●●● GRATIS KOERIER AFLEWERING OP BESTELLINGS BO R450 ●●●

Nuwe vrystellings

Results 1 to 15 of 32
Gesorteer volgens:  Posisie
Klik om te vergroot
Klik om te vergroot
9781776380060

Fiksie: Romans

Fiksie  -  Romans
R 290
R 232Jy spaar R 58
Reeds as 'n dogtertjie in Kenia leer Hannli die pyn van verlies ken toe sy en haar gesin, ná die MauMau aanvalle, hulle plaas moet verlaat en Suid-Afrika toe verhuis. As student beleef sy 'n erge trauma waarvan net haar ouma Hannie, by wie sy haar sesde sintuig geërf het, weet. Toe kom Buks Vermaak, en ná jare se gesukkel, 'n dogtertjie, Nell. Maar 'n droomhuwelik met Buks was haar nie beskore nie en toe hy sterf, verkoop sy die huis in Pretoria en gaan woon in hulle strandhuis in Salt Rock. Sal haar ouma se belofte van 'n gelukkige lewe vir haar hier op Salt Rock waar word - of lê haar geluk verder noord in die Afrika-landskap van haar kindertyd?

Die verhaal handel oor ʼn vrou se wedervaringe wat oor haar hele lewe strek - 'n soort fiktiewe biografie. Geliefde karakters uit die skrywer se vorige boek (Waar onthou begin) verskyn in hierdie boek ook.
Publikasiedatum: 2022-08-03
Klik om te vergroot
Klik om te vergroot
9781485313731

Fiksie: Romans

Fiksie  -  Romans
R 320
R 256Jy spaar R 64
In Zeus van Wyngaardt en die skrikgodin word Zeus se buurman, Atif Dinali, se tienerdogter Tahina vermis. Zeus vermoed dat mensehandel en prostitusieringe iets met haar verdwyning te doen het. Sy ondersoek lei hom na die verleidelike Wildene du Bois, 'n courtisane wat eens op 'n tyd betrokke was by 'n mensehandelsindikaat. Zeus besef egter gou dat hierdie saak maar net een tentakel van 'n groter monster is.

Dit is die tweede boek in die Zeus van Wyngaardt-reeks. Die eerste boek, Zeus van Wyngaardt en die godin van die jag, word besonder goed ontvang:

Volgens Emile Joubert (Rapport, 24 Oktober 2021) kan mens die roman in een woord opsom en dit is “bef*k”: “Die ware Zeus was die opperste van alle Griekse gode, maar nie eens die uiterstes van sy bomenslike kragte sou die ontknoping van hierdie vernuftige plesierrit van 'n speurverhaal kon voorspel nie.” Hy wys verder daarop dat die “skryfstyl vernuftig” en die “plot behendig saamgestel” is.

Thys Human (Netwerk24, 15 November 2021) beskryf Agrella se debuut as “'n onderhoudende roman wat baie lesers verdien”: “Een van die verkwiklike aspekte van Agrella se roman is dat dit net so min in 'n netjiese boksie pas as die eiesoortige titelkarakter, Zeus (Zet) van Wyngaardt.” En: “Agrella […] kán skryf en weet hoe om met maksimum effek 'n fyn balans tussen humor en erns te handhaaf.”

Julio Agrella is in Springs gebore en het daar en in Brakpan grootgeword. Dit verklaar baie. Ná dekades in die (veral Engelse) korporatiewe wêreld tree hy op 50 af en lei 'n semi-kluisenaarslewe saam met sy vrou, honde en katte op 'n piepklein plasie by Dieprivier in die Outeniekwas.
Publikasiedatum: 2022-08-03
Klik om te vergroot
Klik om te vergroot
9781485314042

Nie-fiksie / Non-fiction: Politiek & Geskiedenis Suid Africa / History & Politics South Africa

