Afslag slegs op aanlynbestellings
Klik om te vergroot
Klik om te vergroot
9780624086031

Fiksie: Romans

Fiksie  -  Romans
R 280
R 224Jy spaar R 56
'Bloedbroers. 'n Vriendskap en totale vertroue gesmee in Angolese pseudo-operasies. Carlos Viyera, die veteraan met 'n duister, gewelddadige verlede. Tex Texeira, sy talentvolle protégé.

En toe is die oorlog verby. Of is dit?

Hoekom, na jare van donker geheime, het Carlos nou die grens oorgesteek as renosterstroper in Mosambiek? Die gevreesde, onaantasbare Kalingono, dood verklaar na 'n duister operasie … nou moordend terug?'
Publikasiedatum: 2019-01-18
Klik om te vergroot
Klik om te vergroot
9780798174350

Nie-fiksie / Non-fiction: Kookboeke / Food & Drink

Nie-fiksie / Non-fiction  -  Kookboeke / Food & Drink
R 400
R 320Jy spaar R 80
In Duinhuis nooi Isabella Niehaus jou uit om te kom aansit om die Langtafel op die Duin. Kom vind uit waar haar kosfilosofie vandaan kom, wie haar manier van kook beïnvloed het en leer die mense ken wat haar kosloopbaan rigting gegee het. Die kookboek sluit haar uiters bekende Duinmossels en -oesters, en menige geregte uit haar reise soos Spaanse platbrood, tarte tatin en coq au vin in. Met bydraes deur bekendes asook hartsvriende.
Publikasiedatum: 2019-01-18
Klik om te vergroot
Klik om te vergroot
9780795709159

Fiksie: Romans

Fiksie  -  Romans
R 260
R 208Jy spaar R 52
Wenner van die eerste kykNET-Rapportprys in die Film-kategorie, nou tot rolprent verwerk.

'Glo my, dis regtig die beste so.'
Hy skreef sy oë en kyk na haar silhoeët teen die lig. Iets glinster in haar regterhand. Hy weet oombliklik wat dit is en hoekom. Dis soos toe daardie man in sy sel ingestorm het, verskrikking en 'n skielike stuwing van lewenskrag. Hy koes kant toe so ver hy kan, gryp haar enkel en ruk. 'n Skoot klap naby sy kop. Die skoot tref klip en woer-woer weg met 'n geluid wat eensklaps stop as die koeël iewers vasslaan. Die vrou steier. Die pistool val op die grond.
Daniël wag geen oomblik nie. Hy herwin sy balans en hardloop, spring oor die klippe en bars deur bosse. Hy probeer nie eens dink oor wat gebeur het nie. Hy kan dit later doen, as hy lank genoeg leef.

Polisievrou Erica van der Linde is in beheer van die getuiebeskermingsprogram in Kaapstad in die jare negentig. Sy het die perfekte manier gevind om te verseker dat getuies in haar bewaring vir goed verdwyn uit die normale samelewing. Sy vermoor hulle. Maar sy't nog nooit 'n getuie soos Daniël Enslin teëgekom nie.
Publikasiedatum: 2019-01-18
Klik om te vergroot
Klik om te vergroot
9781415210093

