Topverkopers Kinders / Bestsellers Children

Results 1 to 15 of 15
Gesorteer volgens:
Klik om te vergroot
Klik om te vergroot

1

9780798175982

Kinders: Algemeen

Illustreerder: Maja Sereda
Kinders  -  Algemeen
R 220
R 176Jy spaar R 44
Menige ouer, onderwyser en afrigter het al die wens uitgespreek dat minder tyd aan die soek van geskikte materiaal vir Eisteddfods bestee hoef te word. Eisteddfod-pret is gebore uit hierdie noodkreet van ouers, onderwysers en kinders wat jaarliks in desperaatheid die internet en biblioteke fynkam vir vars, nuwe materiaal, want dis nie sommer enigiets wat geskik is nie.
Die inhoud van hierdie bundel is oorspronklike, ongepubliseerde werke van die Fynbosskrywers, werke wat die potensiaal het om A++ by 'n Eisteddfod te verwerf. Dit bestaan uit 108 gedigte, 24 monoloë en 20 samesprake wat geskik is vir gebruik in die laerskool. 'n Inleiding deur Louise Lachenicht verseker ook dat die deelnemer se potensiaal ten volle ontwikkel word met riglyne vir afrigters, onderwysers en ouers.
Publikasiedatum: 2018-01-26
Klik om te vergroot
Klik om te vergroot

2

9780798176750

Kinders: Ouderdomsgroep 10 - 12

Illustreerder: Shân Fischer
Kinders  -  Ouderdomsgroep 10 - 12
R 140
R 112Jy spaar R 28
Nie lank nadat die dertienjarige Miek saam met sy ouers in Vreesbaai kom woon nie, begin vreemde dinge gebeur. Nie net is hierdie kusdorpie permanent toe onder digte mis nie, maar Miek word skielik gedurig gekonfronteer met sy grootste vrees: 'n monsteragtige, woedende hond. Gou lyk dit ook asof sy nuwe vriende by die skool elkeen 'n geheim met hulle saamdra. Kan dit wees dat al die kinders op Vreesbaai deur iets afgrysliks geterroriseer word?
Publikasiedatum: 2018-03-09
Klik om te vergroot
Klik om te vergroot

3

9780620723831

Kinders: Prenteboeke

Illustreerder: Marisa du Toit
Kinders  -  Prenteboeke
R 150
R 120Jy spaar R 30
Die tweede boek in Murray&Me se idioom-reeks, 'Hetta Elizabetta en die Wêreld op haar Skouers', is pas vrygestel en is 'n noodsaaklike toevoeging tot enige kinder-boekrak. Die boek is geskryf deur die aktrise Milan Murray en kleurvol illustreer deur Marisa du Toit.

Die afwesigheid van idiome in kinders se wêreld, was die motivering vir die reeks. Die boek is in rym geskryf met 'n fokus op alliterasie, assonansie en metrum. Die eerste idioom-boek 'Pieter Kokkewieter en die Hart op sy Mou' het verlede jaar verskyn en bykans 2000 eksemplare is reeds verkoop.

Die Murray&Me idioom-reeks is prenteboeke gerig op 6-9 jariges. Die stories poog om Afrikaanse idiome aan die jongspan bekend te stel om verdere gesprek oor lewensvaardighede en waardes aan te moedig. Die karakters is jong kinders wat die wêreld om hulle ervaar en bevraagteken en dus goed aanklank vind by jong lesers.

Die uitgewers is Milan en die entrepreneur Charmaine Nolte, wat verlede jaar die kinderboek-maatskappy Murray&Me, begin het.

Milan vertel: 'Ons sien elke dag hoe idiome uit ons kinders se spreektaal verdwyn. Dis egter Prof. Betsie van der Westhuizen van die PUK, wat benadruk het hoe belangrik idiome is as 'n oorbrugging tussen konkrete- en abstrakte denke.'

Die boek word reeds deur vak-adviseurs in skole gebruik, omdat die waarde van idiome nie onderskat moet word nie, maar dikwels in leerplanne oorgesien word.

