vir die skrywer lê.
Publikasiedatum: 2019-05-03
Klik om te vergroot
Klik om te vergroot
9780795801655

Fiksie: Kortverhale

Fiksie  -  Kortverhale
R 260
R 234Jy spaar R 26
Laat jou terugvoer na die jare van inbly-naweke, studentepret, huis-toe-verlang en troospakkies beskuit onder die enkelbed.
Koshuis, saamgestel deur Erns Grundling van Elders-faam, bevat heerlike lekkerlees-vertellings, komies, verspot én roerend, oor die koshuislewe - op skool én universiteit, selfs oorsee - deur 'n verskeidenheid bydraers, insluitend reisskrywer Dana Snyman, geliefde Weg!-joernalis en -aanbieder Toast Coetzer, akteur en komediant Schalk Bezuidenhout, Huisgenoot-redakteur Yvonne Beyers, oudredakteur van Die Burger Bun Booyens, bekroonde romansiers Harry Kalmer en Kerneels Breytenbach, skrywers en joernaliste soos Celesté Fritze, Theunis Strydom, Leroux Schoeman, Marnus Hattingh en Pieter van Zyl, en vele meer.

Skink 'n koppie koffie, onthou weer die liedjie wat gespeel het toe jy by jou eerste huisdans gesoen is, en laat die jare terugrol!
Publikasiedatum: 2019-03-08
Klik om te vergroot
Klik om te vergroot
9781928426578

Fiksie: Kortverhale

Fiksie  -  Kortverhale
R 210
R 189Jy spaar R 21
'n Versameling kortverhale deur die bekende skrywer J.M Gilfillan. Die hooftema is verhoudings en die wyse waarop mense reageer op die vreugde en verdriet wat deel is van hierdie lewe.
Meestal gaan dit nie oor groot en aardskuddende gebeurtenisse nie, maar die klein dinge van elke dag. Die broosheid van verhoudings.

Die bundel het ook 'n ligter kant. So is daar byvoorbeeld 'n spookstorie, daar is 'n bietjie erotiek, en heelwat oor die krag van woorde.
Publikasiedatum: 2019-02-19
Klik om te vergroot
Klik om te vergroot
9781928434269

Fiksie: Kortverhale

Fiksie  -  Kortverhale
R 195
R 176Jy spaar R 19
Humoristiese, ware kortstories, met onkonvensionele lewenslesse wat jou soos ʼn “Volbloed resiesperd” gaan vasvang en laat jaag deur hierdie boek - sonder ophou en doelgerig. Vanaf ʼn “Enigma” tot ʼn “Enema” terwyl jy moet oppas om nie in ʼn “Russiese begraafplaas” te verdwaal nie.
Skop jou skoene uit en gee jou oor aan die lekkerste, lafste lewenslesse nóg… Jou lagspiere gaan verseker van die eerste tot die laaste bladsy wérk!
Vergeet ʼn rukkie van alles wat morbied is en gebruik die fyn humor in hierdie boek - eie aan ons wonderlike taal en kultuur - om jou hart sommer weer lekker lig te maak en die dinge wat skeefloop te gebruik om weer hardop te lag!
“Jasper! Moenie mense op hul aardse besittings takseer nie. Wees egter trots op ouma met die meeste paniekknoppies in die stad.”
… dit is uitstekend; die humor is briljant - die sweepslae is keer op keer só só só lekker! Rentia Mynhardt - Vryskut taalversorger vir Groep7
Herman het grootgeword en gematrikuleer op Kroonstad. Na sy skooldae het hy 'n B.Sc.(Hons.) in Chemie asook ʼn MBA verwerf. Hy is getroud met Susan, hulle het drie dogters en tans twee kleinkinders. Hy spandeer deesdae al sy tyd om die beste pensioenaris in die land te wees.
Publikasiedatum: 2019-02-16
Klik om te vergroot
Klik om te vergroot
9780624087267

Fiksie: Kortverhale

Fiksie  -  Kortverhale
R 220
R 198Jy spaar R 22
Sandveldstories is 'n keur uit Ferdinand Deist se gewilde kontreistories uit Pofadder en Peddelford, Die pomporrel-kônsert en Bom Appeltiet op Eselspoort wat onlangs op RSG voorgelees is. Die stories, geskryf in tipiese streekstaal, handel oor 'n unieke wêreld en sy mense, sommige groots soos hul omgewing, of klein en dwaas soos mense ook maar is.
Publikasiedatum: 2019-01-24
Klik om te vergroot
Klik om te vergroot
9780620810890