Fiksie: Romans

Fiksie  -  Romans
R 240
R 192Jy spaar R 48
Dis 'n donker Karoonag en 'n bebloede vrou hardloop grondpad langs. Iets grusaam het gebeur en Siena weet sy moet by Seekoegat Primere Skool uitkom, daar sal sy veilig wees. Dis baie ver, drie dae met 'n donkiekar en sy is te voet. Hierdie roman vertel die verhaal van Siena, Boetie en Kriekie, wie se lewens sedert kinderdae nou verweef is. Soos wat Siena hardloop ontmoet lesers die mense in haar lewe: Boetie is verwilderd en verwaarloos, altyd besig met kattekwaad. Sy vriendskap met Siena laat hom egter sy selfwaarde besef. Kriekie is 'n wrak. Sy ma is 'n prostituut wat by die stilhouplekke langs die n1 werk en hy het skaars 'n huis. Wanneer sy ma, Dolly, nie terugkom nie, beland hy deur een vrou se goedhartigheid ook by Seekoegat Primere Skool. Die Karooskilpad se simboliese spore kan deur die hele roman gesien word. Siena se pa, 'n karretjiemens, het altyd gese dat 'n skilpad die wysheid van die antieke landskap in hom dra. Daar word geglo dat 'n skilpad slegs een traan in sy leeftyd stort, die oomblik wanneer hy sterf. Die skilpad se laaste traan is bekroonde skrywer Carol Campbell se derde boek oor die Karoo. Soos haar vorige werk fokus sy sterk op sosiale realisme, maar vir die eerste keer is hier ook magiese realisme, so eie aan die mense oor wie sy skryf.
Publikasiedatum: 2019-01-08
Klik om te vergroot
Klik om te vergroot
9780994715937

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 650
R 520Jy spaar R 130
In Desember 1880, drie jaar ná die Britse anneksasie van die Zuid-Afrikaansche Republiek (ZAR) in 1877, kom bykans 10 000 Transvaalse burgers op die plaas Paardekraal byeen. Die gewigtige besluit word geneem om die regering van dié Boererepubliek eensydig te herstel.

Die Britse owerhede in Pretoria en Londen volhard steeds in hul minagting van die Boere se vryheidstrewe. Wat hierop volg, is drie maande van militêre stryd tussen die grootste koloniale mag van destyds en enkele duisende Boerekrygers. Die verloop en uitkoms is veral vir die Britte ietwat onverwags.

Dié stryd, later bekend as die Eerste Vryheidsoorlog, is aanvanklik beperk tot die Boere se beleëring in onder meer Potchefstroom, Pretoria en Standerton en die gevegte by Bronkhorstspruit en Rooihuiskraal, waarin die Boere feitlik deurgaans die oorhand kry.
Dan behaal die Boere hul deurslaggewende oorwinnings in Natal: eers by Laingsnek en Schuinshoogte voordat die finale, legendariese Slag by Amajuba die skaal finaal in die guns van die Transvalers swaai.

Die skrywer lewer met hierdie boek 'n waardevolle bydrae tot die Suid-Afrikaanse geskiedskrywing. Geen ewewigtige en omvattende boek oor hierdie oorlog is al voorheen gepubliseer nie. Letterlik alle bekende primêre Britse en Boerebronne is benut en word gedokumenteer. Die klem val op die militêre aspekte, maar die diplomatieke intrigue wat uiteindelik bepalend in die uitkoms van die stryd was, 'n uitkoms waarop beide kante met regs trots moes voel, word uitvoerig ontleed.

JACKIE GROBLER was vir bykans 40 jaar as dosent verbonde aan die Departement Historiese en Erfenisstudies aan die Universiteit van Pretoria.
Publikasiedatum: 2018-12-21
Klik om te vergroot
Klik om te vergroot
9780799388374

Fiksie: Romanses

Fiksie  -  Romanses
R 225
R 203Jy spaar R 22
Lien Morkel trap 'n slegte stel af met 'n baas in die hospitaal waar sy werksaam is. Sy gaan help uit op Haïti vir Dokters Sonder Grense en by haar terugkoms trek sy Kaap toe waar sy by 'n mediese praktyk in Melkbos aansluit. Om in Nicol le Roux, haar nuwe skoonsuster se broer vas te loop, is 'n skok - hy was een van die redes hoekom sy weg is uit Johannesburg.
Nicol le Roux verhuis Kaap toe waar hy mede-direkteur word van 'n fondsbestuurmaatskappy. Die laaste mens wat hy verwag om in die Kaap raak te loop, is Lien, sy nuwe swaer se suster. Sy is een van daardie 'moderne' vroue wat alles self wil doen en geen hulp van 'n man wil hê nie.
Maar nou is al twee in die Kaap en beide van hulle kom agter soms het jy tog hulp nodig, al is dit uit die laaste oord waar jy dit vandaan wil hê.