Nie-fiksie / Non-fiction  -  Politiek & Geskiedenis Suid Africa / History & Politics South Africa
R 275
R 220Jy spaar R 55
Chris Schoeman neem nog Suid-Afrikaanse rampe oor die eeu heen opnuut onder die loep, maar sluit dié keer 'n heel paar minder bekende voorvalle in en party wat amper heeltemal vergete geraak het.
INHOUD:
Die Gouden Buys - 1693
Die pokke-epidemie - 1713
Die groot brand - 1869
Die Victoria-Wes-vloed - 1871
Die runderpes - 1896-1898
Die Malmesbury-tornado en Siod- en Oos-Kaapse oorstromings - 1905
Die Blaauwkrantzbrug-treinongeluk - 1911
Die Groot Depressie - 1929-1933
Die Groot Drroogte - 1933
Die De Havilland Comet-ramp - 1954
Die Henly-on-Klip-skoolbusramp - 1970
Die sokkerrampe van Orkney - 1991 en Ellispark - 2001
Die Merriespruit-ramp, Virginia - 1994
Publikasiedatum: 2022-08-03
Klik om te vergroot
Klik om te vergroot
9781485313465

Fiksie: Kortverhale

Fiksie  -  Kortverhale
R 220
R 176Jy spaar R 44
C. Johan Bakkes is die geliefde skrywer van aweregse reisjoernale. Twintig jaar ná die verskyning van C. Johan Bakkes se eerste boek, Moer toe die vreemde in, tref dit weer die rak - nie slegs as heruitgawe nie, die skrywer het bygereis en bygewerk. Dit is 'n terugblik sowel as nuwe ervarings/ gewaarwordings soos net Bakkes dit kan verhaal.
Publikasiedatum: 2022-08-02
Klik om te vergroot
Klik om te vergroot
9781776352517

Fiksie: Romans

Fiksie  -  Romans
R 250
R 200Jy spaar R 50
Liefde en dood loop hand aan hand deur die woestyn.

Ná haar egskeiding keer Alet Snyman terug na Karibib toe om die drade wat sy aan die begin van die jaar daar laat lê het, weer op te tel. Haar terugkoms val saam met die jaarlikse Vleisfees, maar toe sy eers daar is, is haar nuwe lewe alles behalwe 'n fees. Sy het 'n man se loopbaan verongeluk - 'n man vir wie sy omgee ook nog. Erika Schultz, die Herero-vrou wat haar aan die begin van die jaar onder haar vlerk geneem het, wil haar nie meer daar hê nie. En toe sy haar eerste konsert op Karibib bywoon, sterf die hoofkunstenaar in die middel van die vertoning.

Inspekteur Con Dorfling, bevelvoerder van Karibib polisie, het pas 'n dissiplinêre verhoor weens aanranding agter die rug. Hy word 'n proeftyd van ses maande opgelê, waarna sy pos geherevalueer sal word. Con is nog in Windhoek, sy vonnis nog nie koud nie, toe hy die nuus uit Karibib kry dat 'n bekende sanger uit Duitsland op sy dorp vermoor is. Ook dat Alet Snyman terug is en by was toe dit gebeur het. Hulle sê rampe gebeur in drieë en dit is die derde keer wat sy Karibib toe kom. Dus moet dit hom eintlik nie verbaas nie.

Want waar Alet gaan, volg moord en doodsake.
Publikasiedatum: 2022-08-01
Klik om te vergroot
Klik om te vergroot
9789000037599

Fiksie: Romanses

Fiksie  -  Romanses
R 380
R 304Jy spaar R 76
*Dit lê die Wêreld vol:
Moet die mag van liefde nooit onderskat nie. Sosiale vlinder en beïnvloeder, Demi-Leigh Henkel, is gewoond om aandag te trek. Min weet Demi-Leigh dat Paul haar lewe op sy kop gaan draai en haar hart in sy hande gaan hou. 'n Heerlike komiese liefdesverhaal uit die pen van die immer gewilde Dina Botha.

*Paradyseiland:
Liefde kom onverwags. Anabel Verhage is die enigste dogter van welgestelde ouers en het pas klaar studeer. Dokter Jerome D`Espeville is geskei en het ʼn vyfjarige dogtertjie. Maar sal Anabel sy verlede en kind aanvaar en 'n kans op geluk waag?

*Liewer as lief:
Kan liefde alle struikelblokke oorkom? Anika was maar al te bly toe Ivan, haar vriend, so vinnig vir hul albei werk gekry het by die magtige eiendomsmagnaat, EVS. Dinge het aanvanklik goed begin, totdat die ontwikkelaar, Hugo, Anika se voete onder haar uitslaan. Hoe sal die nuutgevonde liefde die stryd wen tussen al die misverstande, leuens en korrupsie? Die verhaal speel af in 'n korporatiewe omgewing en het witboordjiemisdaad en geskende vertroue tussen geliefdes as onderliggende temas.