Fiksie: Kortverhale

Fiksie  -  Kortverhale
R 250
R 225Jy spaar R 25
In hierdie versameling kortverhale van Pirow Bekker is daar groot verskeidenheid: liefdesverhale (“Die liefde het nie 'n wysvinger nie”), verhale met as hoofgegewe die geskiedenis (“Die soettandoorlog”) of die aktualiteit, soos die gebeure van 11 September 2001 (“Grepe vir 'n ronde dag”), 'n spookstorie of twee (“Waar 'n mens hoort”) en stories vol humor (“Die appel” en “Die Humber-waterkar”).
Bekker het 'n slag om 'n vertelling so te plooi dat die leser dikwels na die begin van die verhaal moet terugkeer of soek na daardie klein besonderheidjie wat jy dalk nie raakgelees het nie en dalk op die slot kan lig werp. Die leser moet ook mooi kyk na die plekname, name en byname van persone, want daarin skuil soms ook allerlei nuanses en implikasies. Die titels van die verhale dra dikwels verder tot die betekenis van die storie by en eers aan die einde van die storie besef jy waarom die titel so gepas is (bv. “Mossie maar man”).
Vanselfsprekend is taalgebruik en woordkeuse belangrik, maar in Bekker se geval is die digterlike vermoë om woorde op mekaar te laat inspeel opvallend. Selfs die skynbaar onbenullige gegewens wen dus aan betekenis, al is die leser nie altyd seker presies wát die implikasies is nie!
Publikasiedatum: 2018-11-18
Klik om te vergroot
Klik om te vergroot
9780992201586

Fiksie: Kortverhale

Vertaler: Hendrik Jansen
Fiksie  -  Kortverhale
R 235
R 212Jy spaar R 23
Die stories in Volmaan oor die Marico is 60 goeie redes waarom Lionel Abrahams vir Herman Charles Bosman ''n Suid-Afrikaanse
literêre genie' genoem het.

Hulle illustreer ook waarom Roy Campbell ná die publikasie van Mafeking Road in 1947 gesê het dat dit 'die beste stories is wat nog uit Suid-Afrika te voorskyn gekom het'.

Dié stories sal jou laat glimlag, hulle sal in jou diepste wese weerklank vind, en jy sal die romantiek raaksien in wat Bosman self genoem het 'daardie dinge wat die ware stempel van Suid-Afrika dra'

Ook in Engels besikbaar as Marico Moon.
Publikasiedatum: 2018-11-01
Klik om te vergroot
Klik om te vergroot
9781485309048

Fiksie: Kortverhale

Fiksie  -  Kortverhale
R 195
R 176Jy spaar R 19
Doc Immelman is alombekend vir sy avontuur- en jagverhale. Erns Grundling noem hom “Namibië se eie Hemingway”. Bloed op die duine en ander verhale is 'n keur uit sy kortverhale wat tussen 1955 en 1963 in Die Huisgenoot en Die Brandwag verskyn het. Die bundel sluit verder die novelle “Koms dans, Klaradyn” in, wat oorspronklik in 'n Seisoen vir Romanse (1966) verskyn het.
Publikasiedatum: 2018-10-04
Klik om te vergroot
Klik om te vergroot
9781776093038

Fiksie: Kortverhale

Fiksie  -  Kortverhale
R 280
R 252Jy spaar R 28
Kainsmerk is 'n versameling stories wat meestal as kortverhale en vervolgverhale in tydskrifte verskyn het. In hierdie verhale vertel Annelie Botes van mense wat as brose wesens dikwels 'n teken van vervloeking (Kainsmerk) in hul siele ronddra wat hulle vir die wêreld wil verberg. Lesers maak kennis met verskeie karakters wat telkens op die Damaskuspad beland as gevolg van die seerkry wat hulle ervaar.

'n Boervrou se ouderlingman verrinneweer haar en sy begin drink, en droom van die dag dat sy haar man se lyk in die put op die werf afgooi. 'n Ander boervrou bou 'n padstal en werk haar tot eelte, terwyl sy haar man afskeep. Totdat sy op 'n dag tydens 'n vloed op die dak van die padstal vasgekeer word.

Nog 'n plaasvrou het geen behae in haar huwelik nie. Een nag beleef sy en haar man 'n plaasaanval en is hulle nét op mekaar aangewese. 'n Vrou wat tronkstraf uitgedien het vir diefstal, beland as huishoudster by 'n hoogaangeskrewe man met 'n rare obsessie. 'n Mevrou- dominee gaan soek rus en heling in 'n grot op haar geboorteplaas.