Vir ewig my altyd is deel van LAPA Uitgewers se SuperRomanza-reeks, en volg op Elsa Winckler se eerste SuperRomanza, Bewustelik joune.
Publikasiedatum: 2018-11-01
Klik om te vergroot
Klik om te vergroot
9780799391565

Fiksie: Romanses

Fiksie  -  Romanses
R 225
R 203Jy spaar R 22
Liefde tussen swaarde ...
Chantilly Dubois bevind haar teen haar sin as Papillon op 'n seerowerskip. Hulle word egter deur 'n ander seerowerskip oorrompel en sy moet aanskou hoe haar liefdesdrome in bloed voor haar wegsypel. Maar Papillon neem 'n eed dat sy op El Capitàn sal wraak neem, hoe lank dit ook al duur, haar dag sal kom.
Maande lank, oor oseane en selfs aan die Kaap de Goede Hoop, te midde van groot gevare en ontbering, volg sy hierdie man wat haar geluk gesteel het. Sy verontagsaam selfs die Kaapse goewerneur se besluite oor wat verder in haar lewe moet gebeur.
El Capitàn, daarenteen, sit sy soektog voort na die Peregrina, 'n gesogte pêrel wat die toekomstige Spaanse koningin toekom as deel van haar bruidskat.
Toe hulle paaie weer kruis, moet Papillon teenoor haarself erken dat die wraak wat sy gekoester het stadig maar seker gemengde gevoelens geword het. Hoe anders, in die aangesig van 'n man wat so sterk en dapper sy posisie handhaaf te midde van 'n ruwe klomp seerowers? Is dit daaroor of bloot omdat sy nie langer teen sy manlike aantrekkingskrag kan veg nie? Haat sy hom of het sy hom liefgekry? Dit is die vraag wat Papillon nie beantwoord kry nie.
Publikasiedatum: 0208-12-20
Klik om te vergroot
Klik om te vergroot
9780799388343

Fiksie: Romans

Fiksie  -  Romans
R 265
R 239Jy spaar R 26
Dwelms: 'n kanker wat die samelewing verwoes
Luna Joubert se moed en vernuf word weer tot die uiterste beproef in Dag drie. Sy en haar medespeurder, Johan, vergesel vir Mike, 'n volbloed diepdekkingsagent, op 'n missie na Mauritius waar Mike met 'n informant kontak sal maak.
Luna en Johan moet die skyn van gewone vakansiegangers vir hom help bewaar, maar niks loop volgens plan nie. Hulle eerste dag op die eiland lewer die lyk van 'n jong meisie op wat ooglopend vermoor is. Die informant laat nie van hom hoor nie en hulle word uit die bloute deur wildvreemde mense 'bevriend'. Rooi ligte flikker toe hulle genooi word vir 'n visvang-uitstappie op 'n luuksejag.
Luna het nie 'n goeie gevoel oor die eienaar van die boot nie, want hy is net 'n bietjie té gretig om hulle van naderby te leer ken. Nie alleen beland sy en haar twee kollegas in lewensgevaar nie; toe Johan verdwyn waag sy dit ook op baie dun ys om hom te probeer opspoor en dag drie eindig onvermydelik in 'n breekspul.

