Afslag slegs op aanlynbestellings

Die Groot Ontbyt Boeke

Results 1 to 15 of 16
Gesorteer volgens:  Datum van uitsending
Klik om te vergroot
Klik om te vergroot
9780796321756

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 200
R 160Jy spaar R 40
Elise se eens briljante man begin vreemd optree. Die bevinding: Alzheimer se siekte. Hy vra haar, in 'n oomblik van helderheid, om by hom te bly tot aan die einde. En Elise doen dit, met toewyding en met liefde. Hierdie ware verhaal is vol deernis: vir Elise se man, vir elkeen met alzheimersiekte, en vir dié wat hulle liefhet. Sy gee ook praktiese raad aan versorgers en stippel die tekens uit waarna 'n mens moet oplet.
Publikasiedatum: 2019-03-06
Klik om te vergroot
Klik om te vergroot
9780799393583

Fiksie: Romanses

Fiksie  -  Romanses
R 160
R 128Jy spaar R 32
Vars, snaaks, speels - liefdesverhale vir alle generasies. Agt (8) lekkerlees-verhale wat Ma, Ouma, Tannie en Dogter kan deel - sonder om te bloos!
Hierdie omnibus is 'n samestelling van agt RomanzaLiefde-novelles: Soos hout en konfetti, Net in stories, Gelukkige nommer 13, Kersie bo-op, Net drie woorde, Kakie, stewels en liefde, Net ons twee en Om haar pinkie.
Soos hout en konfetti - Jacolet van den Berg
Max is banger vir vroue en trou as die duiwel vir 'n slypsteen. Maar sy hart werk oortyd as hy Sandra Sinclair sien. Sy maak hom ongemaklik, want hy weet: Sy mag dalk net sy ondergang beteken.
Net in stories - Rika Cloete
Altyd die strooimeisie, nooit die bruid nie. Di­t is Maddie Schoeman. Totdat sy een keer opkyk in 'n strooijonker, Wynand Raath, se mooi oë. Skielik is liefde nie net vir storieboeke bedoel nie, maar ook vir haar.
Gelukkige nommer 13 - Corné La Camera (debuutskrywer)
Hoeveel mislukte afsprake neem dit voor jy meneer perfek ontmoet? Na twaalf wou Renate 'n ferm streep trek, want die opsies van 'n spiertier tot 'n IT-nerd is maar yl. Maar dalk is dertien haar gelukkige nommer?
Kersie bo-op - Bernette Bergenthuin
Marcelle se lieflingtante skryf haar in om deel te neem aan die werklikheidsprogram Baas-van-die-plaas. Eers is sy woedend, maar nadat sy Basjan Rademan ontmoet het, moet sy erken dat haar tante dalk van beter weet.
Net drie woorde - Nadia de Bruin (debuutskrywer)
Janne wen rugbykaartjies oor die radio en gaan later die aand van die Springbokspelers in hul losie ontmoet. Haar hart maak wilde draaie toe Arend, een van haar ou skoolvriende onder die groep rugbyspelers is.
Kakie, stewels en liefde - Lizelle von Wielligh (debuutskrywer, het later 'n Romanza gepubliseer)
Craig hou nie van mooi vroue nie, Lauren vertrou nie mans wat van mooi vroue hou nie. Hulle behoort pasmaats te wees, maar onwelkome gevoelens hou hulle uitmekaar. Sal hulle ooit besef dis liefdesvonke, nie irritasie nie?
Net ons twee - Petronel Louw
Een kopverlooroomblik en Rozelle en Francois se verhouding verander vir ewig. Skielik is hy nie meer haar broer se beste vriend en haar 'ander ouboet' nie, maar die man wat die vlinders in haar maag energie gee om amok te maak.
Om haar pinkie - Didi Potgieter
Willem loop draaie om Melissa nadat hulle 'n soen gedeel het, want hy kan homself nie rondom haar vertrou nie. Wat is dit aan dié pragtige brunet wat so met hom toor? Waarom kan sy hom moeiteloos om haar pinkie draai?

