●●● GRATIS KOERIER AFLEWERING OP BESTELLINGS BO R450 ●●●
Klik om te vergroot
Klik om te vergroot

5

9781776191772

Nie-fiksie / Non-fiction: Politiek & Geskiedenis Suid Africa / History & Politics South Africa

Nie-fiksie / Non-fiction  -  Politiek & Geskiedenis Suid Africa / History & Politics South Africa
R 350
R 280Jy spaar R 70
Tonele en rolspelers uit die Anglo-Boereoorlog kry nuwe lewe in hierdie unieke versameling foto's wat lewensgetrou ingekleur is. Dit bring vars perspektief op een van die belangrikste historiese gebeurtenisse in die Suid-Afrikaanse geskiedenis.

In die Anglo-Boereoorlog of Suid-Afrikaanse Oorlog het die twee Boererepublieke van Transvaal en die Oranje-Vrystaat teen die Britse Ryk te staan gekom. Hierdie verwoestende oorlog sou vir dekades lank nog 'n uitwerking hê op die Suid-Afrikaanse politieke, ekonomiese en sosiale landskap.

Volume 1 handel oor die konvensionele fase van die oorlog van Oktober 1899 tot Junie 1900 met Lord Roberts se besetting van die Boererepublieke. Die foto's wys die Boeremagte se invalle in Natal en die Kaapkolonie, die besetting van Ladysmith, Kimberley en Mafeking, en van die bekendste slagvelde van die oorlog.

Lesers sal talle ikoniese foto's in Die Anglo-Boereoorlog in kleur raaksien, maar ook verskeie wat nog nooit tevore gepubliseer is nie. Honderde boeke het die afgelope 120 jaar oor die oorlog verskyn, maar dit is die eerste een in volkleur.
Publikasiedatum: 2022-04-11
Klik om te vergroot
Klik om te vergroot

7

9780796322388

Christelik / Christian: Christelike Leefwyse / Christian Living

Christelik / Christian  -  Christelike Leefwyse / Christian Living
R 240
R 192Jy spaar R 48
“Met hierdie boek wil ek almal aanmoedig om minder blinde mol en meer wyse uil te word.”
Daar is 'n groot behoefte aan mense met integriteit - mense met die volledige stel goue eienskappe wat hulle veelsydige, standvastige en betroubare wyse uile maak. Mense op wie jy kan peil trek.
Susan Coetzer, bekende skrywer en motiveringsspreker help jou op haar skreeusnaakse maar eerlike manier om jou eie lewe te ondersoek en seker te maak dat jy met integriteit leef.
Publikasiedatum: 2022-06-23
Klik om te vergroot
Klik om te vergroot

2

9780795802539

Fiksie: Romans

Fiksie  -  Romans
R 250
R 200Jy spaar R 50
Hans van Kraaienburg sal hom mos nie met 'n piramideskema laat vang nie . . . of hoe? Toe Huis Madeliefie se mense onder 'n gladdebek-skelm deurloop en hul kosbare geldjies soos mis voor die son sien verdwyn, en die polisie 'n beloning uitloof aan enigeen wat hulle na die skurk kan lei, gaan Hans en trawante op die oorlogspad, Weskus toe. Javel Davel sál hul geld teruggee, of Hans laat los Nella en haar magtige bloomers op hom . . . Die mees avontuurlike Hans-verhaal nóg!
Publikasiedatum: 2022-06-30
Klik om te vergroot
Klik om te vergroot

10

9780795802485

Fiksie: Romans

Fiksie  -  Romans
R 320
R 256Jy spaar R 64
Hoe meer slagoffers hy verslind, hoe meer wil hy he.

