Soek resultate: Karel Schoeman

Results 1 to 15 of 33
Gesorteer volgens:  Publikasiedatum
Klik om te vergroot
Klik om te vergroot
9780798178440

Fiksie: Romans

Fiksie  -  Romans
R 325
R 260Jy spaar R 65
Die uur van die engel is nie alleen die sluitstuk van Karel Schoeman se Stemme-drieluik nie, maar is ook een van die hoogtepunte van die Afrikaanse romankuns. Soos in Verliesfontein en Hierdie lewe is die stemme uit die “ander land” van die verlede skaars hoorbaar en nie besig om te vertel oor die groot en belangrike gebeurtenisse uit die geskiedenis nie.
Publikasiedatum: 2018-11-15
Klik om te vergroot
Klik om te vergroot
9781485309673

Nie-fiksie / Non-fiction: Geloof / Religion

Vertaler: Karel Schoeman
Nie-fiksie / Non-fiction  -  Geloof / Religion
R 150
R 120Jy spaar R 30
'n Stil gemoed verskyn oorspronklik in 1993 in Engels onder die titel Tranquil Mind. Die eerste Afrikaanse uitgawe verskyn in 1997, en die tyd is dus ryp vir 'n heruitgawe.
'n Stil gemoed is 'n eenvoudige inleiding tot die Boeddhisme en meditasie. Die Boeddhisme is wesenlik 'n aantal metodes om met die verstand en gemoed om te gaan. As ons hierdie metodes verstaan en op ons lewens toepas, sal hulle ons inherente vermoë om innerlike vrede, erbarming en wysheid te ervaar laat ontplooi deur die potensiaal van ons gees te ontwikkel.
Mediteerders in die Weste ervaar unieke probleme as gevolg van hul kulturele, sosiale en sielkundige agtergrond. Aan die hand van sy uitgebreide akademiese en praktiese ervaring stel die skrywer van hierdie inleiding die onderwerp bekend op 'n manier wat met dié invloede rekening hou.

Meditasie deursny al die illusie, al die projeksie, al die verwarring wat by ons bestaan oor ander mense en bowenal oor onsself. (Rob Nairn)
Publikasiedatum: 2018-10-12
Klik om te vergroot
Klik om te vergroot
9781485309512

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 200
R 160Jy spaar R 40
Tweede uitgawe
Die laaste reis is Karel Schoeman se reisbriewe, mymeringe, gedagtes en herinneringe van sy laaste drie kort reise na Lesotho saam met Jemina Meko en Mamohau Lekula wat hom die afgelope nege jaar versorg het. Dit behels drie kort verslae oor sy besoeke in die maand voor sy dood en is in die vorm van e-posse aan 'n paar persoonlike korrespondente gestuur. Vanselfsprekend staan die tema van afskeid sentraal in die briewe.
Publikasiedatum: 2018-07-24
Klik om te vergroot
Klik om te vergroot
9781485309260

Nie-fiksie / Non-fiction: Biografie & Outobiografie / Biography & Autobiography

Vertaler: Elsa Silke
Nie-fiksie / Non-fiction  -  Biografie & Outobiografie / Biography & Autobiography
R 250
R 200Jy spaar R 50
At Close of Day is the author's thoughts and meditations about old-age, ageing and the end of a life, together with memories of a general nature to give a stirring depiction of the author's life of almost eighty years. The series of autobiographical books that started with 'n Duitser aan die Kaap, Merksteen and Die laaste Afrikaanse boek is concluded with this work.
It is a highly personal book about old-age, the process of writing and self-determination with commentary about ageing and being old in a modern society, and was updated for the last time on 26 April 2017, a few days before his death. He gives practical hints and information about the possible and probable end of his life. The element of farewell and acceptance are obvious throughout the text. He realises that old age becomes the main theme of his thoughts and his daily life.
The references and quotations are poignant and speak of someone who made his reading world his living word. In the end he explains his liberating decision about his planned suicide.