Strooisuikerliefde is deel van die uitbreiding van die Romanza-handelsmerk. Die novelles het as e-boeke onder die RomanzaLiefde-vaandel verskyn en was nie voorheen gedruk nie.
Publikasiedatum: 2019-02-26
Klik om te vergroot
Klik om te vergroot
9781920679897

Kinders: Versamelbundels

Kinders  -  Versamelbundels
R 90
R 72Jy spaar R 18
Ontmoet beminlike hondjies in hierdie spelerige 5 minute verhale.
Help vir Polly en Ben om te leer hoe om saam te werk, vind die ontsnapte skape samm met Sakkie die Skaaphond, maak nuwe vriende met Dolly en vele meer.
Met 5 opwindende stories sal hierdie versameling keer op keer geniet word.
Publikasiedatum: 2019-02-19
Klik om te vergroot
Klik om te vergroot
9781920679910

Kinders: Versamelbundels

Kinders  -  Versamelbundels
R 90
R 72Jy spaar R 18
Sluit aan by 'n klomp beminlike ponies in hierdie fantastiese 5 minute verhale.
Daar is 'n vulletjie desperaat opsoek na avontuur, 'n dapper held wat die situasie red, 'n ponie wat skrikkerig is vir alles en soveel meer.
Met genotvolle stories en bekoorlike illustrasies is hierdie boekie die perfekte versameling vir storietyd.
Publikasiedatum: 2019-02-19
Klik om te vergroot
Klik om te vergroot
9781920679934

Kinders: Versamelbundels

Kinders  -  Versamelbundels
R 90
R 72Jy spaar R 18
Maak storietyd toweragtig met hierdie versameling van 5 minute stories.
Ontmoet Bella en haar oulike baba-drakie, vlieg saam met Madeliefie tydens haar eerste vliegles, ontmoet 'n ondeunde eenhoring en nog vele meer.
Elke bladsy is besprinkel met verwondering en towerkuns.
Publikasiedatum: 2019-02-19
Klik om te vergroot
Klik om te vergroot
9781920679903

Kinders: Versamelbundels

Kinders  -  Versamelbundels
R 90
R 72Jy spaar R 18
Deel in die wonderlike pret met hierdie perfekte skatkis van 5 minute katjie-stories.
Ontmoet Poeksie met al haar poetse, vind uit waar die skat begrawe is saam met Charlie en sluit aan by Bennie wat sy vrese moet oorkom en vele meer.
Met 5 bekoorlike stories en hope oulike katjies om te ontmoet sal klein kindertjies mal wees oor hierdie fantastiese boek.
Publikasiedatum: 2019-02-19
Klik om te vergroot
Klik om te vergroot
9781920679880

Kinders: Versamelbundels

Kinders  -  Versamelbundels
R 90
R 72Jy spaar R 18
Geniet hope pret met hierdie versameling van 5 minute hasie-stories.
Sluit aan by Biffer en Bonny op hul hasie-avontuur, ontdek wat gebeur as 'n jakkals wat hasies jaag 'n groot verrassing kry, los die raaisel oor die verdynende wortels op en vele meer.
Sorg vir 'n gelag en glimlaggies tydens storietyd met die blaai van elke bladsy.
Publikasiedatum: 2019-02-19
Klik om te vergroot
Klik om te vergroot
9781920679927

Kinders: Versamelbundels

Kinders  -  Versamelbundels
R 90
R 72Jy spaar R 18
Ontmoet al die dapper ridders wat die kasteel verdedig in hierdie fantastiese 5 minute stories.
Daar is ergernis by die toernooi, 'n reusramp, 'n verjaarsdagverrassing en vele meer in hierdie versameling van 5 verhale.
Met onvergeetlike ridders asook 'n eienaardige towenaar, waaghalsige drake en meer kan jy nie uitmis op die Middeleeuse pret nie.
Publikasiedatum: 2019-02-19
Klik om te vergroot
Klik om te vergroot
9780799393682