*'n Hart wat pas:
Een soen kan jou lewe verander. Die liefde en warmte van die Steyn-gesin waarvan Sabella deel geword het toe haar broer met hulle dogter getroud is, is nie iets wat sy ken nie. Totdat hy vir Sabella Morkel soen. Skielik het hy 'n hart gekry wat by syne pas, maar is hy bereid om al sy planne te verander ter wille van liefde?
Publikasiedatum: 2022-08-02
Klik om te vergroot
Klik om te vergroot
9781776351473

Fiksie: Christelik

Fiksie  -  Christelik
R 280
R 224Jy spaar R 56
Dis die simboliek van die kosmosblom wat Ellie Brink laat besluit het sy wil in dié laan bly en haar kinders hier grootmaak: joy in love and life. Sy is nogal behep met blomme en kinders en toe sy dié beskrywing van die kosmosblom lees, het sy geweet dis háár laan. Die vroue van Kosmoslaan vertel die stories van vyf uiteenlopende vroue. Ellie skryf kinderboeke en wens sy kan swanger raak en haar stories vir haar eie kind vertel. Ida Scholtz se man en seun is saam in 'n motorongeluk dood en nou bly Claire, haar skoondogter by haar. Marella is 'n prokureur en lewe streng volgens voorafuitgewerkte lysies. Julia en haar seun, Rudi, bly ook in die laan en Julia is bly dat sy destyds die huis in haar naam gesit het want haar man het saam met sy sekretaresse weggeloop en nou het sy en Rudi darem 'n dak oor hul koppe. Alma en Jurie bly langs Ellie en wanneer Alma se dogter verdwyn begin almal in die laan na haar soek. Die vroue deel hul pyn en vreugde met mekaar wanneer hulle eenkeer 'n maand bymekaar kom om te brei. Dit was Marella se idee om die groep te begin al was dit nie die intensie om so gereeld bymekaar te kom nie. Die breigroep word die vroue se toevlug en die kosmosblom word 'n teken van tweede kanse, hoop, drome en geluk. Die boeiende verhaal is elke vrou se verhaal. Die vroue van Kosmoslaan ervaar God se genade en sy belofte om te voorsien wanneer hulle dit die nodigste het. Dit is geskryf deur top-skrywer en ATKV Woordveertjiewenner, Elsa Winckler. Die vroue van Kosmoslaan het voorheen onder dieselfde titel in 2016 verskyn.
Publikasiedatum: 2022-08-01
Klik om te vergroot
Klik om te vergroot
9780639714011

Fiksie: Romans

Fiksie  -  Romans
R 350
R 280Jy spaar R 70
Die Omegakomplot, René van Zyl se tweede samesweringsroman, is ʼn spannende verhaal, belaai met flink aksietonele, intense intriges en onverwagte verrassings.
ʼn Hedendaagse redder staan op en wil met sy nuwe Babilon wêreldorde die aarde van selfvernietiging red. Hierdie plan klink wel edel, maar Kayla Cohen, hoofdirekteur van ʼn Christenorganisasie, vermoed dat dié verlosser ʼn mensgemaakte apokalips beplan. Saam met haar eggenoot, Josh Young, ʼn oudsoldaat, volg sy die bloedspoor van die waansinnige nuwe leier van Kaapstad na Dubai en Kaïro. Nie net veg sy vir die behoud van haar gesin en haar geloof nie, maar ook teen die demone uit haar traumatiese verlede. Beide Kayla en Josh is bereid om hulself te offer om die Orde te stuit - om menselewens te spaar, maar ook die lewe van hul enigste seun.
Publikasiedatum: 2022-07-22
Klik om te vergroot
Klik om te vergroot
9781485313373