Die laaste voerings van oudpolisiespeurder Carl Bester (wat lesers uit 2019 se Vloek onthou) se lewe torring los toe sy verhouding met Sarah Theron eindig. Dit bring hom by 'n kruispad, en hy sluit aan by die Kaapse tak van Mercurius, 'n gesiglose CIA-steunpilaar. Intussen word 'n wêreldbekende Saoediese joernalis in 'n konsulaat in Istanbul vermoor, met 'n Suid-Afrikaanse joernalis as onwillige ooggetuie. Hy besef hy hou dinamiet in sy hand vas.
Maar as hy sy kaarte reg speel, wen hy dalk 'n sorgelose nuwe lewe. Gevolge van dié joernalis se besluite kring uit na Kaapstad, waar Carl opdrag kry om die saak te hanteer.
Publikasiedatum: 2022-05-03
Klik om te vergroot
Klik om te vergroot

12

9781485904885

Fiksie: Romans

Fiksie  -  Romans
R 320
R 256Jy spaar R 64
1987. 'n Konvooi vegvoertuie is op pad na Angola om oorlog te maak. Vir die eerste keer is Suid-Afrikaanse tenks deel van die opmars om die Rooi Gevaar te stuit.
Kommandant Leon Marais dra nie net die las as bevelvoerder nie, maar bots ook met sy direkte hoof. Marius is nie 'n man wat daarvan hou om beveel te word nie.
Tenkbemanningslid, Abrie Ahlers worstel met sy eie probleme. Sal hy sy belofte kan nakom om betyds terug te wees vir die troudatum met sy sewentienjarige swanger meisie? Sal hy enigsins terugkom? En hoekom lieg hy oor die dood van sy pa?
Die insypelaar, majoor Cassie van der Merwe, moet in gevaarlike omstandighede te voet op die vyand spioeneer, en Pietie de Villiers, die jong dokter sonder enige weermagopleiding, word getaak om 'n mediese pos in 'n vyandelike gebied te beman.
Sersant Pierre Wessels praat 'n beangste dienspligte moed in en dra 'n gewonde 32-makker na veiligheid onder swaar bombardement. Motorwerktuigkundige Lappies Labuschagne moet al sy vernuf as soldaat inspan om met 'n mankolieke Ratel 'n gedugte Russiese tenk aan te vat.
Dit is van die grootste veldslae met Suid-Afrikaanse tenks in Angola. Daar is soldate wat sterf en vermink word. Ander breek onder die spanning. Almal keer terug met wonde in hul gemoed.
Dit is Operasie Modulêr. Dit het alles gebeur.
Publikasiedatum: 2022-06-03
Klik om te vergroot
Klik om te vergroot

8

9781776352258

Fiksie: Romans

Fiksie  -  Romans
R 290
R 232Jy spaar R 58
Die verkeerde man op die regte plek kan 'n groot verskil maak.
Op 'n stormagtige nag in 'n Engelse herehuis word 'n jong vrou grusaam vermoor. Sy vat 'n eienaardige geheim na haar graf toe en die moordenaar verdwyn soos 'n skim in die nag. Twintig jaar later by een van die wêreld se mees eksklusiewe perdewedrenne is dit die buiteperd wat onverwags die kroon wegdra. In een van die losies staan Henry Clarke stomgeslaan. Hy het sopas iets onmoontlik sien gebeur. Op 'n klein wildsplaas in die noorde probeer Jan Brand vir hom so tussen die stof en droogte 'n nuwe lewe staanmaak. Vir so 'n jong man het hy al baie geleef. Nes hy dink hy kan die stad agter los en in vrede begin boer, ontvang hy 'n uitnodiging van sy skatryk buurman, einste Henry Clarke. Dié wil Brand as privaatspeurder aanstel om 'n raaisel in die ruitersport op te los. Kort daarna verdaag Brand na Kaapstad, waar 'n geheim begrawe deur tyd, geld en mag vir hom wag, tesame met die mense wat bereid is om te moor om dit so te hou. Jan Brand mag dalk die stof van sy hande af gewas het, maar binnekort gaan hulle vol bloed wees.

'n Kwessie van tyd is Marten se debuut. Hy tref 'n baie goeie balans tussen aksie, spanning, humor en romanse om iets vir alle lesers te bied. Die hoofkarakter, Jan Brand, is een van daai outydse helde wat met 'n sterk regtervuis en vinnige voet- en denkwerk die dag moet red. Die storie speel af in en om die spogwêreld van ruitersport, wat sorg vir 'n interessante kontras vir 'n aardse karakter soos Jan Brand.
Publikasiedatum: 2022-07-01
Klik om te vergroot
Klik om te vergroot

