●●● GRATIS aflewering op bestellings bo R500 in RSA ●●● AFSLAG SLEGS OP AANLYNBESTELLINGS ●●●

Soek resultate: Jaco Jacobs

Results 1 to 15 of 269
Gesorteer volgens:  Prys
Klik om te vergroot
Klik om te vergroot
9780799379211

Kinders: Versamelbundels

Illustreerder: Zinelda McDonald
Kinders  -  Versamelbundels
R 350
R 315Jy spaar R 35
Wat soek 'n haai in die skool se swembad?
Hoe lank is 'n weerwolf se humeur?
Is enige iets erger as skottelgoed was?
Wat is 'n huis sonder 'n moeder?
Is 'n draak die perfekte troeteldier?
Wat soek jou ouma op die Pick n Pay se dak?
Hoekom dra bere nie klere nie?
Wat sou gebeur het as die maan 'n pizza was?
Waarom is daar so min rympies oor erdvarke?
Bestaan daar iets soos 'n spaghettiboom?
Wat moet jy doen as 'n renoster jou jaag?
Hoe klink die perfekte monsterbrul?
Wat eet Dracula vir nagereg?
Kan jy jou eie elmboog lek?
Jy sal die antwoorde op al hierdie vrae in dié lawwe lekkerlagboek vind. Moenie hierdie boek eet nie! bevat 365 rympies (en 'n bonusrympie vir 'n skrikkeljaar) wat kinders (én grootmense!) heeljaar sal laat skaterlag!
Daar's rympies oor oupas en oumas, goggas, krieket, ruimtevaarders, seerowers, spoke, skooltoilette, erdvarke, Kersvader, krokodille, volstruismelk, Valentynsdag, en dinge wat baie sleg ruik ...
Daar's lawwe limerieke, heerlike haikoes en tawwe tongknopers!
Jaco Jacobs se GROOTSTE en SNAAKSSTE rympiebundel OOIT is 'n moet-hê-boek vir elke kind se boekrak!
Daar's lawwe limerieke, heerlike haikoes en tawwe tongknopers!
Jaco Jacobs se GROOTSTE en SNAAKSSTE rympiebundel OOIT is 'n moet-hê-boek vir elke kind se boekrak!
Publikasiedatum: 2016-11-01
Klik om te vergroot
Klik om te vergroot
9780799393835

Kinders: Ouderdomsgroep 10 - 12

Illustreerder: Imile Wepener
Kinders  -  Ouderdomsgroep 10 - 12
R 300
R 270Jy spaar R 30
Kom ontmoet die monsters onder jou bed ... Spoke. Vampiere. Weerwolwe. Monsters. Wesens uit die buitenste ruimte. Hierdie briljante bibber boek bevat 101 stories, rympies en strokiesverhale wat jou hare sal laat regop staan, jou yskoue rillings sal gee - en jou tone sal laat omkrul van lekkerkry! Jaco Jacobs ontvang 'n brief van 'n aanhanger wat hom uitnooi om verniet sy hut in die woud as skryfplek te gebruik. Dit klink ideaal! Maar daar is 'n vangplek … Die aanhanger is die Vrees vreter: 'n vreesaanjaende monster wat vir die arme Jaco Jacobs dwing om gril stories te skryf om kinders bang te maak. En so begin Jaco skryf: 101 nagmerriestories - die een grilleriger as die ander! Jaco Jacobs se grillerige stories word lewend gemaak deur die pragtige illustrasies van die kunstenaar, Imile Wepener. 296 bladsye van stories en kunswerke maak hierdie hardeband boek 'n ware versamelstuk vir enige kind of Jaco Jacobs aanhanger. Die pragtige hardeband omslag en kunstige illustrasies maak hierdie boek inderdaad 'n versamelstuk. Hierdie stories is grilleriger as Jacobs se vorige boeke, wat dit ideaal maak vir ouer lesers. Imile Wepener is 'n kunstenaar van formaat, en hierdie boek bevat sy eerste illustrasies vir 'n kinderboek.
Publikasiedatum: 2019-11-15
Klik om te vergroot
Klik om te vergroot
9780799397994