Linda Bredenkamp, kurrikulum-aanbeveler en 'n graad 5 onderwyser, was die taal-adviseur op die projek. Sy het reeds voor die manuskrip drukkers toe is, begin om die Hetta-manuskrip in haar klasse te gebruik.

Sy glo: 'Hierdie pragtige prenteboeke help ouers en onderwysers om deur voorlees en selflees lewensvaardighede op prettige wyse saam met jonger kinders te verken. Selfs lesers in graad 4-6 wat nog nie gemaklik lees nie, sal aanklank vind by die toepaslike temas, rymende teks en kreatiewe illustrasies.'

'Ons kies letterlik idiome wat prentjies in ons kop ontketen,' sê Milan, 'en ook idiome wat temas aanraak, waaroor ons sterk voel, soos onder meer individualisme, of die belangrikheid van gesprek, of die destruktiewe invloed van boelies.'

In 'Hetta Elizabetta en die Wêreld op haar Skouers' dra Hetta Elizabetta baie swaar. Op dié sewejarige se skouers rus 'n enorme wêreld van probleme en bekommernisse.

'Sy wonder - Kry branders ook seer as hulle breek?
En wat gaan als swel as 'n by haar sou steek?
Dink jy die tandemuis
Het 'n woonstel of 'n huis?
En kom AL die muise sáám om ons tande te bespreek?'

'Daar's ook 'n paar GROTER goed wat haar pla
Wat sy stoksiel-alleen op haar skouers moet dra.
Haar maatjies se baklei
En haar ouers wat stry
En die donker wat haar elke nag bang maak en jaag.'
Publikasiedatum: 2016-10-01
Klik om te vergroot
Klik om te vergroot

4

9780639927404

Kinders: Prenteboeke

Illustreerder: Marisa du Toit
Kinders  -  Prenteboeke
R 150
R 120Jy spaar R 30
Die mense van Kromkieriefontein loop almal met 'n krom rug en hangskouers, geboë soos 'n kierie. Hulle hou hulle oë op die grond en kyk nie juis verder as hulle volgende tree nie. Dit was maar nog altyd so in hierdie dorp waar dagdroom en lees verbode is.

Almal behalwe juffrou Kiertsregop wat penorent staan voor die graad 2A-klas van Laerskool Kromkierie. Dahlia Dolgraag loer vir dié juffrou wat so anders is as die res, en besluit net daar die Hoepelkrombende moet uitvind wat aangaan. Sy weet net waar om te begin… die hemelhoë huis op die bult waar juffrou Kiertsregop elke Vrydag by haar geheimsinnige vriendin gaan kuier.

In Kop in die wolke in Kromkieriefontein gaan Dahlia, Bella, Tienie en Tamara op 'n avontuur wat wys hoe wonderlik 'n wêreld vol drome en verbeelding kan wees.

Kop in die wolke in Kromkieriefontein is die derde boek in Murray & Me se gewilde idioom-reeks - perfek vir selflees én saamlees. Hierdie reeks maak Afrikaanse idiome vir kinders lewendig deur Milan Murray se lekkerlees-stories met betowerende illustrasies deur Marisa du Toit.


Kop in die wolke in Kromkieriefontein is die derde boek in Murray & Me se gewilde idioom-reeks - perfek vir selflees én saamlees. Hierdie reeks maak Afrikaanse idiome vir kinders lewendig deur Milan Murray se lekkerlees-stories met betowerende illustrasies deur Marisa du Toit.
Publikasiedatum: 2018-03-02
Klik om te vergroot
Klik om te vergroot