6

9780798182942

Fiksie: Romans

Fiksie  -  Romans
R 315
R 252Jy spaar R 63
Speurder-kaptein Alek Strauss van die FSO word saam uitgeroep na 'n raaiselagtige moordtoneel. Die liggaam van 'n vrou is in 'n bouval in Pretoria-Oos gevind. Advokaat Lynn Rawlins is skynbaar verwurg. Teen die muur staan in bloed geskrywe: Sprich nichts Böses.
Doktor Nadiya Patel, forensiese sielkundige, is vas oortuig die moordenaar se modus operandi is 'n waarskuwing dat nog lewens in gevaar is.
'n Paar maande tevore, in Sandton, sukkel juweliersontwerper Marlia Heystek om kop bo water te hou. Haar driejarige dogtertjie is 'n handvol, en so ook haar baas, Rhyno Weidemann. Sy en Rhyno is besig met die afronding van die Waffe-reeks wat wapens in juweliersware vergestalt.
Die vorige aand het die geldmagnaat Leonard Adendorf egter 'n aanbod aan Marlia gemaak wat sy nie van die hand kan wys nie. As sy in die geheim 'n reeks juweliersware vir vriende van Adendorf ontwerp, hoef sy nooit weer haar sente om te draai nie.

'n Meesleurende spanningsroman deur die skrywer van Roofdier.
Publikasiedatum: 2022-06-17
Klik om te vergroot
Klik om te vergroot

13

9780624093404

Fiksie: Romans

Fiksie  -  Romans
R 295
R 236Jy spaar R 59
Oor net twee dinge is Rakie Bouwer seker: Haar broer is as kind dood, en sy moet uitvind hóé. Die soektog stuur haar op verborge paaie na haar verlede - waar familiegeheime gevaarlik lê en skuil. Intussen daag haar tweelingsuster, Mara, ongenooid op . . . Wat probeer Mara wegsteek en hoekom? Terwyl Rakie desperaat probeer om antwoorde te kry, loop sy die gevaar om haarself te vernietig. Want eindelik is die skrikwekkendste vraag van almal: Wat is donkerder as jou eie bloed?
Publikasiedatum: 2022-04-29
Klik om te vergroot
Klik om te vergroot

11

9781776172061

Christelik / Christian: Algemeen / General

Christelik / Christian  -  Algemeen / General
R 240
R 192Jy spaar R 48
Die debat oor die Bybel as die Woord van God woed steeds voort.
Bestaan God wel?
Is God in beheer?

Die Slegte Nuus van die Evangelie - my reis na verlossing deur Johan Retief is ʼn tydige boek vanuit ʼn ander gesigspunt op hierdie kontroversiële onderwerp.
Ben du Toit, skrywer van die opspraakwekkende God Is daar 'n ander antwoord? in 2020, het ʼn Voorwoord tot hierdie boek geskryf wat bestem is om ook ʼn topverkoper te word.

Nog ʼn Voorwoord is ook deur die swaargewig, George Claassen geskryf. Groot media-veldtogte in alle media.
Publikasiedatum: 2022-03-01
Klik om te vergroot
Klik om te vergroot

4

9781776357529

Fiksie: Romans

Fiksie  -  Romans
R 270
R 243Jy spaar R 27
Sy's ʼn boeremeisie, hy ʼn Jood. ʼn Boerejood, ja, maar nogtans ʼn Jood. Vir hulle liefde is daar geen toekoms as hulle dit nie self skep nie. Terwyl hulle jonk is, dink hulle nie aan die toekoms nie, leef hulle vir die nou, glo hulle die verskille kan oorkom word. En Izak Katz, weet Elizabeth, maak altyd ʼn plan. Altyd. Hy, met sy lag, sy terg, die sagtheid in sy oë. Die paadjie wat aan hulle toebedeel is, is ongelyk. Soos die middelmannetjie in die drif. Hulle weet van mekaar vermy, van voorgee sodat niemand iets vermoed nie. Van wag. En van liefhê … Totdat Elizabeth gedwing word om ʼn doodsbelofte te maak. En sy weet, sy wéét, hierdie keer is dit verby, nie eers Izak sal nou meer raad hê nie.