Hierdie is maar enkele van die karakters waarmee Botes Suid-Afrikaanse tydskriflesers deur die jare meegevoer het. Nou word dié juwele vir die eerste keer byeengebring in een band. As spesiale bonus is die immergewilde “Duiwelsbrood”, wat geruime tyd reeds uit druk is, ook in Kainsmerk opgeneem.
Publikasiedatum: 2018-10-01
Klik om te vergroot
Klik om te vergroot
9780624080237

Fiksie: Kortverhale

Fiksie  -  Kortverhale
R 235
R 212Jy spaar R 23
Die geliefde en gewilde Amore Bekker se keuse van die beste, soms ongelooflike ware stories van toeval soos uitgesaai op RSG se middagprogram Tjailatyd. Luisteraars van dwarsoor die land deel hul ervaringe van die vreemde toeval wat ons lewens soms so onverklaarbaar kan aanraak. Amore het net minder as 100 van die beste stories uitgsoek vir 'n boek wat jou sal laat lag, laat huil, en laat wonder.
Publikasiedatum: 2018-09-07
Klik om te vergroot
Klik om te vergroot
9781485309291

Fiksie: Kortverhale

Fiksie  -  Kortverhale
R 190
R 171Jy spaar R 19
In 1920 skilder Paul Klee die olieverf-skildery, Angelus Novus. In 1940 vertolk Walter Benjamin in sy geskrif, “Űber den Begriff der Geschichte”, dat dít is hoe die engel van die geskiedenis moet lyk: met oopgesperde vlerke, op die punt om weg te vlieg, kyk hy om. Hy sien 'n katastrofiese verlede, wil terug, die wrakstukke wat hy daar sien opruim, maar 'n storm uit die paradys het hom aan die vlerke beet, waai hom genadeloos die toekoms in.
In die eerste gedeelte van Tweespoor word 'n spesifieke suider-afrikaanse verlede ontgin, en in die tweede 'n stormagtige eietydse werklikheid. Benewens dié twee spore waarop die bundel kortprosa loop, veroorsaak die geskiedenis wat ingesement in die psiges van karakters lê, en die opsies wat die hede bied, 'n turbulensie wat mense in twee rye spore laat loop.

“Besonder elegant is die delikate manier waarop die skrywer suggestie hanteer. Dit is die vermoë om 'n verwikkelde, geloofwaardige teks te produseer wat tegelykertyd ('n karakter se geestelike herstel of weerstandige berusting), nie net bevestig nie, maar ook ondermyn, wat hierdie verhale onderskei,” skryf Louis Esterhuysen oor Tweespoor.

OOR DIE OUTEUR
Helena Gunter het op 'n plaas naby die mond van die Breërivier grootgeword en skoolgegaan in Heidelberg. Ná haar studies was sy jare lank 'n onderwyser in die Strand, Bellville en Stellenbosch. Haar debuutbundel Op 'n plaas in Afrika is in 2008 met die Eugène Marais-prys bekroon en beskryf as “'n draaipunt in die Afrikaanse kortverhaal”.
Publikasiedatum: 2018-07-17
Klik om te vergroot
Klik om te vergroot
9780798177023

Fiksie: Kortverhale

Fiksie  -  Kortverhale
R 250
R 225Jy spaar R 25
In hierdie versamelbundel bring H&R vroeë verhale deur een van Afrikaans se belangrikste skrywers in een band byeen. Vóór die Sestiger-beweging en internasionale literêre aansien het André Brink sy loopbaan begin as skrywer van humoristiese stories en spannings- en liefdesverhale. Die vermaaklike stories in dié bundel het gedurende die 50's in die Die huisgenoot en Die brandwag verskyn. Brink se unieke humor word met 'n tikkie nostalgie vermeng - perfek vir 'n ouer én nuwe geslag lesers.
Publikasiedatum: 2018-04-16
Klik om te vergroot
Klik om te vergroot
9780928316964

Fiksie: Kortverhale

Fiksie  -  Kortverhale
R 175
R 158Jy spaar R 17
Hierdie meesleurende boek bied 'n versameling kortverhale, maar hoe verder daar gelees word, hoe meer word daar besef dat daar 'n sterk verband is tussen die stories wat dan saamgevat word aan die einde.

Dit is diep, persepsieveranderende stories wat die hartsnare roer.

Die stories handel oor mense se diepste, innerlike konflik: depressie, anoreksie, selfmoord, lae selfbeeld en hoe die karakters hierdie konflik hanteer
Publikasiedatum: 2018-02-28

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.