Dag drie is die derde boek in die reeks met Luna Joubert as hoofkarakter. Die vorige twee was Katoog en Vermis.
Publikasiedatum: 2018-11-01
Klik om te vergroot
Klik om te vergroot
9780799391992

Fiksie: Romanses

Fiksie  -  Romanses
R 90
R 72Jy spaar R 18
Simoné hou daarvan dat dinge presies volgens haar plan verloop en haar aangetrokkenheid tot Wessel Barendse verloop glad nie volgens planne nie. Veral met haar peetma wat probeer Kupido speel. Maar een van Wessel se glimlagte en haar stomme hart val is sy hande.
Peetma speel Kupido
In Elsa Winckler se jongste reeks is die kinders nie opgewasse teen hul geliefde peetma, Jody, nie. Jody weet instinktief wanneer sy die regte hartsmaat vir een van haar ses peetkinders gevind het. Maar sy weet ook wanneer hulle gereed is vir Liefde met 'n hoofletter. Twee boeke van die Jody-reeks het reeds verskyn: Op die sypaadjie (Desember 2017) en Blameer die skoenlapper (Februarie 2018). My groot liefde verskyn in November 2018 en in 2019 sal 'n verdere twee titels verskyn.
Publikasiedatum: 2018-12-20
Klik om te vergroot
Klik om te vergroot
9780799392081

Fiksie: Romanses

Fiksie  -  Romanses
R 90
R 72Jy spaar R 18
Olivia is vasbeslote om haar biologiese pa te ontmoet, maar haar nuwe bestuurder, Jean-Luc, is hinderlik aantreklik en trek haar aandag af. Maar sy vind vinnig uit dat die liefde jou nooit op 'n dwaalspoor lei nie.
Publikasiedatum: 2018-12-20
Klik om te vergroot
Klik om te vergroot

3

9780620779852

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 425
R 340Jy spaar R 85
Hel toe en terug vertel die geskiedenis van die oorlog binne die bestek van minder as 170 bladsye en is ingedeel in agt afdelings, elk toegelig met uitsonderlike foto's en toepaslike kaarte. Een afdeling word in die besonder gewy aan Suid-Afrika se deelname aan die oorlog.

Die Groot Oorlog (1914-1918), soos wat die Eerste Wêreldoorlog oorspronklik bekend gestaan het, was waarlik in elke opsig enorm. Nie net het dit tot die dood van nagenoeg tien miljoen soldate gelei nie, dit was tot in daardie stadium ook die omvangrykste oorlog waarby sowat 80 miljoen mense van verskeie lande betrek is. Boonop is nagenoeg 9 miljoen mense permanent vermink, 12 miljoen is ernstig gewond en byna 8 miljoen is krygsgevange geneem.

Louis Scott, 'n historikus en bekende inwoner van Polokwane, se boek oor dié oorlog, Hel toe en terug: Die Eerste Wêreldoorlog, 'n honderd jaar later, het pas verskyn - betyds vir die honderdjarige herdenking van dié verwoestende oorlog. Dit bied vir die eerste keer in Afrikaans 'n omvattende geskiedenis van dié oorlog.

“Vir die soldate wat hierdie lyding oorleef het, was dit hel en dikwels vind mens dat hulle daarna as 'die hel' verwys het - derhalwe die titel van hierdie boek,” skryf die historikus prof. Louis Changuion in die voorwoord van Hel toe en terug.

“Die impak wat dié oorlog op die psige van die mensdom, asook op toekomstige oorlogvoering gehad het, was onbeskryflik en sonder weerga,” skryf Scott. “Die vernietiging en verwoesting wat deur moderne en onbekende wapentuig aangerig is, was buite die begrip van die mens. Vir die soldate was dit die spreekwoordelike 'hel op aarde'.”

Hel toe en terug vertel die geskiedenis van die oorlog binne die bestek van minder as 170 bladsye en is ingedeel in agt afdelings, elk toegelig met uitsonderlike foto's en toepaslike kaarte. Een afdeling word in die besonder gewy aan Suid-Afrika se deelname aan die oorlog.

Dit is waarskynlik die toeganklike styl waarin Scott hierdie geskiedenis benader het wat die grootste aftrek by Jan Publiek sal kry. Die eerste oplaag is reeds uitverkoop en dien as bewys van die gewildheid van dié geskiedenis en Scott se aanbieding van die inligting.