Kinders: Ouderdomsgroep 6 - 9

Vertaler: Jaco Jacobs
Illustreerder: Verskeie
Kinders  -  Ouderdomsgroep 6 - 9
R 280
R 224Jy spaar R 56
Feëverhale met 'n kinkel! Elkeen van hierdie verhale gee 'n klassieke verhaal 'n moderne, kontemporêre draai. Hierdie moderne sprokiesboek bevat 15 sprokies deur topskrywer Janneke Schotveld. Die verhale handel onder andere oor die kleine Oek, wat dapper genoeg is om die bos binne te gaan waar 'n gevaarlike reus woon. Oor die ridder wat besluit om die prins van haar drome uit die kasteel van sy ouers te bevry. Oor die heks, Hettie, wat 'n besem kry vir haar verjaardag, maar nie durf vlieg nie. Oor prinses Lupine wat haar bruidegom uit sewehonderd prinse moet kies, maar geen skoenlappers in haar maag voel met een van hulle nie. En oor die koning wat daarvan hou om paddaboudjies te eet - totdat hy self skielik in 'n padda
verander.
Die koning se paddaboudjies is 'n bundel geestige en roerende sprokies wat net effens van die tradisionele sprokiesresep afwyk. Met elke verhaal is daar pragtige tekeninge van 'n ander top-illustreerder, waaronder
Martijn van der Linden, Thé Tjong-Khing, Linde Faas, Milja Praagman en Annet Schaap.

Hierdie stories word met soveel humor en verbeelding vertel, met 'n goeie mengsel moderne taal en die klassieke frases uit feëverhale, dat hulle 'n plesier is om te lees - en om voor te lees.
Beide volwassenes en ouer tieners sal die satiriese styl en sosiale kommentaar van hierdie stories geniet, terwyl jonger kinders die stories as pure leesgenot sal ervaar
Publikasiedatum: 2020-06-24
Klik om te vergroot
Klik om te vergroot
9780799390636

Kinders: Ouderdomsgroep 6 - 9

Illustreerder: Zinelda McDonald
Kinders  -  Ouderdomsgroep 6 - 9
R 265
R 239Jy spaar R 26
Welkom op 'n planeet propvol pret!
Jaco Jacobs se planeet is 'n vreemde, fantastiese, vrolike plek waar ENIGE iets kan gebeur.
Daar kan wurms met tamatiesous op jou spyskaart wees …
of 'n walvis kan in jou sop beland.
Jy kan uitvind hoe 'n skoonheidskompetisie vir monsters werk …
of die waarheid oor haaie uitvind.
Jy kan ontdek jou boetie is 'n ruimtewese …
jou troetel-dinosourus saam skool toe vat ..
of 'n luislang kan jou ouma insluk!
Daar is deesdae byna nie 'n eisteddfod, kunswedstryd of klaskamer in die land waar Jaco Jacobs se skreeusnaakse, lawwe rympies nie gehoor word nie. Sedert die verskyning van sy eerste rympieboek, Wurms met tamatiesous, in 2005 het 'n hele rits rympies uit sy pen gevloei.
Hierdie reuse-rympieboek bevat van die gewildste verse uit Jaco se bundels wat oor die jare verskyn het, insluitende:
* Wurms met tamatiesous (Alba Bouwerprys, C.P. Hoogenhoutmedalje)
* 'n Brulpadda in my tas
* My boetie dink hy's Batman
* Kougom in my hare
* Op die punt van my tong: 80 tawwe tongknopers
En daar is ook 'n paar SPLINTERNUWE rympies as bonus!

Aangename kennis
Haai, jy daar -
hou op met staar!
Kom staan bietjie nader en groet.
Mens sal sweer
dis die eerste keer
dat jy iemand met skubbe ontmoet.
Ja, sien is glo,
ek hét drie oë
en my stert is so lank en so breed;
my tentakels is vaal,
maar dis doodnormaal -
dis hoe almal lyk op my planeet!
Publikasiedatum: 2018-10-30
Klik om te vergroot
Klik om te vergroot
9780799390650