ABOUT THE AUTHOR
Karel Schoeman was one of South Africa's most productive authors and wrote numerous novels, short novels, plays and historical works. His work received many awards (also international) over the years. He passed away on 1 May 2017.
Publikasiedatum: 2018-05-31
Klik om te vergroot
Klik om te vergroot
9780798176101

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 355
R 284Jy spaar R 71
Skepelinge is 'n impressionistiese betragting van die vroeë koloniale tydperk in die Suid-Afrikaanse geskiedenis, gebaseer op Schoeman se kennis van die VOC-tyd en meer spesifiek die skeepvaart. Self het hy dit beskryf as 'n 'hibriede skepping . . . wat in laaste instansie beoordeel moet word as produk van die skeppende verbeelding eerder as van navorsing'.
Skepelinge is 'n unieke nalatenskap - veral waar 'oorsprong' nou meer as ooit vantevore ondersoek word.
Publikasiedatum: 2017-11-01
Klik om te vergroot
Klik om te vergroot
9781485304708

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 250
R 200Jy spaar R 50
In Afskeid van Europa lewer Karel Schoeman verslag van sy laaste twee besoeke aan Nederland, Duitsland en Oostenryk gedurende die herfs van 2011 en 2013. Dit is veral die stede Amsterdam, Berlyn, Dresden, Salzburg en Wene wat aandag kry en ook met Schoeman se vermoë om mense en plekke wat hy waarneem, in woorde tot gestalte te bring. By dit alles is daar 'n ondertoon van heimwee en gelatenheid omdat die skrywer voortdurend bewus is daarvan dat dit werklik sy laaste besoeke is en hy dikwels aan sy ouderdom herinner word: 'Elderly,' lees ek op my vliegkaartjie, can't walk long distance can sit gate close 15 minutes prior to departure.' Dit is ék.'
Maar afgesien van die element van afskeid, is dit Schoeman se belesenheid en sy vermoë om hede en verlede te skakel wat opval en hierdie boek 'n ryk leeservaring maak. Nie alleen die politieke geskiedenis nie, maar ook die verhale van die gewone mens soos dit in die letterkunde uitgebeeld is, word in verband gebring met die strate, parke, kerke en paleise van die groot stede wat hy besoek. Onvermydelik skryf hy oor die twee wêreldoorloë se impak op mens en omgewing, maar ook die vasberade inisiatiewe om te restoureer en te herstel in stede soos Berlyn en Dresden. Die hede met sy massatoerisme, die gewonde daaglikse gang van sake en veral ook die tipiese geregte van die plekke wat hy besoek, verseker dat die boek vir eietydse reisigers ook relevant is.
Publikasiedatum: 2017-08-01
Klik om te vergroot
Klik om te vergroot
9781485307976

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 250
R 200Jy spaar R 50
Slot van die dag: Gedagtes is die skrywer se mymeringe oor ouderdom en die einde van die lewe, saam met verspreide herinnerings van 'n algemene aard, om 'n ryk geskakeerde beeld te verskaf van 'n skrywerslewe van byna tagtig jaar. Die reeks outobiografiese boeke wat met 'n Duitser aan die Kaap, Merksteen en Die laaste Afrikaanse boek begin het, word hiermee afgesluit.
Dit is 'n baie persoonlike boek oor ouderdom, die skryfproses en selfbeskikking met kommentaar op oud word en wees, met inbegrip van praktiese wenke, en heelwat inligting oor die moontlike en waarskynlike einde van die lewe. Die element van afskeid en gelatenheid is deurlopend. Die ouderdom is teenswoordig die vernaamste onderwerp van sy oorpeinsing, en die vernaamste element in sy daagliks ervarings.
Die verwysings en aanhalings is treffend en spreek van iemand wat sy leeswêreld ook sy leefwêreld maak. Ten slotte verduidelik die skrywer sy bevrydende besluit oor selfdood.
Publikasiedatum: 2017-07-01
Klik om te vergroot
Klik om te vergroot
9781485300984