Verbode drif is ʼn heruitgawe van ʼn geliefde titel. Die kernverhaal bly dieselfde, maar Irma het wel hier en daar tonele uitgebrei of ingeskryf. Verbode drif is ʼn ligter historiese liefdesroman met karakters wat die leser van meet af intrek. Wanneer daarna gevra word, sê Irma altyd dat Verbode Drif steeds haar gunsteling boek bly van almal wat sy al geskryf het.
Publikasiedatum: 2022-07-01
Klik om te vergroot
Klik om te vergroot

1

9781776093380

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 280
R 224Jy spaar R 56
In Hoerkind vertel Herman Lategan sy lewensverhaal uit die hart uit, sonder doekies omdraai. Hy is een warm Februarienag in 1964 in 'n losieshuis in Kaapstad verwek - buite die eg. Van jongs af het hy soos 'n weggooimens gevoel, want hy is deur grootmense wat die lewe op onvaste voet betree het, van die een stel hande na die ander aangegee. Op 13 beland hy in die kloue van 'n geslepe pedofiel, 'n bekende Afrikaanse koerantman in daardie jare. Pas na sy 18de verjaarsdag, wanneer sy molesteerder met hom klaar is, word Herman sonder seremonie voor die deur van sy vervreemde alkoholis-pa afgelaai. In sy tienerjare bevriend hy Afrikaanse digters soos Sheila Cussons, Ina Rousseau, Barend J. Toerien en Casper Schmidt. Ná skool doen hy sy diensplig, maar word oneervol ontslaan en kom hy in New York aan, waar hy vir Andy Warhol op straat agtervolg en met 'n “smorgasbord van eendagsvlinders” kattemaai. Terug in Suid-Afrika maak Herman opgang as joernalis wat na die wydste hoeke van die wêreld reis. As volwassene voer hy 'n stryd met drank en dwelms en is 'n ruk lank haweloos. En vir menige werkgewer word hy die nagmerrie wat hulle die ergste vrees.
Hoerkind is 'n aangrypende relaas oor verlies én oorwinning wat jou sal laat lag, en jou hart 'n paar keer breek. Jy sal jou kop skud oor die wreedheid van 'n wêreld waar mense aan mekaar uitgelewer is, maar jy sal verwonderd staan oor die omvang van goedheid, juis omdat mense op mekaar aangewese is.

As 'n outobiografie is die boek met verbasende openhartigheid geskryf en geen doekies word oor die skrywer se persoonlike lewe of gay-wees omgedraai nie. Verskeie bekende en selfs beroemde figure uit die media- en vermaaklikheidswêreld maak hul verskyning in die boek wat meesleurend, hoogs vermaaklik en kompromisloos eerlik is.
Oor die jare skryf Herman vir oor die 50 tydskrifte, koerante en webblaaie, onder meer Vogue Entertaining + Travel, Time Out, House and Leisure, Cape Style, Mail & Guardian, Vrye Weekblad en Rapport. Sy rubrieke is in
twee bundels byeengebring: Binnekring van spookasems en Opstokers, fopdossers en tweegatjakkalse, en 'n handvol gedigte en kortverhale het ook verskyn. Herman het vir vyf jaar vir e.tv gewerk en vir 'n dekade insetsels vir etlike radiostasies soos FMR en Cape Talk gelewer.
Publikasiedatum: 2022-07-04
Klik om te vergroot
Klik om te vergroot

9

9781776355082

Fiksie: Romans

Fiksie  -  Romans
R 260
Jou diepste vrees is sy grootste begeerte...
Geen lang naels nie. Geen skoenveters nie. Dit is maar enkele van die reëls in die Molenberg-Psigiatriese hospitaal. Selfmoord is ʼn inwoner hier, en die pasiënte word as psigopate bestempel. Dominique du Randt word in Molenberg opgeneem ná haar ma se wrede moord. Niemand glo dat sy nie verantwoordelik is vir haar ma se dood nie. Niemand glo dat sy deur ʼn man agtervolg is wat homself die Bewonderaar noem nie. Haar sielkundige, Martin, het wel sy bedenkinge. Daarom dat hy sy eie speurwerk doen. Wat Martin ontdek, is die Ophelia-klub. 'n Plek van grusame geheime, fantasieë en donker vergrype.
Wanneer een van die vroulike pasiënte in Molenberg-Psigiatriese hospitaal verdwyn, is Dominique oortuig die Bewonderaar weet presies waar sy is. Hy is, soos voorheen, weer in beheer van dié skrikwekkende spel. Maar hoe beskerm jy jouself in 'n plek soos Molenberg? Hier waar niemand jou glo en jy geen vryheid of beheer het nie?