Kinders: Nie-fiksie

Vertaler: Jaco Jacobs
Kinders  -  Nie-fiksie
R 260
R 234Jy spaar R 26
Opwindende eksperimente wat jy buite kan doen!
Hierdie prettige, feitebelaaide boek is propvol ongelooflike buitelug-eksperimente wat ontluikende jong wetenskaplikes help om hul omgewing te verken. Gebruik huishoudelike items en maak 'n watervuurpyl wat in die lug opskiet om jou meer van lugdruk te leer, of blaas reusagtige borrels om te wys hoe oppervlakspanning werk. Maak 'n wurmplasie en kyk hoe wurms in die grond ronddolwe, of bou 'n vlieër en ontdek die sleutel tot aërodinamika.
Met fantastiese foto's, duidelike stap vir stap illustrasies, en gedetailleerde instruksies sal jong slimkoppe sommer uit die staanspoor nie kan wag om weg te spring met die eksperimente nie. Elke aktiwiteit bevat 'n duidelike Hoe werk dit?-verduideliking, wat die fassinerende wetenskap agter die eksperiment verduidelik, asook voorbeelde uit die regte lewe gee om alledaagse wetenskaplike beginsels in aksie te sien.
Hierdie boek is propvol opwindende projekte wat jong wetenskaplikes en buitelug-entoesiaste sal inspireer en hulle die buitelewe laat verken sodat hulle hul wêreld beter kan leer verstaan. Dit is 'n moet-hê-boek vir elke jong wetenskaplike wat nuuskierig is oor die wêreld.
Publikasiedatum: 2019-01-29
Klik om te vergroot
Klik om te vergroot
9780798179744

Kinders: Tieners

Vertaler: Jaco Jacobs
Kinders  -  Tieners
R 250
R 225Jy spaar R 25
Morrigan Crow het van haar dodelike vloek ontsnap. Sy is nou deel van die Wondergenootskap. Maar sy kry nie die verwelkoming waarop sy gehoop het nie. Sy is 'n seldsame Wondersmid, en dit veroorsaak dat almal haar as gevaarlik beskou. Lede van die Genootskap verdwyn, iemand pers Morrigan se nuwe vriende af en laat hulle teen haar draai. En Ezra Stuim - die boosste man wat ooit gelewe het - is vasbeslote om Morrigan uit die Genootskap weg te lok.
Publikasiedatum: 2019-09-03
Klik om te vergroot
Klik om te vergroot
9780798178822

Kinders: Ouderdomsgroep 10 - 12

Vertaler: Jaco Jacobs
Kinders  -  Ouderdomsgroep 10 - 12
R 250
R 225Jy spaar R 25
'n Asemrowende en bekoorlike nuwe reeks oor 'n vervloekte meisie wat die dood vryspring en haarself in 'n toweragtige nuwe wêreld bevind, maar dan meer beproef word as wat sy in haar wildste drome sou kon glo . . .
Morrigan Crow is vervloek. Bestem om op haar elfde verjaardag te sterf. Maar toe die klok middernag slaan, word sy deur 'n merkwaardige man genaamd Jupiter Noord weggevoer na die geheime stad Nimmermeer. Daar word sy genooi om by die Wondergenootskap aan te sluit. 'n Lewe vol misterie en towerkrag wag op haar - mits sy vier onmoontlike proewe kan baasraak, met behulp van 'n uitsonderlike talent. 'n Talent waaroor sy nie beskik nie . . .

Hierdie wonderlike vertaling deur die meesterlike Jaco Jacobs, bring hierdie sensasionele internasionale treffer nou ook na 'n Afrikaanse gehoor!
Publikasiedatum: 2019-04-07
Klik om te vergroot
Klik om te vergroot
9780799395709

Kinders: Aktiwiteitsboeke

Vertaler: Jaco Jacobs
Illustreerder: Peter Judson
Kinders  -  Aktiwiteitsboeke
R 240
R 216Jy spaar R 24
Hierdie boek bevat meer as 250 ongelooflike dinge wat kinders kan maak en doen.
Kinders kan hulle elektroniese toestelle afskakel en hulle kreatiwiteit vrye teuels gee - met speletjies, uitdagings, handwerk en hope ander prettige idees.
Bou 'n minigholfbaan, hou 'n skattejag, of leer hoe om 'n spioen te word.
Dit is tyd om jou verbeelding te gebruik!
Gebruik jou verbeelding is stampvol prettige idees. Neem dit oral saam met jou om verveelde kinders besig en vermaak te hou. Of dit nou 'n reënerige oggend of 'n sonskyn-middag is, sal jy genoeg hê om te maak, doen en speel.
Publikasiedatum: 2019-11-15
Klik om te vergroot
Klik om te vergroot
9780799373981