5

9780799383959

Kinders: Tieners

Kinders  -  Tieners
R 205
R 164Jy spaar R 41
Reënboogrant Maats volg Shani, Sunette en hul gesin se avonture terwyl die meisies op laerskool is, terwyl die meisies in die Reënboogrant Tieners-reeks op hoërskool is en die tipiese uitdagings en opwinding van dié tydperk beleef.
En nou is die reekse vir die eerste keer in 'n omnibus beskikbaar! Kom deel in die lekkerste tye van Shani en haar sussie Sunette se lewe - die Reënboogrant-jare! In die Reënboogrant Tieners-boeke is Shani-hulle op hoërskool, en daar is hope opwinding, pret en liefdesteleurstellings, met partytjies, kêrels en ander uitdagings van grootword.
Hierdie omnibus bevat die eerste drie titels uit dié gewilde reeks:
Partytjies en penaries
Hunks en hamburgers
Raves en rugstekers
Publikasiedatum: 2018-02-23
Klik om te vergroot
Klik om te vergroot

6

9780799384420

Kinders: Prenteboeke

Vertaler: Jaco Jacobs
Kinders  -  Prenteboeke
R 135
R 108Jy spaar R 27
6 Konyn-kokke
1 Wolf in konynklere
1 Moeilikheidmaker
1 Goue Eier-trofee
... en hope smullekker SJOKOLADEKOEK!
Meng dit saam en jy kry die GROOTSTE HASIE-BAK-EN-BROU-KOMPETSIE van die JAAR!
Jan-Daniël is mal oor bak. Hy bak graag kaneelrolletjies, krummelrige brosbeskuit, karringmelk-koekies en sy gunsteling - sjokoladekoek. Daarom is Jan-Daniël baie opgewonde toe hy op 'n dag 'n uitnodiging kry om aan die Groot Hasie-bak-en-brou-kompetisie deel te neem. Daar is net een probleem: Jan-Daniël is nie 'n hasie nie - hy is 'n wolf. Daarom besluit hy om hom te vermom en aan die kompetisie deel te neem. Eers lyk dit of Jan-Daniël die ander deelnemers 'n ding of twee gaan wys, maar dinge loop lelik skeef toe een van die deelnemers probeer kul. Dan kry Jan-Daniël egter hulp uit 'n onverwagse oord - en hy ontmoet boonop iemand wat net soveel soos hy van sjokoladekoek hou!
Kleuters sal hulle lippe aflek vir hierdie heerlike bak-en-brou-storie vol aksie, avontuur en smullekker sjokoladekoek!
Publikasiedatum: 2018-03-01
Klik om te vergroot
Klik om te vergroot

7

9780799380811

Kinders: Ouderdomsgroep 10 - 12

Kinders  -  Ouderdomsgroep 10 - 12
R 205
R 164Jy spaar R 41
Reënboogrant Maats volg Shani, Sunette en hul gesin se avonture terwyl die meisies op laerskool is, terwyl die meisies in die Reënboogrant Tieners-reeks op hoërskool is en die tipiese uitdagings en opwinding van dié tydperk beleef.
En nou is die reekse vir die eerste keer in 'n omnibus beskikbaar! Kom deel in die lekkerste tye van Shani en haar sussie Sunette se lewe - die Reënboogrant-jare! In die Reënboogrant Maats-boeke is Shani-hulle op laerskool, en hulle beleef allerlei opwindende avonture - van 'n dief wat straatnommers steel, tot 'n droomrol in 'n balletkonsert.
Hierdie omnibus bevat die eerste drie titels uit dié gewilde reeks:
Skelmstreke en kattekwaad
Alleen tuis
Die balletkonsert
Publikasiedatum: 2018-01-23
Klik om te vergroot
Klik om te vergroot

8

9780799383966

Kinders: Ouderdomsgroep 6 - 9

Illustreerder: Samantha van Riet
Kinders  -  Ouderdomsgroep 6 - 9
R 125
R 100Jy spaar R 25
Mieke is mal oor meerminne.
Haar ma en haar ouma dink hulle bestaan net in sprokies.
Maar Mieke is oortuig hulle bestaan regtig.
Een oggend toe Mieke saam met haar oupa op sy vissersboot uitgaan, ontdek sy iets wat haar hele lewe verander.
'n Regte, egte meermin wat in haar oupa se visnet verstrengel is! Mieke help die meermin, en kort voor lank kry sy die geleentheid om by haar in 'n betowerende koninkryk onder die see te gaan kuier. Daar vind sy allerhande fantastiese geheime oor die meermense uit.
En dit is die begin van 'n betowerende avontuur onder die see!
Publikasiedatum: 2018-02-15
Klik om te vergroot
Klik om te vergroot