Fiksie: Rubrieke

Fiksie  -  Rubrieke
R 275
R 275Jy spaar R 0
Om hierdie skryfsels te lees is soos die oomblik wanneer jy 'n 3D-bril opsit of 'n towersampioen eet: Alles lyk opeens anders, die wêreld is op sy kop gedraai, oral knetter moontlikhede.
Dreyer het die vermoë om op hierdie manier te sien en om die leser só te laat sien.
Dis 'n wonderbaarlike mengelmoes van alledaagse sowel as fantasmagoriese objekte soos 'n vingerhoed, 'n verdwaalde los skroefie, 'n geel badeendjie op die vloer van 'n afdelingwinkel, die bloop, Napoleon en sy jaggeselskap wat op die vlug slaan voor 'n spul mak hase, die klankeffekte in Star Wars, 'n intakte beesoog in die pad, meerminne, 'n mimeerkunstenaar, Noorderligte, monsters, vampiere, salmanders en ander.
Die skrywer, wat ook digter is, mors nie met woorde nie en sy gedagtes is elegant.
Publikasiedatum: 2022-07-26
Klik om te vergroot
Klik om te vergroot
9781776379255

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 350
R 280Jy spaar R 70
Die wurgmomente van Antonius van donderbos van bloudraad van Zyl.
Vernuwende Teoloog, Spreker, Ingenieur, Sakeman
(B.Th./ M.Div./ MA:Antieke Tale/ MA. Gesinsterapie/
MA. Missiologie. /B.Ing.)

Die seisoene van die lewe het in ʼn doolhof uitgeloop. Aanvanklik het Anton gedink dit is ʼn labirint. Hy het keer op keer hom in die doodloopstraat bevind. Vir jare het sy karakter wegkruipertjie gespeel met sy siel. Met geluk en goue lepels het hy altyd bo-op die perd se rug gebly. Sy vriende het hom saamgesleep deur die tuimeltrein van avontuur en grootword.
Met deursettingsvermoë en drome soos feëverhale het hy dit reggekry om tot bo op die eerste golwe te kom. Sy eerste gevegte was met die reuse van die korporatiewe wêreld. Maar die rotteresies en dekadensie van die sakewêreld sou hy moes trotseer, voordat hy in sak en as sy heil moes loop soek in die dieptes van sy binnekringe.
Sou sy antwoorde kom van bonatuurlike magte of sou sy depressie en afwesigheid van visie en gedagte hom sleep tot in die duisternis van verdoemenis? Wat was die kanse op tweede en derde geleenthede? Hoe sou hy sy waarde weer terugvind van die ashope van drenkelinge en verslaafdes?
Hierdie verhaal loop deur die stofgetrapte grondpaaie van Namakwaland tot in die hoogste verdiepings van die Hancock gebou in Chicago. Van klein saadjies wat in dorre lande geplant word en groot bome word wat skaduwee maak vir moeë siele wat rus soek. Dit vertel van begeertes en drome wat doodloop in werklikhede. Van liefde en verwerping. Van teleurstelling en verwyte. Van menswees en grootword. Van geloof en hoop.
Publikasiedatum: 2022-07-22
Klik om te vergroot
Klik om te vergroot
9781776352272

Fiksie: Romanses

Fiksie  -  Romanses
R 95
R 86Jy spaar R 9
Moet die mag van liefde nooit onderskat nie
Sosiale vlinder en beïnvloeder, Demi-Leigh Henkel, is gewoond om aandag te trek. Toe 'n uiters aantreklike vreemdeling op 'n vlug nie eens in haar rigting kyk nie, vererg sy haar vir hom. Sy neem 'n selfie van haar en die slapende man en plaas dit op haar sosiale platform met 'n katterige aanmerking daarby. Dokter Paul Krynauw spoor haar op en noem haar 'n sosiale verpesting wat mense se lewens verwoes. Sy besluit om twee weke by sy kliniek deur te bring met die idee om nie net die befoeterde dokter se persoonlike lewe te verander nie, maar ook sy persoonlikheid. Min weet Demi-Leigh dat Paul haar lewe op sy kop gaan draai en haar hart in sy hande gaan hou.
'n Heerlike komiese liefdesverhaal uit die pen van die immer gewilde Dina Botha.
Publikasiedatum: 2022-08-01
Klik om te vergroot
Klik om te vergroot
9781776352579