Kinders: Algemeen

Kinders  -  Algemeen
R 230
R 207Jy spaar R 23
Lus om die jongklomp te laat lag? Hierdie lawwe versameling met 1001 grappe sal kinders ure lank laat skaterlag. Daar is blondinegrappe, skoolgrappe, grillerige grappe, gloeilampgrappe, lawwe rympies, snaakse sêgoed, kopkrappers en olifant-grappe.
Publikasiedatum: 2015-11-01
Klik om te vergroot
Klik om te vergroot
9781776250042

Kinders: Ouderdomsgroep 10 - 12

Illustreerder: Theodore Key
Kinders  -  Ouderdomsgroep 10 - 12
R 225
R 203Jy spaar R 22
Alex se oupa het grys hare en vals tande en hou daarvan om reisprogramme op televisie te kyk. Maar dan ontwikkel hy skielik 'n belangstelling in ... BREINNNSSS!

Oupa word 'n zombie en as Alex hom wil red voordat die Zombie Span opdaag, sal hy 'n plan moet voorstel (en hope broccoli). Hul reise om 'n oplossing te vind, neem hulle dwarsoor Afrika - van Zimbabwe tot Egipte - en langs die pad ontmoet hulle 'n verskeidenheid interessante en wonderlike karakters.

Die topverkoper-outeur van kinderboeke gebruik sy kenmerkende kombinasie van humor en die deernisvolle uitbeelding van verhoudings tussen familie en vriende om nog 'n topverkoper te skep.
Publikasiedatum: 2020-03-09
Klik om te vergroot
Klik om te vergroot
9780799392401

Kinders: Ouderdomsgroep 6 - 9

Kinders  -  Ouderdomsgroep 6 - 9
R 210
R 189Jy spaar R 21
Vyf fantastiese Jaco Jacobs-boeke in een omnibus!
Vir die eerste keer word vyf van Jaco Jacobs se gewilde kinderverhale saam in een waarde-vir-geld omnibus aangebied! Geniet hierdie fantastiese verhale oor onbeskofte feetjies, 'n geheimsinnige meermin, 'n superheld-boetie, 'n baie stink poets en 'n klomp raserige dinosourusse!
Pasop vir die feetjies
Is daar regtig iets soos feetjies? Natuurlik nie! Wie glo nou in piepklein meisietjies wat kamma kan vlieg en heeldag blomme verf? Beslis nie die ondeunde tweeling Dieter en Pieter nie. Maar Lienke en Nonkwe glo in feetjies. Hulle glo daar bly feetjies in 'n ou boomstam in die biblioteek se tuin. Daarom besluit Dieter en Pieter om die meisies 'n poets te bak. Hulle maak superstink Feetjie-Vlug-Formule en gooi dit in die ou boomstam!
Kort voor lank kry die tweeling 'n nare verrassing - twee omgekrapte, ongemanierde besoekers ... 'n Prettige skaterlagstorie met 'n belangrike les - moenie met 'n feetjie skoorsoek nie!
Borrels
Ontmoet vir Borrels! Sy is die nuwe meisie in Christo en Nelson se klas. Dit is nie net haar naam wat vreemd is nie ... Borrels dra skulpe in haar hare. Sy bring haar goudvis saam skool toe. En sy het 'n GROOT geheim ... Ontdek hoeveel pret dit kan wees as die nuwe meisie in jou klas 'n meermin is! 'n Verbeeldingryke storie met 'n bewaringstema, ideaal vir beginnerlesers.
Superboetie
Ryno Rademan is moeg daarvoor om die oudste broer van 'n superheld te wees. Ja, jy het reg gelees. Sy bababoetie is 'n superheld. Die nag toe hy gebore is, het 'n meteoriet die dorp getref. Dit het hom spesiale kragte gegee. Hy red mense uit brandende geboue en roei misdaad uit - al maak hy nog gereeld sy doeke vuil. Maar op 'n dag besluit Ryno se ma om sy bababoetie vir 'n kompetisie in te skryf ... en hulle kom van aangesig tot aangesig met 'n baba-skurk! Kan Ryno sy boetie uit die kloue van die boosaardige baba red - voor dit te laat is?
Koebaai Gorilla
WAARSKUWING! Hierdie storie STINK! Hein beland gedurig in die moeilikheid omdat sy beste pel, Morné, hom uitdaag om simpel goed aan te vang. Simpel goed soos om 'n asblik op sy kop skool toe te dra. Hein neem hom voor dat hy klaar is met hierdie soort grappies. Maar teen sy sin aanvaar Hein wéér sy Morné se nuutste uitdaging ... Hy moet 'n hele week lank oorleef sonder 'n tandeborsel. Of vlos. Of pepermente. Of van daardie aaklige groen gorrelgoed. Hoe moeilik kan dit nou eintlik wees? Maar kort voor lank ruk dinge hand-uit ... 'n Stink storie wat jou sal laat skaterlag ... terwyl jy jou neus toeknyp!
Die probleem met dinosourusse
As jou vriende 'n klomp REUSE, RASERIGE dinosourusse is, kan dinge nogal moeilik raak. Veral as hulle boonop saam skool toe gaan. Maar die probleem met dinosourusse … is dat jy nooit lank vir hulle kwaad kan bly nie!
Publikasiedatum: 2019-02-19
Klik om te vergroot
Klik om te vergroot
9780799390582