Prof. Bill Nasson van die departement geskiedenis aan die Universiteit Stellenbosch het die boek in September vanjaar vir Netwerk24 geresenseer. Hy meen Scott slaag daarin om die oorlog se verhaal op 'n eenvoudige manier te vertel. Hel toe en terug verskaf volgens Nasson 'n oorsig van “die oorsake en gevolge van die oorlog, die loopgrawe en die voorste linies en die sukkelende tuisfront tot die blywende kulturele en tegnologiese beelde, … hakiesdraad, tenks en natuurlik derduisende begraafplase en miljoene kruise”.
Publikasiedatum: 2018-12-18
Klik om te vergroot
Klik om te vergroot
9780639977805

Nie-fiksie / Non-fiction: Politiek & Geskiedenis / History & Politics

Nie-fiksie / Non-fiction  -  Politiek & Geskiedenis / History & Politics
R 220
R 176Jy spaar R 44
Adv. P.J. Pretrius (die skrywer van Volksverraad) en Adriaan Snyman het saamgespan om Die gety het gedraai te skryf. Dit handel hoofsaaklik oor die profetiese vooruitsigte wat Siener van Rensburg vir ons dag en tyd vir die wêreld en Suid-Afrika voorspel het.
Die gety het gedraai, is 'n boodskap van hoop en dit voorspel ook 'n heel nuwe toekoms vir ons land.
In DEEL I skryf adv. Pretorius in sy voorwoord: “As ons dit wat moet plaasvind verstaan, sal ons verstaan dat Suid-Afrika moet gered word om as verskansing teen die komende verworwenheid vir Christene hier en regoor die wêreld te dien. Ons (Suid-Afrika) word “God se geestelike verbondsark”.
In DEEL II behartig Adriaan Snyman o.m. 'n aantal herontdekte briewe wat Boy Mussmann aan Rhodesiese vriende geskryf het. In hierdie briewe kry ons nie net 'n duidelike beeld dat die gety dwarsoor die wêreld besig is om te draai nie, maar ook dat Suid-Afrika bestem is om die 'Nuwe Kanaän' vir die mensdom te word.
Publikasiedatum: 2018-11-22
Klik om te vergroot
Klik om te vergroot
9780799391411

Fiksie: Romanses

Fiksie  -  Romanses
R 225
R 180Jy spaar R 45
Sy wens sy kon omdraai …
Anja kon haar geluk nie glo toe sy die vakature by die Hoë Prestasiesentrum in Pretoria in haar inboks sien nie. Dis so reg in haar kraal. Hulle soek ʼn fisioterapeut wat deel is van ʼn span medici en sportkundiges wat met belowende sportsterre werk. Nie alleen het sy die vereiste kwalifikasies nie, maar sy was in eie reg ʼn sportster. Vir jare was sy die junior nasionale vrouetenniskampioen in die land. Dis ook hoekom die Universiteit van Kalifornië haar ʼn sportbeurs aangebied het. Helaas het die opkikkerskandaal ʼn einde aan haar sportdrome gebring. Die saak is wel in haar guns geskik, maar teen ʼn duur prys. Haar dryfveer vir groot tennis is weg, en sy gaan lank aan die regskoste afbetaal. Hierdie is die geleentheid waarna sy soek, en sal haar in staat stel om weer in Suid-Afrika 'n nuwe begin te maak.
Maar toe gaan haar tannie Amelia dood, en sy moet terugkeer na haar geboortedorpie in KwaZulu-Natal, Glenville, om toe te sien dat die boedel afgehandel word. Sy ervaar baie konflik want haar eksverloofde, sy vrou en kind bly in die huis langs haar tannie. Anja het hom en die vrou in 'n vurige omhelsing betrap weke voor hulle sou trou, en is toe landuit. En nou gaan sy weer Henk se ouer broer, Riekert moet sien. Die man wat altyd met sy broeiende blik en donker oë regdeur haar kon sien ...
Publikasiedatum: 2018-12-04
Klik om te vergroot
Klik om te vergroot
9780799391596