Fiksie: Romans

Fiksie  -  Romans
R 285
R 228Jy spaar R 57
'n Deerniswekkende verhaal van twee vroue wat elkeen op hul eie manier weer hul voete vind.
Wanneer Bea Klinge as jong boervrou op Leliepan aan die soom van die Namib aankom, glo sy dat sy hier vir haar, Kurt en hul kinders 'n oase van liefde sal kan skep. Ná 'n skokontdekking meer as vier dekades later kry Bea 'n miniberoerte en beland in 'n koma in die hospitaal.
Haar herstel bring Bea voor nuwe keuses te staan. Sy besef sy het haar vier dogters elkeen op 'n manier gefaal deur by Kurt te staan al het hy hulle hoe verontreg. Moet sy oop kaarte met hulle speel oor die donker geheim wat haar vasgevang gehou het in 'n liefdelose huwelik met 'n man wat haar soos 'n onderdaan behandel? Bowenal moet Bea besluit of sy die kans op geluk waarop sy destyds haar rug gekeer het gaan aangryp en vir een keer in haar lewe gaan doen wat reg is vir haar en nie vir ander nie.
Nel, haar rebelse laatlam, gaan soek haar heil in Johannesburg. Hier word sy as sukkelende aktrise met die donker kant van die vermaaklikheidsbedryf gekonfronteer. Sy raak betrokke in 'n toksiese verhouding met 'n invloedryke filmvervaardiger Buks Bothma en word die slagoffer van date-rape. Nel ontdek ook die skokkende waarheid omtrent haar herkoms.
Lex le Roux, 'n medeakteur en donkieboer bied haar 'n kontrak aan om die gesig te wees van sy velsorgprodukte wat uit donkiemelk vervaardig word. Nel gryp die geleentheid met albei hande aan. Ná die trauma waardeur Nel is, het sy tyd nodig om heel te word. Sy besluit om haar droom na te volg en 'n dramakursus in New York te gaan volg. Mettertyd ervaar sy die vreugde om haar pad boontoe te werk en nie te slaap nie. Sy kry dit reg om aan haarself te bewys dat Nel Klinge sonder hulp sukses kan behaal. Nel besef ook dat haar genesingsproses voltooi is en dat sy reg is vir meer as 'n vriendskapsverhouding met Lex.
Publikasiedatum: 2019-02-26
Klik om te vergroot
Klik om te vergroot
9780799393217

Fiksie: Rubrieke

Fiksie  -  Rubrieke
R 255
R 204Jy spaar R 51
Fabels en fantasieë deur Murray La Vita
Ek wou so graag hê een van daardie fone moet lui en die man moet (sonder om verbaas te lyk) omdraai en dit optel. Dan moet hy glimlag en in 'n stem wat al dekades lank aan miljoene mense bekend is, sê: “Hello, Elvis here.”
Boodskapper van die gode is ʼn keur uit die veelbekroonde joernalis Murray La Vita se rubrieke, sketse en essays. Sy aangetrokkenheid tot dit wat ongewoon en aweregs is, vind in talle van die 104 stukke in hierdie bundel neerslag. Ervarings uit sy kinderdae en jeug word afgewissel met belewenisse tydens reise na stede soos New York, Parys, Rome en Amsterdam. Hy skryf oor waarom hy nie die Anne Frank-huis kon besoek nie, vergrype op eilande, hoe hy en sy nefie as vyfjariges oorlog ontdek het, eerste liefde op sy hartsplek Hangklip, en hoe sy geliefde vriendin in ʼn heks verander het. Hoewel die leser melancholie, weerloosheid en selfs gebrokenheid in hierdie stories sal aantref, is daar ook heerlike humor en absurditeite.

Murray La Vita is ʼn bekroonde Afrikaanse profiel- en rubriekskrywer. Boodskapper van die gode bestaan uit sketse wat as rubrieke in hoofsaaklik Die Burger verskyn het. Hy skryf dikwels oor op die oog af klein gebeurtenisse en dinge, maar dit word dan ontgin op ʼn wyse wat die leser meermale onrustig of melancholies stem.
Antjie Krog het sy werk as volg beskryf: 'Niemand kan soos Murray La Vita met feitlik geen besonderhede subtiliteite aandui nie (ek dink hy is 'n stilistiese sjamaan en ons behoort almal by hom te leer).'
Publikasiedatum: 2019-02-26
Klik om te vergroot
Klik om te vergroot
9780799393651