Kinders: Algemeen

Vertaler: Jaco Jacobs
Kinders  -  Algemeen
R 210
R 189Jy spaar R 21
Die topverkoperboek wat elke tegno-slim tiener moet lees!
As 'n tiener in vandag se tegnoverslaafde wêreld van sosiale media en internet dink jy dalk jy's piekfyn en jy weet presies wat jy doen. Maar selfs JY weet nie van al die wetlike struikelblokke, verskuilde gevare en toekomstige implikasies van alles wat jy aanlyn doen, sien en plaas nie.
Selfies, seksklets en slimfone is die boek wat elke tiener (en hul ouers) móét lees. Dit dek al die belangrike kwessies wat tieners in die digitale era in die gesig staar, insluitende kuberboelies, seksklets, verslawing, internetveiligheid, pornografie, angstigheid, depressie, veiligheid en reputasie, en dit is spesifiek vir die Suid-Afrikaanse konteks geskryf. Hierdie boek sal jou op 'n maklik verstaanbare, interessante en selfs prettige manier help om 'n gelukkige, bevredigende en - belangrikste van alles - veilige lewe aanlyn te hê.
Publikasiedatum: 2018-11-13
Klik om te vergroot
Klik om te vergroot
9780799389357

Kinders: Kleuters

Illustreerder: Karen Ahlschlager
Kinders  -  Kleuters
R 210
R 189Jy spaar R 21
Maak gereed vir hope kleuterpret in hierdie pragboek met 'n CD by!
Wat kry jy wanneer drie van die land se talentvolste kunstenaars kragte saamspan en 'n kleuterboek die lig laat sien? Hope pret, natuurlik!
In Rondomtalie verskyn 'n prettige keur uit die gewilde en bekroonde kinderrympie-koning Jaco Jacobs se kleuterversies, pragtig deur die talentvolle kunstenaar Karen Ahlschläger geïllustreer. En om als te kroon bevat die boek ook 'n CD waarop die veelbekroonde toonsetter en sangeres Anna Davel haar fantastiese toonsettings van al 30 versies sing!
Kom ry saam op die Teddiebeerbus, ontmoet vir Bambino die reus van Bitterbos, galop op die rug van 'n wilde perd, soek goggas in die tuin of hou 'n kussinggeveg! Die boek bevat altesaam 30 rympies en 30 liedjies.
Hierdie pragpublikasie beloof ure se vermaak vir kleuters - en is 'n trotse toevoeging tot enige kleuter se boekrak en musiekversameling!
Inhoud/Speellys
1. Kielie-kabouter
2. Bambino, die reus van Bitterbos
3. Grootmeneer
4. 'n Dag by die dieretuin
5. Voëltjies hou van sing
6. Spat in die bad
7. Dinosouruspret
8. Slaap, Sibongile
9. Skoppelmaai
10. Padda op 'n klip
11. Klop, klop, klop
12. Tande borsel
13. Teddie se wiegelied
14. Tien pikkewyne
15. Wilde perd
16. Spring
17. Winkel toe
18. Hande klap
19. Kattermaai
20. Trapsoetjies
21. Die Teddiebeerbus
22. Blokkies
23. My klere het gekrimp
24. Blou ballon
25. Wolke
26. Goggas
27. As jy mooi vra
28. Voor die spieël
29. Daar's 'n beer in my bed
30. Kussinggeveg
Publikasiedatum: 2018-10-31
Klik om te vergroot
Klik om te vergroot
9780799398069