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 350
R 280Jy spaar R 70
Die agtste en laaste deel van die reeks Kolonie aan die Kaap beskryf die agteruitgang en verval van die VOC en die gevolge wat dit vir Kaap gehad het gedurende die laaste kwarteeu van die VOC-bewind.
Swanesang dek die tydperk vanaf die dood van goewerneur Rijk Tulbagh tot en met die eerste Britse besetting van die Kaap in 1795. Sy opvolgers, J.A van Pletterberg, J.C. de Graaff, die waarnemende goewerneur Rhenius en die laaste goewerneur, J.A. Sluysken, en die onsekerheid wat die laaste deel van die VOC-tydperk gekenmerk het, word belig. Afgesien van die amptelike rolle wat verskeie VOC-amptenare gespeel het, word ook aandag aan hulle karaktereienskappe en persoonlike lewens gegee om sodoende lewe aan die geskiedkundige figure te gee.
Schoeman slaag egter veral daarin om naas die amptenary ook 'n beeld te gee van die lewe van gewone mense in die breër Kaapse samelewing.
Besonder boeiend is die bespreking van die reise van verskeie natuurkundiges, soos die Swede Thunberg en Sparrman, die Skotte Masson en Paterson, die Nederlander Robert Jacob Gordon en die Franse Sonnerat en Le Vaillant. Veral die flambojante Le Vaillant se boeke was baie populêr en het bygedra om die Kaap en sy interessante fauna en flora wyd bekend te maak.
In die laaste hoofstukke word aandag gegee aan die Franse Rewolusie en ander politieke veranderinge in Europa wat Nederland verswak en tot die Britse oorname van die Kaap gelei het.
Publikasiedatum: 2016-08-01
Klik om te vergroot
Klik om te vergroot
9781485304197

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 400
R 320Jy spaar R 80
Die boek gee 'n voëlvlugoorsig van die vier Suid-Afrikaanse kolonies gedurende die Eduardiaanse tydperk van 1902-1910. Dié tydperk word deur Karel Schoeman beskou as die 'hoogtepunt van die hele Imperiale gedagte' wat uiteindelik met die uitbreek van die Eerste Wêreldoorlog sou eindig.
Die klem val egter nie op die politieke besluite en ontwikkelinge nie, maar op die persoonlikhede van leiers- en ander figure, die omstandighede in die vier kolonies met hulle stede en dorpe, belangrike sosiale gebeurtenisse, die aanloop tot unifikasie in 1910 en die uitwerking van die belangrike Naturelle Grond-wet van 1913 op die lewenswyse van swart mense direk ná Uniewording. Kort maar insiggewende tiperings word gegee van persoonlikhede so uiteenlopend soos oudpresident Steyn, Lord Milner, die dramaturg Stephen Black, die bendeleier Robert Foster, die avontuurlustige Mrs Edith Maturin en die deelsaaier Kas Maine. Ruim aanhalings uit verskillende bronne verlewendig die bespreking van alledaagse omstandighede op verskillende plekke in wat later die Unie van Suid-Afrika sou wees, soos die sketse van Jacob Lub oor die lewenswyse in Johannesburg, die setlaar Leonard Flemming se boeke oor sy eensame bestaan op 'n afgeleë Vrystaatse plaas, en die talle verwysings na riksjas in die reisbeskrywings van besoekers aan Durban. Besonder boeiend is ook die hoofstukke oor die rol van Joodse smouse en handelaars in onder andere die volstruisveerbedryf en die toestande in die inrigting vir melaatses op Robbeneiland.
Talle anekdotes en klein kameebeskrywings maak van Imperiale somer 'n besonder interessante leeservaring. Die boek word toegelig met ruim fotoseksies wat 'n visuele beeld van die era gee.
Die boek bevat boeiende kultuurhistoriese gegewens oor 'n tydperk wat nog nie veel aandag in Suid-Afrikaanse geskiedskrywing gekry het nie. Dis gerig op sowel die historikus as diegene met 'n lekebelangstelling in geskiedenis.
Publikasiedatum: 2015-10-01
Klik om te vergroot
Klik om te vergroot
9781485301844