Die bewonderaar volg op Dominique (2021), maar die klem skuif hier weg van Dominique se werk as hoogsbetaalde gesellin. Die fokus val eerder op geestesgesondheid en die misbruik van mag vir eie gewin. Hierdie is ʼn volbloed psigologiese riller wat selfs nog beter is as sy voorganger. Ontstellend, maar geloofwaardig en eg.
Publikasiedatum: 2022-05-31
Klik om te vergroot
Klik om te vergroot

3

9781928363132

Nie-fiksie / Non-fiction: Diere / Animals

Nie-fiksie / Non-fiction  -  Diere / Animals
R 695
R 556Jy spaar R 139
VELD Voëls van Suider-Afrika: Die volledige fotogids bring die heel nuutste foto's, navorsing en verspreidingsdata oor alle voëlspesies wat tot op hede in Suider-Afrika aangeteken is, byeen. Hierdie omvattende veldgids bevat nagenoeg 2 000 pragtige kleurfoto's, asook:
• die nuutste inligting oor die 991 voëlspesies in Suider-Afrika
• bondige inskrywings wat fokus op identifikasie, moontlike verwarring, gedrag en habitat, asook verskille in geslag, ouderdom, kleurvariasies en subspesies
• opsommende inligting oor elke voëlspesie se grootte, kos, status en sosialiteit
• bygewerkte, kleurgekodeerde verspreidingskaarte wat elke voël se status en digtheid aandui
• 'n volledige en verkorte register
• 'n toepassing (“app”) met voëlroepe en addisionele foto's van kleurvariasies.

Of jy buite in die veld of op die rusbank in jou huis is, is hierdie gids 'n onontbeerlike metgesel.
Publikasiedatum: 2022-07-20
Klik om te vergroot
Klik om te vergroot

16

9781776352135

Fiksie: Romans

Fiksie  -  Romans
R 290
Hoe ver sal jy gaan om jou kind te beskerm?
Inwoners van Makulu Manzi het skaars herstel van die kinderpornografieskandaal wat die dorp vroeër die jaar getref het. Nou is daar gerugte van moetiemoorde en ekstremistiese groepe wat kinders werf vir selfmoordbomaanvalle. Die plaaslike skool stuur rebelse tieners na regrukkampe, en selfs georganiseerde bloedskenking word met agterdog bejeën. Wanneer Daleen Boshoff se dogter tydens 'n uitstappie op die lyk van 'n tienerseun afkom, ruk dit die fondament onder hul uit. Is dit inderdaad moord vir moetie? Of hou die vermiste kinders verband met die bomaanvalle teen die kus van Afrika?

Rooigety is die opvolg van Dooiegety (2019). Die vooroordele van 'n gemeenskap en oorreaksies as gevolg daarvan kom aan bod: Die skool stuur bv. rebelse tieners na fanatiese regrukkampe, en die ouers wantrou bloedskenking by die skool na gerugte van mutimoorde. Bets Smith is 'n veelsydige skrywer wat hedendaagse, nuuswaardige insidente gebruik om spanning te bou en ons vrese uit te lig.
Publikasiedatum: 2022-05-31
Klik om te vergroot
Klik om te vergroot

14

9781485313328

Fiksie: Romans

Fiksie  -  Romans
R 325
R 260Jy spaar R 65
Dis die verhaal van 'n veertigjarige vrou se bestekopname van haar lewe. Sy is sieklik vetsugtig, en kos speel 'n baie belangrike rol. Dis in die vorm van dagboekinskrywings, SMS'e en e-posse.
Dit bied 'n kykie in die psige van 'n eetverslaafde; iets waarmee baie lesers sal kan identifiseer. Dis ook 'n liefdesverhaal (wat in die verlede afspeel), d.m.v. sms'e en e-posse en derdens volg die leser die broodkrummels na die jeugtrauma wat haar gedefinieer het.
Hierdie is 'n roman wat jou verbeelding beetpak en nie maklik laat gaan nie. Omdat dit in kleinerige brokke aangebied word, omdat dit soveel donker humor bevat en ontdaan is van selfbejammering, omdat die taal so lewendig is, is dit toeganklik sowel as … wel, gewigtig.
Publikasiedatum: 2022-05-31

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.