Fiksie: Romanses

Fiksie  -  Romanses
R 225
R 180Jy spaar R 45
Alma Carstens se eerste omnibus ...
Splinters van liefde is 'n samestelling van drie van Alma Carstens se vorige Romanzas, Kaapse draai, Tyd sal leer en Luca se obsessie. Dit is Alma op haar beste: fyn uitgewerkte storielyne, diepgaande karakterisering en interessante plekke waar die verhale afspeel.
Kaapse draai:
Noudat Lani se vriendin haar oorreed het om te reageer op 'n man se advertensie dat hy na 'n vrou soek wat hy beter wil leer ken, is daar nie omdraai nie. Sy sal 'n maand lank op sy wynplaas moet deurbring. Min weet sy hy het nie die advertensie geplaas nie, sy skoonsuster het ...
Dit is egter nie die enigste haakplek nie. Lani kan nie bekostig dat hy haar beter leer ken nie want dan moet sy ook vertel van die hartseer geheim oor haar herkoms en dit kan sy nie met hom deel nie. Juis nie met hierdie spesiale man wat gou al haar gedagtes in beslag neem nie.
Tyd sal leer:
Siënna vlug na haar vriendin in Malawi om weg te kom van haar pa wat haar in 'n huwelik wil dwing. Sy vind gou uit die eiland Likoma is nie vir sissies met ontwerpersklere en hoëhakskoene nie - en dat sy ook nie die enigmatiese en uiters sexy Marco op sy bosklere moet takseer nie.
Gou val sy by die ritme van die eiland in en bewys telkens dat sy nie die bedorwe brokkie is waarvoor Marco haar aansien nie. Rikki stel voor Siënna en Marco trou om te verhoed dat haar pa sy sin kry. Sy stem in want sy weet die primitiewe eiland is presies waar sy en haar beminde Marco wil wees.
Luca se obsessie:
Die lenige Italianer met die helderblou oë wat Miranda se bloemiste op Valentynsdag instap, is beslis nie van plan om net so weer uit haar lewe te verdwyn nie. Maar sy belangstelling is ongelukkig nie van die soort wat 'n meisie laat huweliksklokke hoor nie.
Miranda baklei hard teen die vernedering en ja, die hartseer. Want iets omtrent hierdie man verhoed haar om hom net as “daardie soort” af te skryf, hoe hard sy ook al probeer. En hy voer sy eie stryd, al weet sy nie daarvan nie, om die blonde meisie wat 'n obsessie vir hom geword het, uit sy gedagtes te weer. Sowat van hardkoppigheid ...
Publikasiedatum: 2018-12-20
Klik om te vergroot
Klik om te vergroot

13

9780798176354

Nie-fiksie / Non-fiction: Tuinbou / Gardening

Nie-fiksie / Non-fiction  -  Tuinbou / Gardening
R 325
R 260Jy spaar R 65
Om jou eie groente en kruie te kweek is 'n nuwe tendens wat voortspruit uit die behoefte om stadiger te leef, te weet waar jou kos vandaan kom en beter na die planeet om te sien. In Begin jou eie groentetuin rus die twee plattelanders jou toe om dit te doen deur die nuutste ontwikkelings in te span - van waterbesparing en permakultuur tot biodinamika en herwinning. En jy hoef nie 'n groot stuk grond te hê nie. Groentetuine kan op balkonne, in vensterbanke en vertikaal teen mure aangelê word.

Leer hoe om kompos te maak, watter plante droogtebestand is en watter plante nie saam geplant moet word nie, in watter streek en seisoen watter plante aard, hoe om water op te gaar en weer te gebruik asook wat vir onkruid- en pesdoders ingespan kan word. Die skrywers se raad: deel jou kennis en leer uit mekaar se foute. Dit maak die eerste groente-oes soveel lekkerder!
Publikasiedatum: 2018-11-15

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.