Fiksie: Romans

Fiksie  -  Romans
R 295
R 236Jy spaar R 59
In die somer van 1838 vertrek die Voortrekkerleier Piet Retief en sowat 100 man na die Zoeloekoning Dingaan om oor grond vir die trekkers te onderhandel. In die laer by Doornkop wag sy vrou Magdalena op hulle terugkeer. Die afloop van hierdie sending na Dingaan is wyd opgeteken as die Slag van Bloedrivier.
Byna 180 jaar later is Hanna op soek na wat ook al Magdalena nagelaat het. Vroeg in hierdie soektog loop Hanna haar vas in 'n plaasmoord waarvoor sy nie antwoorde het nie. Bitter min is bekend oor Magdalena en haar lewe ná 1838, buiten haar brief in 1841 aan haar skoonfamilie. In Pietermaritzburg staan haar huisie vandag nog, nou 'n klerewinkel. Kort voor haar dood in 1854 besoek 'n handelaar haar in Potchefstroom en staan in sy boek 'n paragraaf aan haar af.
Al wat ons het, is vandag en elke mens vertel 'n storie anders. Van ver af is niks soos dit vir ons lyk nie.
“Bloedlelie is 'n merkwaardige en belangrike roman uit die pen van 'n vaardige, gesoute skrywer. Verskriklike en weersinwekkende gebeure sowel as hedendaagse politieke kompleksiteite en strydpunte word met 'n seker hand uitgebeeld. Tegelykertyd is hierdie roman die verhaal van Magdalena Retief, die grootliks onbesonge vrou van Pieter Mauritz Retief.” - Helene de Kock
Publikasiedatum: 2019-02-26
Klik om te vergroot
Klik om te vergroot
9781868427604

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 260
R 208Jy spaar R 52
Deon Maas, television producer and author of fiendishly funny Witboy in Africa, joined the boatloads of migrants heading for Germany when opportunity struck. Faced with the choice to take all his life belongings along or sell it all, he opted for the latter. With a duffel bag and his four dogs, he left for the First World. Vibrant, decadent Berlin blew his mind but also left him at a loss for words. While trying to find his feet, he has to deal with obnoxious bureaucrats, nosy neighbours who are weary of foreigners and a construction worker who insists he speaks German. He marvels at German idiosyncrasies and is roped into his new world by vegan anarchists, football hooligans and graffiti artists.
Publikasiedatum: 2019-02-22
Klik om te vergroot
Klik om te vergroot
9781868427581

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 260
R 208Jy spaar R 52
Toe sy vrou werk kry in Duitsland, besluit Deon Maas in ‟n oogwink om Berlyn toe te trek. In hierdie intellektueel stimulerende, dekadente stad voel hy hom op sekere maniere dadelik tuis - op ander nie. In die reis wat alle immigrante meemaak, ontdek hy meer oor homself en sy wortels terwyl hy sy voete in sy nuwe omgewing vind. Hy verwonder hom aan tipies Duitse gewoontes soos dat alle oorsese televisieprogramme (swak) oorgeklank word en dat die Duitsers hul sin vir ordelikheid op alles en almal afdwing. Op sy avonture ontmoet hy veganistiese anargiste, sokkerboewe, ‟n lid van ‟n satiriese Duitse politieke party en neem hy selfs aan ‟n protesoptog deel. Maas ontdek dat alles nie perfek werk in die Eerste Wêreld nie.
Publikasiedatum: 2019-02-20
Klik om te vergroot
Klik om te vergroot
9780799392425

Kinders: Ouderdomsgroep 10 - 12

Illustreerder: Chris Venter
Kinders  -  Ouderdomsgroep 10 - 12
R 185
R 148Jy spaar R 37
Is jy braaf genoeg om die kas oop te maak?
Denver se kas is 'n geheime ingang na 'n kasteel vol monsters - en hope avontuur! Maak die kasdeure wawyd oop met hierdie 6-in-1 omnibus van al die gewilde Kas vol monsters-boeke!
Die Groen Hand
Daar is iets vreemds aan die nuwe huis ... In die middel van die nag hoor Denver iemand aan sy kasdeur klop. Toe hy ondersoek instel, ontdek hy iets wat sy hare laat regop staan! Maar gaan enige iemand hom glo as hy vertel wat hy gesien het?
Vampierfoto's
Die kas in Denver se kamer is die geheime ingang na 'n kasteel vol monsters. Denver en Meyer kan nie wag om weer die monsters te sien nie. Hierdie keer het een van die monsters hulp nodig. Maar om foto's van 'n vampier te neem ... kan 'n pyn in die nek wees!
Hollywood-mummie
Dit is glad nie so maklik om 'n Hollywood-ster te word nie - veral nie as jy 'n mummie is nie. Sal Denver en Meyer vir Toets kan help om 'n rol in 'n fliek los te slaan?
Weerwolfprobleme
Denver en Meyer het al hope pret saam met die monsters gehad. Maar daar is iets fout in die monsterkasteel. Flaffie die weerwolf is in 'n BAIE slegte bui. En as 'n weerwolf vies is, moet jy liewer nie met hom sukkel nie ...
Die perfekte monster
Een van die monsters in die kas het Denver en Meyer se hulp nodig. Frank is eensaam. Daarom besluit hy dis tyd om 'n meisie te kry. Maar om die perfekte meisie vir 'n groot groen monster te kry, is glad nie so maklik nie!
Kinderspeletjies
Al die monsters is op pad na 'n musiekkonsert. Denver en Meyer bied aan om 'n aand lank baba-oppassers vir 'n oulike monsterbaba te wees. Hulle moet met hom speel, hom kosgee en hom in die bed sit. Hoe moeilik kan dit nou eintlik wees ...?
Publikasiedatum: 2019-02-19
Klik om te vergroot
Klik om te vergroot

