●●● AFSLAG SLEGS OP AANLYNBESTELLINGS ●●●

Nuwe vrystellings

Results 1 to 15 of 76
Gesorteer volgens:  Posisie
Klik om te vergroot
Klik om te vergroot
9780795710384

Fiksie: Romans

Fiksie  -  Romans
R 260
R 208Jy spaar R 52
Nadia en haar nefie Xavie word op Groenplaas in die Overberg grootgemaak deur hul ouma, Sylvia McKinney, die “stammoeder van lieg”, die een wat die waarheid laat val het soos ? duur porseleinblompot. Hulle twee probeer die waarheid aanmekaar las, die dinge waaroor daar in hul familie geswyg word: oor middelmisbruik en mishandeling, maar ook oor Antie Diana, die verhouding wat sy met 'n swart plaaswerker van die kompoun gehad het en die tweeling aan wie sy geboorte gegee het.
Publikasiedatum: 2021-10-18
Klik om te vergroot
Klik om te vergroot
9780798182355

Fiksie: Romans

Fiksie  -  Romans
R 295
R 236Jy spaar R 59
Lien, Katryn en Charlotte was jare lank beste vriendinne. Die vriendskap was van die begin af onwaarskynlik. Lien is heeltemal together, Katryn is temperamenteel en onvoorspelbaar. En Charlotte is die een wat stil-stil foto's neem en skilder, en nooit ophou waarneem nie. 

'n Vlymskerp en eerlike roman oor die verbintenis tussen drie jong vroue. 'n Aangrypende verhaal wat strek oor jare en skuif tussen kuns en seks, joga, vriendskap, lojaliteit en geheime. Deur die skrywer van In my vel.
Publikasiedatum: 2021-10-15
Klik om te vergroot
Klik om te vergroot
9781485312383

Fiksie: Rubrieke

Fiksie  -  Rubrieke
R 250
R 200Jy spaar R 50
Dit gons op Vleesbaai ná Bekkies se “ding” met die volstruis. Waar het jy nou al van so iets gehoor? G'n wonder nie die assuransie-assessor het net sy kop geskud toe hy die vernielde Toyota-bakkie ondersoek het.
In hierdie rubriekbundel vertel Gustaf Pienaar staaltjies oor sy bure en familie; oor modelmotortjies en régte motorkarre. Daar's iets oor vliegtuie en oor bekendes soos JFK, Churchill, Smuts, Vorster en Ian Smith. Vergeet ook nie die hand vol vermaaklike stories geïnspireer deur die skrywer se loopbaan as SAUK-omroeper en daarna as regspraktisyn nie.
Pienaar se skryfwerk getuig van 'n ondeunde sin vir humor, 'n uitstekende mensekennis en 'n wye belangstellingsveld.
Die perfekte boek om mee te ontspan aan die einde van 'n lang dag.

Kort stukkies elke aand voor slaaptyd lees? Moenie glo nie, ek kon nie ophou lees nie, en is deur 'n rykdom van pittige wetenswaardighede en ervarings meegesleur. Gustaf Pienaar se sin vir geskiedenis maak hom 'n boeiende verteller. - Fransjohan Pretorius
Publikasiedatum: 2021-10-12
Klik om te vergroot
Klik om te vergroot
9780639607580

Fiksie: Romans

Fiksie  -  Romans
R 175
R 140Jy spaar R 35
1001 nagte, 1001 wonders, 1001 gevare.
Wanneer Herman Swart se tweelingsuster Herma onverwags sterf, val 'n deel van hom weg. Hy raak toenemend eensaam en onttrek in 'n wêreld van ou films. Hy sien haar in sy eie spieëlbeeld en hoor haar op ongeleë tye. 'n Bykomende traumatiese ervaring versplinter sy wêreld finaal en Herman verval in 'n diep koma. Hy bevind homself binne-in 'n avontuur, 'n nagmerrie, 'n wêreld waarin droom, fantasie, film, vervolgverhale, musiek en die gotiese ineenvleg. In hierdie vreemde, magiese realisme beweeg hy tussen plekke, ontmoet verskeie karakters en word weggelok deur die prinses, 'n meisie wat baie aan Herma herinner.
François Bloemhof het al plaaslik en wêreldwyd vir talle literêre eerstes gesorg, maar met hierdie unieke lees-luister-en-kyk-ervaring oortref hy homself. Die duisend en eerste nag het geen geduld met ou, veilige storiegrense nie. Dit is 'n verrykende teks wat grense uitdaag en genres suksesvol meng. Die boek word verder verryk deurdat lesers aanlyn video's kan kyk en musiek kan luister (en aflaai) wat met die storie saamwerk.
Publikasiedatum: 2021-10-06
Klik om te vergroot
Klik om te vergroot
9780624092292

Fiksie: Romans

Fiksie  -  Romans
R 290
R 232Jy spaar R 58
Dertig jaar gelede is Johan Botha lewenslank tronk toe gestuur vir die moord op drie tienermeisies. Terminaal siek en pas vrygelaat, vra hy misdaadjoernalis Ami Prinsloo om hom te help om sy onskuld te bewys.