Fiksie: Romanses

Fiksie  -  Romanses
R 95
R 86Jy spaar R 9
Kan liefde alle struikelblokke oorkom?
Anika was maar al te bly toe Ivan, haar vriend, so vinnig vir hul albei werk gekry het by die magtige eiendomsmagnaat, EVS. Dinge het aanvanklik goed begin, totdat die ontwikkelaar, Hugo, Anika se voete onder haar uitslaan. Anika sukkel om ʼn balans te vind tussen haar nuwe werk en haar gevoelens vir Hugo. Wat sy nie besef nie, is dat daar veel meer in die familiebesigheid skuil. Hugo is nie wie hy sê hy is nie, en Ivan is nie die vriend wat sy gedink het sy ken nie. Boonop is daar ʼn ondersoek na bedrog geloods en Anika is die hoofverdagte. Hoe sal die nuutgevonde liefde die stryd wen tussen al die misverstande, leuens en korrupsie?
Die verhaal speel af in 'n korporatiewe omgewing en het witboordjiemisdaad en geskende vertroue tussen geliefdes as onderliggende temas.
Publikasiedatum: 2022-08-01
Klik om te vergroot
Klik om te vergroot
9781776352456

Fiksie: Romanses

Fiksie  -  Romanses
R 95
R 86Jy spaar R 9
Liefde kom onverwags
Anabel Verhage is die enigste dogter van welgestelde ouers en het pas klaar studeer. Sy gaan kuier by haar tante Jinni op die Seychelle terwyl sy werk soek op die internet, min wetende dat sy meer as net werk op die eiland gaan ontdek. Dokter Jerome D`Espeville is geskei en het ʼn vyfjarige dogtertjie. Hy woon saam met sy geliefde stiefma, Jinni, in ʼn groot plantasiehuis op die eiland. Hy is nie haastig om weer te trou nie, al het sy teatersuster haar oog op hom. Anabel se teenwoordigheid in die huis kom krap Jerome se kop heeltemal deurmekaar. Saam met haar ontdek hy weer die ligter sy van die lewe en begin hy weer in liefde hoop. Maar sal Anabel sy verlede en kind aanvaar en 'n kans op geluk waag?
Publikasiedatum: 2022-08-01
Klik om te vergroot
Klik om te vergroot
9781776352296

Fiksie: Romanses

Fiksie  -  Romanses
R 95
R 86Jy spaar R 9
Een soen kan jou lewe verander
Die liefde en warmte van die Steyn-gesin waarvan Sabella deel geword het toe haar broer met hulle dogter getroud is, is nie iets wat sy ken nie. Sy het hoë mure om haar hart en baie slotte aan haar voordeur om seker te maak sy is veilig en kry nie weer seer nie. Alles verloop seepglad totdat Hardus Steyn, 'n hartebreker en wingerdboer, haar soen. Hardus is 'n man wat dinge wil doen, probleme oplos en sy geliefdes beskerm en help. Trou en kinders kry was egter nog nooit deel van sy toekomsplanne nie. Totdat hy vir Sabella Morkel soen. Skielik het hy 'n hart gekry wat by syne pas, maar is hy bereid om al sy planne te verander ter wille van liefde?
Publikasiedatum: 2022-08-01
Klik om te vergroot
Klik om te vergroot
9781432311483

Nie-fiksie / Non-fiction: Stokperdjies, Handwerk, Kunstegnieke / Crafts, Hobbies, Art Techniques

Nie-fiksie / Non-fiction  -  Stokperdjies, Handwerk, Kunstegnieke / Crafts, Hobbies, Art Techniques
R 240
R 192Jy spaar R 48
20 HEKELTEGNIEKE met kreatiewe projekte en moderne patrone bevat verskillende tegnieke en idees waarvoor hekelwerk gebruik kan word. Elke tegniek word vergesel deur een of meer patrone om die spesifieke tegniek op 'n moderne manier uit te beeld. Die skrywer verskaf basiese hekeltegnieke vir die beginner, asook meer gevorderde tegnieke vir diegene wat reeds ervare met hekelwerk is. Hekeltegnieke en patrone word volledig verduidelik met stappe, diagramme en foto's; benodighede en nuttige wenke word ook verskaf. 20 HEKELTEGNIEKE is geskryf om jou kreatiwiteit vrye teuels te gee.
INHOUD
Inleiding, Vingerhekel, Loodglashekel, Tunisiese hekel, Tapisseriehekel, Haarnaaldhekel, Filethekel,Tunisiese entrelac-hekel, Touhekel, Hoek-tot-hoek-hekel, Kronkelhekel, T-hemphekel, Hekelhaak,Tartanhekel, Bavariese hekel, Besemstokhekel, Draadhekel, Mosaïekhekel, Intarsiahekel,Amigurumi, Hekel met krale
Publikasiedatum: 2022-07-21

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.