2

9780799392401

Kinders: Ouderdomsgroep 6 - 9

Kinders  -  Ouderdomsgroep 6 - 9
R 200
R 160Jy spaar R 40
Vyf fantastiese Jaco Jacobs-boeke in een omnibus!
Vir die eerste keer word vyf van Jaco Jacobs se gewilde kinderverhale saam in een waarde-vir-geld omnibus aangebied! Geniet hierdie fantastiese verhale oor onbeskofte feetjies, 'n geheimsinnige meermin, 'n superheld-boetie, 'n baie stink poets en 'n klomp raserige dinosourusse!
Pasop vir die feetjies
Is daar regtig iets soos feetjies? Natuurlik nie! Wie glo nou in piepklein meisietjies wat kamma kan vlieg en heeldag blomme verf? Beslis nie die ondeunde tweeling Dieter en Pieter nie. Maar Lienke en Nonkwe glo in feetjies. Hulle glo daar bly feetjies in 'n ou boomstam in die biblioteek se tuin. Daarom besluit Dieter en Pieter om die meisies 'n poets te bak. Hulle maak superstink Feetjie-Vlug-Formule en gooi dit in die ou boomstam!
Kort voor lank kry die tweeling 'n nare verrassing - twee omgekrapte, ongemanierde besoekers ... 'n Prettige skaterlagstorie met 'n belangrike les - moenie met 'n feetjie skoorsoek nie!
Borrels
Ontmoet vir Borrels! Sy is die nuwe meisie in Christo en Nelson se klas. Dit is nie net haar naam wat vreemd is nie ... Borrels dra skulpe in haar hare. Sy bring haar goudvis saam skool toe. En sy het 'n GROOT geheim ... Ontdek hoeveel pret dit kan wees as die nuwe meisie in jou klas 'n meermin is! 'n Verbeeldingryke storie met 'n bewaringstema, ideaal vir beginnerlesers.
Superboetie
Ryno Rademan is moeg daarvoor om die oudste broer van 'n superheld te wees. Ja, jy het reg gelees. Sy bababoetie is 'n superheld. Die nag toe hy gebore is, het 'n meteoriet die dorp getref. Dit het hom spesiale kragte gegee. Hy red mense uit brandende geboue en roei misdaad uit - al maak hy nog gereeld sy doeke vuil. Maar op 'n dag besluit Ryno se ma om sy bababoetie vir 'n kompetisie in te skryf ... en hulle kom van aangesig tot aangesig met 'n baba-skurk! Kan Ryno sy boetie uit die kloue van die boosaardige baba red - voor dit te laat is?
Koebaai Gorilla
WAARSKUWING! Hierdie storie STINK! Hein beland gedurig in die moeilikheid omdat sy beste pel, Morné, hom uitdaag om simpel goed aan te vang. Simpel goed soos om 'n asblik op sy kop skool toe te dra. Hein neem hom voor dat hy klaar is met hierdie soort grappies. Maar teen sy sin aanvaar Hein wéér sy Morné se nuutste uitdaging ... Hy moet 'n hele week lank oorleef sonder 'n tandeborsel. Of vlos. Of pepermente. Of van daardie aaklige groen gorrelgoed. Hoe moeilik kan dit nou eintlik wees? Maar kort voor lank ruk dinge hand-uit ... 'n Stink storie wat jou sal laat skaterlag ... terwyl jy jou neus toeknyp!
Die probleem met dinosourusse
As jou vriende 'n klomp REUSE, RASERIGE dinosourusse is, kan dinge nogal moeilik raak. Veral as hulle boonop saam skool toe gaan. Maar die probleem met dinosourusse … is dat jy nooit lank vir hulle kwaad kan bly nie!
Publikasiedatum: 2019-02-19

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.