9

9780799383911

Kinders: Nie-fiksie

Kinders  -  Nie-fiksie
R 325
R 260Jy spaar R 65
'n Fantastiese eerste ensiklopedie propvol feite, perfek vir jong slimkoppe wat nie kan wag om alles oor die wêreld te ontdek nie. My ensiklopedie van baie belangrike dinge verken temas soos diere, mense, planete, en baie belangrik, jy!
Kinders kan uitvind wat 'n woestyn is, hoeveel kontinente daar is, leer om 'hallo' en 'totsiens' in verskillende tale te sê, en nog hope meer. Maak kennis met vegetariese dinosourusse, oulike troeteldiere, en reusagtige blouwalvisse; verken die verlede saam met grotbewoners, Vikings en farao's; kyk hoe 'n plant uit 'n saadjie groei; en ontdek waaruit 'n wolk bestaan.
My ensiklopedie van baie belangrike dinge is 'n asemrowende kombinasie van eenvoudige, treffende illustrasies, indrukwekkende foto's en lewendige teks - 'n baie belangrike boek vir baie belangrike mense, en die perfekte eerste naslaanboek vir jong feitevrate.
Publikasiedatum: 2017-10-05
Klik om te vergroot
Klik om te vergroot

10

9780798175746

Kinders: Prenteboeke

Kinders  -  Prenteboeke
R 145
R 116Jy spaar R 29
Hierdie outjie sal enigiets doen om te keer dat jy die boek oopmaak! Dreigemente, beloftes, leuens . . . enigiets!  Hierdie skreeusnaakse boek is onweerstaanbaar - veral omdat kinders sal geniet om alles te doen wat hulle gevra word om NIE te doen nie. Met kleurvolle en vermaaklike illustrasies, sal hierdie wêreldwye topverkoper beslis 'n gesinsgunsteling word.
Publikasiedatum: 2017-06-01
Klik om te vergroot
Klik om te vergroot

11

9780799383904

Kinders: Prenteboeke

Illustreerder: Linki Lutz
Kinders  -  Prenteboeke
R 105
R 84Jy spaar R 21
Saggies klap, saggies trap.
Een, twee, drie.
Rol die bal.
Vang die bal.
Een, twee, drie.
Mietsie en haar boetie, Maans, is twee katjies. Hulle hou daarvan om met hulle bal op die sagte gras te speel. Maar toe Mietsie aan die slaap raak, besluit Maans om oor die muur te spring en iemand te gaan soek wat met hom wil speel.
Mietsie word wakker en ontdek haar boetie is skoonveld! Toe sy hom gaan soek, kry sy vir Mors en Jors, die twee grys straatkatte wat hou van stry en baklei! Sal die twee straatkatte haar kan help om haar boetie te kry - en uit die pad van die gevaarlike straatbrakke te bly?
Hierdie pragtige, klankryke prenteboek met sy eenvoudige, maklik verstaanbare teks en oulike refrein is perfek vir hardop voorlees.
Publikasiedatum: 2018-01-18
Klik om te vergroot
Klik om te vergroot

12

9780799380774

Kinders: Ouderdomsgroep 6 - 9

Kinders  -  Ouderdomsgroep 6 - 9
R 145
R 116Jy spaar R 29
Is jy gereed vir die grootste avontuur ooit?
Johan en sy beste vriend, Tom, ontdek 'n geheime grot met versteende voetspore in Dinobaai. Toe hulle op die voetspore loop, beland hulle in 'n wêreld vol regte, lewende dinosourusse. Saam met hul dino-maat, Wanna, beleef die twee seuns allerlei asemrowende - maar ook gevaarlike - oertyd-avonture! Die stories is in 2009 vir die eerste maal as individuele boeke uitgegee. Hierdie omnibus bevat die eerste vier stories uit dié gewilde reeks:

Aanval van die akkediskoning
Johan en Tom ontdek die geheim van Dinobaai. Nou wag daar hope avonture op hulle. Op hierdie geheime plek is allerhande dinosourusse, ook 'n enorme T-rex wat warm op die twee seuns se spoor is …

Stormloop van die driehoring-monster
Johan en Tom keer terug na hul geheime dinosouruswêreld. Hulle kan nie wag om dit verder te verken nie. Maar toe 'n Triceratops-trop op hulle afstorm, lyk dit of die seuns platgetrap gaan word. Daar is net een uitweg - hulle sal op een van die dinosourusse se rug moet probeer ry!

Mars van die gepantserde reuse
Johan en Tom is terug in Dinowêreld. Hulle ontdek 'n jong Ankylosaurus wat in die modder vassit. Die seuns moet die baba-dinosourus red voordat die modder hom insuig - maar hoe? En wat sal gebeur as die ma terugkeer en haar reusagtige, dodelike stert begin rondswaai?

Vlug van die pterosourus
In hul geheime dinosouruswêreld soek Johan en Tom na die grootste vlieënde reptiel wat ooit geleef het, Quetzalcoatlus. Maar wat gaan hulle doen wanneer die reuse-pterosourus dink hul dino-maat, Wanna, is haar kuiken en met hom wegvlieg? Daar is bitter min tyd om hul maat te red …
Publikasiedatum: 2017-11-10
Klik om te vergroot
Klik om te vergroot

13

9780799380781

Kinders: Ouderdomsgroep 6 - 9

Kinders  -  Ouderdomsgroep 6 - 9
R 145
R 116Jy spaar R 29
Is jy gereed vir die grootste avontuur ooit?
Johan en sy beste vriend, Tom, ontdek 'n geheime grot met versteende voetspore in Dinobaai. Toe hulle op die voetspore loop, beland hulle in 'n wêreld vol regte, lewende dinosourusse. Saam met hul dino-maat, Wanna, beleef die twee seuns allerlei asemrowende - maar ook gevaarlike - oertyd-avonture!
Die stories is in 2009 vir die eerste maal as individuele boeke uitgegee. Hierdie omnibus bevat nog vier stories uit dié gewilde reeks:

Vang die dief!
'n Blitsige Velociraptor steel die Fossielvinder en Johan en Tom moet hom agternasit. Ná 'n dolle jaagtog deur die gevaarlike oerwêreld, haal hulle die skelm dinosourus in. Maar hoe gaan hulle hom uit sy grot lok om die Fossielvinder terug te kry?

Hier kom die reuse-reptiele!
Johan en Tom se dinosouruswêreld is tjoepstil - geen dinosourusse brul nie, geen insekte zoem nie - en hulle vind gou uit waarom … 'n Meteoor stuur reg op hulle af. Boem! 'n Verskrikte Edmontosaurus-trop storm op die rand van 'n reuse-krater af. Sal die seuns hulle kan keer voor hulle in die dieptes afstort?

Stegosourus-probleme
Johan en Tom is terug in Dinowêreld - maar hierdie keer is dit in die Jura-tydperk! Die seuns en hul dino-maat, Wanna, kan nie wag om uit te vind watter avonture in hierdie nuwe prehistoriese tydperk op hulle wag nie. Toe 'n Stegosaurus in die moeilikheid beland, moet hulle probeer help …

Onderwater-avontuur
Johan en Tom gaan snorkelduik in hul geheime dinosouruswêreld. Selfs Wanna gaan dit in die see waag! Onder die water sien hulle ongelooflike oerdiere. Maar wat hulle nie weet nie, is dat 'n reuse-plesiosourus onder die branders rondswem …
Publikasiedatum: 2017-11-10
Klik om te vergroot
Klik om te vergroot