Hoe kan sy nee sê? Dis 'n uitstekende storie. En as 'n voormalige swemkampioen met geraamtes in haar eie kas, weet sy hoe dit voel om als te verloor. Om te sukkel om mense in die oë te kyk.
Hoe dit voel as iemand na aan jou vermoor word en te weet dat die skuldige nog op vrye voet is . . .
Publikasiedatum: 2021-10-02
Klik om te vergroot
Klik om te vergroot
9780795802256

Fiksie: Romans

Fiksie  -  Romans
R 240
R 192Jy spaar R 48
Huis Madeliefie word deur die staat se vlak 5-inperking in die gesig gestaar. Hans besef teen dié virus groei geen kruid nie, maar die drakoniese reëls van die tehuis se interne bevelsraad kry nie vatplek by Hans en kie nie. Voorts is Hans oor die hoof gesien as leier van dié raad. Altoon Ahlers, befaamde akteur van weleer, neem die leisels. Hans se plan om die inwoners met die verbode vrug se sap aan sy kant te kry, boemerang sleg. Hy sal Ahlers op 'n ander manier moet onttroon . . .
Publikasiedatum: 2021-10-02
Klik om te vergroot
Klik om te vergroot
9780798182461

Fiksie: Rubrieke

Fiksie  -  Rubrieke
R 310
R 248Jy spaar R 62
Nataniël vier 20 jaar as Kaalkop-rubriekskrywer met hierdie nuwe versameling van sy gewilde SARIE-rubrieke: 107 Kaalkoppe geskryf vanaf 2012 tot 2021. Eerlik, persoonlik, nugter, inspirerend, melankolies, hartseer, opgewonde, driftig, simpatiek, verbaas, dwars, reguit en vasbeslote mik hy na elke moontlike emosie. Met die wêreld op sy kop was daar nog nooit 'n beter tyd vir 'n boek soos dié nie.
Publikasiedatum: 2021-09-29
Klik om te vergroot
Klik om te vergroot
9781928530619

Fiksie: Kortverhale

Fiksie  -  Kortverhale
R 250
R 200Jy spaar R 50
Stories is medisyne, die Lennon's van die lewe. Stories het al menigmaal my lewe gered. As ek myself in die storie herken of as 'n storie 'n spieël word vir n groot gebeurtenis in my lewe, help dit my om getuie te word van my eie lewe.
Hierdie kortverhale vertel die stories wat op ons werf op Theefontein uitspeel, stories oor my kinderdae op Carnarvon, stories oor kwaai kalkoene, stories oor die son as hy sambokslaan op ons sinkdakke, stories oor hoe mens die weer vir weke ''lees'' op die uitkyk vir reën en stories oor die baldadige vreugde as die Blou Dak se Baas 'n slag sy gieter oor die vlaktes en die berge laat leegloop.

Hierdie stories, wat weekliks op RSG verskyn, is soos suikerklontjies. Sit een in jou sak, en vind jou eie Theefontein.”
- Amoré Bekker - RSG
Publikasiedatum: 2021-10-07
Klik om te vergroot
Klik om te vergroot
9780639607559

Christelik / Christian: Biografie & Outobiografie / Biography & Autobiography

Christelik / Christian  -  Biografie & Outobiografie / Biography & Autobiography
R 250
R 200Jy spaar R 50
Hierdie is Ina Bonnette se eie weergawe van die wrede aanval en marteling deur die Modimolle Monster wat opslae gemaak het toe hy en drie handlangers haar ontvoer het.
Ina 'n Verhaal van genade en genesing, is die merkwaardige verhaal van 'n oorwinnaar, 'n vrou wat wreed oorval en gemartel is deur haar eksman en sy handlangers. Ina moes nie net die onmenslike trauma, pyn en lewensveranderende gevolge van daardie dag verduur nie, sy het ook haar seun aan die dood afgestaan toe hy deur haar aanvaller vermoor is.
Hierdie is haar verhaal van oorlewing, genade en uiteindelike genesing.
Publikasiedatum: 2021-09-27
Klik om te vergroot
Klik om te vergroot
9780624091455

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 290
R 232Jy spaar R 58
'Vir 45 jaar het Freek Robinson die grootste nuusgebeure in die ou én nuwe Suid-Afrika eerstehands beleef. As TV-joernalis en nuusanker was hy 'n gereelde besoeker in miljoene Suid-Afrikaners se huise.
In sy memoires deel Freek dit wat hy agter die skerms beleef het.
Dié boek verweef die lewe en loopbaan van een van ons land se mees gerespekteerde en geliefde joernaliste en gee 'n besonderse blik op die ingrypende nuusomwentelinge in ons onlangse geskiedenis.'
Publikasiedatum: 2021-10-01
Klik om te vergroot
Klik om te vergroot
9781432311308