Fiksie: Dramas

Fiksie  -  Dramas
R 180
R 144Jy spaar R 36
By geleentheid van die gevierde skrywer Karel Schoeman se 75ste verjaardag in Oktober 2014 publiseer Protea Boekhuis twee televisiedraaiboeke, wat, hoewel hulle geruime tyd gelede reeds geskryf is, nie voorheen gepubliseer is nie. In die voorwoord tot die twee draaiboeke meld Karel Schoeman dat die twee draaiboeke in 1985 ontstaan het, toe daar bewerkings van sy romans verfilm is. Die twee dramatekste sou miskien eerder as leestekste en nie as speeltekste nie beskou kon word, maar Schoeman sluit nie die moontlikheid van verfilming uit nie. Hy skryf verder: 'Die betrokke manuskripte het onlangs aan die lig gekom nadat ek gemeen het dat dit lankal nie meer bestaan nie, en word nou gepubliseer soos hulle geskryf is, aangesien dit nie sinvol gelyk het om ná verloop van meer as 'n kwarteeu nog daaraan te probeer verander of verbeter nie.'
Die eerste van die twee tekste, ''n Vrou wat alleen bly', speel op 'n klein plattelandse dorpie af. Dit handel oor die raaiselagtige skietdood van 'n geliefde dominee en oor die versteuring van verhoudings tussen mense wat mekaar reeds lank ken wanneer 'n nuweling die gemeenskap binnekom. Die tweede teks, 'Hiér was huise, hiér 'n pad' speel in 1908 af in en om 'n hotelletjie aan die Suid-Kaapse kus. In hierdie draaiboek bevind 'n aantal uiteenlopende karakters hulle toevallig en kortstondig in mekaar se geselskap. Sommige van die karakters reik huiwerig na mekaar uit, maar die verhoudings wat ontstaan, bly vervlietend.
Soos in 'n Tsjechow-drama toon Karel Schoeman in hierdie twee tekste watter intensiteit daar in klein menslike gebare, huiwerende gesprek en versigtige uitreik na ander kan lê.
Publikasiedatum: 2014-12-01
Klik om te vergroot
Klik om te vergroot
9781485300960

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 350
R 280Jy spaar R 70
Die sewende boek in Karel Schoeman se reeks oor die VOC-tydperk aan die Kaap die Goeie Hoop handel oor die tyd toe Ryk Tulbagh goewerneur van die Kaap was. Min is bekend oor Tulbagh se lewe in Nederland en oor die persoonlike aspekte van die man wat bekend was as 'Vader Tulbagh, maar Schoeman slaag daarin om uit argivale en gepubliseerde bronne die Kaap tydens sy bewind lewe te gee. In die eerste groep hoofstukke word veral gekonsentreer op die Kompanjie en sy werksaamhede: die skeepvaart in en om Tafelbaai, die Kasteel as die sentrum van gesag aan die Kaap en die amptenary wat die werksaamhede van die VOC vlot moes laat verloop en verantwoordelik vir die handhawing van orde in die klein kolonie was. In die volgende hoofstuk word die nedersetting in die Tafelvallei bespreek, wat in Tulbagh se tyd al redelik dig bevolk was. Daarna kom die Liesbeekvallei en die uitbreiding van die kolonie na die Boland en nedersettings soos Stellenbosch, die Drakensteinvallei en die Wagenmakersvallei aan die orde.
Volgens prof. O.J.O. Ferreira bewys hierdie werk dat Karel Schoeman tans die voorste kenner van die Kaapse kultuurgeskiedenis is: 'Met sy deeglike navorsing, onderhoudende skyfstyl en raak aanvoeling vir dít wat die leser sal interesseer, het Schoeman 'n brok Suid-Afrikaanse kultuurgeskiedenis daargestel wat deur huidige en toekomstige geslagte historici, kultuurhistorici en gewone lesers met groot vrug as bron van inligting gebruik kan word, maar bowenal aan hulle 'n uitsonderlik genotvolle leeservaring sal verskaf.
Publikasiedatum: 2014-08-01
Klik om te vergroot
Klik om te vergroot
9781869199784

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 350
R 280Jy spaar R 70
Alhoewel hierdie twee persone betreklik onbelangrik was in die geskiedenis van die vroee Kaap, is hulle lewens goed gedokumenteer en slaag Karel Schoeman daarin om 'n verbasend omvattende en interessante beeld te herskep van die lewe onder die hoer Kaapse amptenary in die vroee agttiende eeu.
Publikasiedatum: 2013-11-01
Klik om te vergroot
Klik om te vergroot
9781919825427