14

9780799384222

Kinders: Ouderdomsgroep 6 - 9

Illustreerder: Fanie Viljoen
Kinders  -  Ouderdomsgroep 6 - 9
R 155
R 124Jy spaar R 31
Vir die eerste keer verskyn al vier Slym-boeke saam in een pragtige volkleur-omnibus, met illustrasies deur die skrywer, Fanie Viljoen. Dit sluit in:
Slym: Die wêreld se eerste wurm in 'n paddakonsert
Slym en die beker van geluk
Slym en die gogga-sirkus
Slym en die towertapyt

Langs die riete in Paddavlei,
daar waar al die paddas bly,
onder die grote hemelruim,
woon daar ook 'n wurm, Slym.
Op 'n dag word 'n wurm deur 'n voël gevang. Maar die wurm se naam is nie verniet Slym nie … Hy skrik so groot dat hy 'n bol vrotterige slym in die voël se bek skiet. Die voël skrik op sy beurt weer so groot dat hy vir Slym laat val … by 'n skool vir paddas.
En só begin 'n hele reeks avonture by die paddaskool, waar Slym vir juffrou Plat Anna en die ander onderwysers leer ken, hope gawe paddamaats soos Paddavoet en Brulbekkie maak, en moet ligloop vir Giftand die slang en die skoolboelie, Padarotti.
Fanie Viljoen se Slym-reeks is nie verniet so gewild nie. Sedert die verskyning van die eerste Slym-boek in 2004 het dié oulike wurm en sy aanhangers al hope avonture saam beleef. Slym het die eerste wurm geword wat in 'n paddakonsert gesing het, hy het 'n draai by die gogga-sirkus gemaak, die paddakoning ontmoet en selfs op 'n towertapyt gery! Boonop het hy sommer twee ATKV-Woordveertjies ook ingepalm!
Vir die eerste keer verskyn al vier Slym-boeke saam in een pragtige volkleur-omnibus, met illustrasies deur die skrywer, Fanie Viljoen. Dit sluit in:
Slym: Die wêreld se eerste wurm in 'n paddakonsert
Slym en die beker van geluk
Slym en die gogga-sirkus
Slym en die towertapyt
Publikasiedatum: 2018-02-15
Klik om te vergroot
Klik om te vergroot

15

9780799384482

Kinders: Ouderdomsgroep 10 - 12

Kinders  -  Ouderdomsgroep 10 - 12
R 135
R 108Jy spaar R 27
Fantastiese nuus vir jong sportliefhebbers! Vir die eerste keer verskyn twee van Jaco Jacobs se supergewilde sportstories saam in een omnibus - met 'n klomp lekker rugby- en krieketfeite as bonus!
In Gevaarlike lopies kan Henk nie wag vir die kriekettoer om te begin nie. Wat kan nou lekkerder wees as om saam met jou vriende die land plat te toer en die een krieketwedstryd ná die ander te speel! Maar van die begin af is dit duidelik dat hierdie nie 'n gewone toer gaan wees nie. Wie probeer by die span se bussie inbreek, en wat soek hulle? Is daar regtig iemand wat snags in die koshuisgange rondsluip, of is dit Henk se verbeelding? Kort voor lank lyk dit of die kriekettoer in 'n nagmerrie gaan ontaard ...
Werner en sy vriende in Duskant die doodlyn lééf vir rugby. Hierdie jaar is hulle vasbeslote om hul aartsvyande 'n ding of twee op die rugbyveld te wys. Maar iets is verkeerd. Wie is die geheimsinnige man wat snags by die skool rondsluip? En waarom gebeur daar skielik allerhande vreemde dinge met Werner-hulle se rugbyafrigter? Dit begin al hoe meer lyk of iemand nie volgens die reëls speel nie en Werner en die res van sy span beland in groot gevaar ...
Publikasiedatum: 2018-03-01

© All Rights Reserved 2017
A Product of CEIT Development