Nie-fiksie / Non-fiction: Kookboeke / Food & Drink

Nie-fiksie / Non-fiction  -  Kookboeke / Food & Drink
R 340
R 272Jy spaar R 68
Mynie Steffens is 'n selferkende braaiverslaafde en kook al sedert sy 10 jaar oud was, op die vuur! 'Alles smaak soveel beter as dit op die vuur gaargemaak word', s ê sy. 'Ek soek altyd enige moontlike verskoning om 'n indrukwekkende, dag lange braai te re ë l.'
Danksy die ervaring wat sy oor reis en braai opgedoen het tydens haar TV-kosmaakprogram 'Speel met vuur', asook deur spyseniering vir private braaigeleenthede, het Mynie besluit om haar idees verder te voer. Die resultaat is hierdie kookboek van braaiproe-spyskaarte - die beste braaivermaak ooit. Mynie nooi jou om pret te h ê elke keer as jy braai, met alles van spyskaarttemas en smaaklike (dikwels onkonvensionele) resepte tot gepaste musiekspeellyste en prettige feite!
Hetsy jy dus 'n braaigroentjie is of jouself as 'n braaikenner beskou, sluit gerus aan by die partytjie en leer nuwe truuks op Mynie se manier.
Die boek sluit in:
- 70 smaaklike en vindingryke proespyskaarte van resepte
- Inligting oor hoe om te braai en 'n vuur te pak, of jy nou houtskool, hout of brikette gebruik
- Skakels na musiekspeellyste op Spotify
Publikasiedatum: 2021-09-27
Klik om te vergroot
Klik om te vergroot
9780796321206

Christelik / Christian: Dagstukke - Vroue / Devotionals Women

Christelik / Christian  -  Dagstukke - Vroue / Devotionals Women
R 270
R 216Jy spaar R 54
Aletté-Johanni Winckler, influencer, voorkomskonsultant, vrou en ma neem jou met hierdie 366 dagstukkies nader aan God. Sy daag jou reguit uit om die Here te vertrou in elke aspek van jou lewe: van ma-wees, jou gesin se finansies, die toekoms en negatiewe gedagtes tot jou selfbeeld, loopbaan en nog soveel meer. Ontdek saam met Aletté God se palet vol vreugde vir elke dag. Met insette van vriendinne soos Marciel Hopkins, Anel Alexander, Christi Panagio, Donnalee Roberts-Botha en Chireze Hoogendyk.
Publikasiedatum: 2021-09-27
Klik om te vergroot
Klik om te vergroot

4

9781485904434

Fiksie: Romans

Fiksie  -  Romans
R 290
R 232Jy spaar R 58
DIE BOEK IS GETEKEN DEUR DIE SKRYWER

Met Louw Roodt se verdwyning ná 'n werkgeselligheid word Kristien Liebenberg se grootste vrees bewaarheid: Haar lewensmaat kom nie huis toe nie.
Was Louw in 'n ongeluk, het sy 'n affair, is sy ontvoer, aangerand, of erger, in die sandduine en bosse van die Kaapse Vlakte vir dood agtergelaat? Of het dit met hulle groot bekgeveg die oggend te doen?
Toe breek die nuus van 'n man wat in 'n Kaapse hotel vermoor is. Dieselfde hotel waar Louw was. Dieselfde aand as wat sy verdwyn het. Dieselfde man wat vroeër dié dag die gasspreker by haar werk was.
Het Louw iets met die moord te doen en vlug sy nou? Die polisie dink so. Of hou die verdwyning verband met haar ma wat een-en-twintig jaar gelede voor hulle huis in Tamboerskloof met motor en al gekaap is? 'n Voorval wat vir Louw 'n groot sielkundige knou gegee het.
Deur al die vrae en groeiende paniek, weet Kristien Louw is in die moeilikheid en sy moet haar red.
Publikasiedatum: 2021-09-16
Klik om te vergroot
Klik om te vergroot
9781485312925

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 220
R 176Jy spaar R 44
In 2001 verander Erika Murray-Theron se lewe onherroeplik toe haar man, Tom, met parkinsonsiekte gediagnoseer word.
Erika begin haar vertelling eers in 2011, toe Tom in 'n meer gevorderde stadium van die siekte verkeer. Dit is die rou optekening van saamleef met 'n geliefde met parkinsons: die ervaring om die fisieke en intellektuele aftakeling van jou lewensmaat te aanskou, die fisieke eise wat met die versorging van so iemand gepaard gaan, en die emosionele inspanning wat dit kos om jouself te staal teen dramatiese en stadige verlies.
Publikasiedatum: 2021-09-13
Klik om te vergroot
Klik om te vergroot
9781485312796

Fiksie: Romans

Fiksie  -  Romans
R 250
R 200Jy spaar R 50
Jaco Alant is sedert 2008 medeprofessor in Frans aan die Universiteit van KwaZulu-Natal. Hy was tussen 2013 en 2016 redakteur van die vaktydskrif French Studies in Southern Africa en is 'n voormalige president van die Vereniging van Franse Studies in Suid-Afrika (AFSSA). Sy gepubliseerde akademiese artikels is meestal op die gebied van (Franse) literêre teorie en hy is die skrywer van 'n boek oor Afrikaans wat in Frankryk gepubliseer is. Hy het ook al enkele meningstukke oor Afrikaans tot LitNet bygedra. Hy woon in Durban saam met sy vrou, Busisiwe, en sy dogter, Nomonde.
Publikasiedatum: 2021-09-13

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.