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 225
R 180Jy spaar R 45
Aan die hand van eietydse dokumentasie het Karel Schoeman in hierdie boek die lewe herkonstrueer van sy Suid Afrikaanse stamvader, die Duitser Hendrik Schoeman uit Sleeswyk Holstein, wat in 1724 as matroos in diens van die VOC die Kaap bereik het, 'n prekere bestaan gemaak het as veeboer in die binneland van Suid Afrika, en in 1765 in armoede in die huidige Klein Karoo oorlede is. Soos Schoeman opmerk, is hierdie man in verskeie opsigte geskik om as tipiese stamvader uit die Kompanjiestyd beskou te word.
Publikasiedatum: 2013-07-01
Klik om te vergroot
Klik om te vergroot
9781869199494

Nie-fiksie / Non-fiction: Reis, Kaarte & Toerisme / Travel, Guides & Maps

Nie-fiksie / Non-fiction  -  Reis, Kaarte & Toerisme / Travel, Guides & Maps
R 295
R 236Jy spaar R 59
In hierdie boek doen Karel Schoeman verslag van 'n lang besoek aan Berlyn gedurende 2008 wat in 2010 en 2011 met korter besoeke opgevolg is. Afgesien van inligting oor die nuwe, herboude en verenigde Berlyn ná die val van die Muur in 1989, verskaf die boek ook waardevolle kennis oor die geskiedenis van Berlyn. Dié geskiedenis loop baie nou saam met die ontwikkeling van die staat Pruise, die Eerste Wêreldoorlog, die opkoms van Nazisme, die konsentrasiekampe naby die stad en die gruwels van die Tweede Wêreldoorlog. Daar word ook uitgewei oor die bloeityd van die kabaret en film in die tyd tussen die oorloë en na die verdeling van die stad in Oos- en Wes-Berlyn ná die Tweede Wêreldoorlog. In Schoeman se eie woorde:

''n Verdeelde en gefragmenteerde stad, nog altyd, en nie slegs as gevolg van die ongelukkige Duitse en Europese verlede nie, maar op 'n meer wesenlike wyse, omdat dit sy besondere aard is om fragmentaries te wees: 'n stad van los dele-'n deelstad, sou ek dit gerieflikheidshalwe wil noem, alhoewel dit natuurlik korrekter sou wees om van deelstéde te praat, losstaande onderdele van 'n groter geheel.

'Dog dit is juis deurdat dit so gefragmenteerd is, dat Berlyn terselfdertyd ook so veelvlakkig en ryk geskakeerd kan wees. En waarskynlik is dit juis wat Berlyn so interessant, so opwindend en so stimulerend maak.'
Publikasiedatum: 2013-07-01
Klik om te vergroot
Klik om te vergroot
9781869192730

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 350
R 280Jy spaar R 70
In die vyfde en laaste deel van die reeks Kolonie aan die Kaap word die opbloei van die VOC se vestigingskolonie aan die Kaap gedurende meer as 'n kwarteeu onder die twee Van der Stels beskryf, met die groeiende welvaart wat dit gekenmerk het en die eerste tekens van 'n eie koloniale kultuur onder die blanke bevolking. In die eerste drie hoofstukke word Simon van der Stel se jeugjare op die eiland Mauritius en later in Batavia, sy verblyf in Nederland en sy aanstelling in 1677 as goewerneur van die Kaap bespreek. Die opkoms van 'n elite, hulle sosiale bedrywighede en die ontwikkeling van 'n koloniale kultuur aan die jong kolonie kom daarna aan die bod. Die laaste twee hoofstukke word gewy aan die omstrede en ongewilde goewerneurskap van Wilhem Adriaen van der Stel, wat sy vader in 1699 opgevolg het en in 1707 teruggeroep is na Nederland. Met die dood van Simon van der Stel in 1712 aan die Kaap word die vestigingsera van die kolonie afgesluit.
Publikasiedatum: 2013-03-01

© All Rights Reserved 2017
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.