Kinders: Ouderdomsgroep 6 - 9

Illustreerder: Johann Strauss
Kinders  -  Ouderdomsgroep 6 - 9
R 200
R 160Jy spaar R 40
By Einstein se snor!
Kom kuier saam met Bennie en Jenny in professor Fungus se laboratorium en maak van nader kennis met zombie-tamaties, 'n klomp vreesaanjaende visse, 'n skrikwekkende monster wat die Snotzilla genoem word,
'n klomp dinosourusse … en beleef 'n asemrowende miniatuur-avontuur. Vyf fantastiese Professor Fungusstories in een boek!
1. Professor Fungus en die zombie-tamaties
2. Professor Fungus en die ongelooflike miniatuuravontuur
3. Professor Fungus en die mensvreter-piranhas
4. Professor Fungus en die skrikwekkende Snotzilla
5. Professor Fungus en die dino-avontuur
Publikasiedatum: 2020-08-12
Klik om te vergroot
Klik om te vergroot
9780799392425

Kinders: Ouderdomsgroep 10 - 12

Illustreerder: Chris Venter
Kinders  -  Ouderdomsgroep 10 - 12
R 195
R 176Jy spaar R 19
Is jy braaf genoeg om die kas oop te maak?
Denver se kas is 'n geheime ingang na 'n kasteel vol monsters - en hope avontuur! Maak die kasdeure wawyd oop met hierdie 6-in-1 omnibus van al die gewilde Kas vol monsters-boeke!
Die Groen Hand
Daar is iets vreemds aan die nuwe huis ... In die middel van die nag hoor Denver iemand aan sy kasdeur klop. Toe hy ondersoek instel, ontdek hy iets wat sy hare laat regop staan! Maar gaan enige iemand hom glo as hy vertel wat hy gesien het?
Vampierfoto's
Die kas in Denver se kamer is die geheime ingang na 'n kasteel vol monsters. Denver en Meyer kan nie wag om weer die monsters te sien nie. Hierdie keer het een van die monsters hulp nodig. Maar om foto's van 'n vampier te neem ... kan 'n pyn in die nek wees!
Hollywood-mummie
Dit is glad nie so maklik om 'n Hollywood-ster te word nie - veral nie as jy 'n mummie is nie. Sal Denver en Meyer vir Toets kan help om 'n rol in 'n fliek los te slaan?
Weerwolfprobleme
Denver en Meyer het al hope pret saam met die monsters gehad. Maar daar is iets fout in die monsterkasteel. Flaffie die weerwolf is in 'n BAIE slegte bui. En as 'n weerwolf vies is, moet jy liewer nie met hom sukkel nie ...
Die perfekte monster
Een van die monsters in die kas het Denver en Meyer se hulp nodig. Frank is eensaam. Daarom besluit hy dis tyd om 'n meisie te kry. Maar om die perfekte meisie vir 'n groot groen monster te kry, is glad nie so maklik nie!
Kinderspeletjies
Al die monsters is op pad na 'n musiekkonsert. Denver en Meyer bied aan om 'n aand lank baba-oppassers vir 'n oulike monsterbaba te wees. Hulle moet met hom speel, hom kosgee en hom in die bed sit. Hoe moeilik kan dit nou eintlik wees ...?
Publikasiedatum: 2019-02-19

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.