AFSLAG SLEGS OP AANLYNBESTELLINGS ●●● GRATIS Pargo aflewering op bestellings bo R350

Die Groot Ontbyt Boeke

Results 1 to 15 of 19
Gesorteer volgens:  Datum van uitsending
Klik om te vergroot
Klik om te vergroot
9780796321428

Fiksie: Christelik

Fiksie  -  Christelik
R 200
R 160Jy spaar R 40
Soos papierblomme in die wind, so het haar lewe verwaai. Sal sy dit regkry om die flentertjies weer op te tel? Daar is net een uitweg…

Janine was sewe jaar oud toe haar ouers dood is en sy die deur tussen haar en Jesus toegemaak het. Net sy het dit geweet, want sy was 'n soet kind, oupa Koen en ouma Leen se trots.

Die seer in haar was haar eie en sy wou nie bejammer word nie, sy het haar skoolwerk gedoen en presteer, maats gekies wat haar grootouers goedgekeur het, maar wat saam met haar langs die rand van die afgrond geloop het.

Sy wou groot wees en wegkom van die klein dorpie waar almal mekaar geken het en baie van die oumense, ook die wat sy bewonder het, met hul eie mislukkings geworstel het.

Haar kans het gekom toe Greg Walker die Engelsklas by mister Barlow-Jones oorneem. Met drome in haar oë en haar bruidsruiker in haar hande is sy Londen toe waar sy groter hartseer leer ken, maar ook die grootste ontdekking van haar lewe gemaak het.
Publikasiedatum: 2019-08-27
Klik om te vergroot
Klik om te vergroot
9780799397246

Fiksie: Romans

Fiksie  -  Romans
R 295
R 236Jy spaar R 59
Hoe gemaak as jy vastrapplek moet kry tussen die Hemel en die Hel? Kliek. En jou lewe verander. Onomkeerbaar.

So sal Markus Meyer en Regardt Muller, twee avontuurlustige vriende wat ná matriek by die Britse Weermag aansluit en as lede van die gerespekteerde 3 Valskermregiment in Afghanistan diens doen, weldra leer.

Dit is egter eers wanneer stilte oor die slagveld neersif en die gevolge van konflik beredder moet word, dat die wáre vegters na vore sal tree. En daardie slagveld is nie noodwendig in ʼn oorlogsgeteisterde gebied waar die droë hitte iets lewendigs is nie; soms lê dit ook tussen kamerade, gesinslede en verál midde-in die liefde.

Want selfs ʼn soen is by tye ʼn landmyn wat afgetrap word ...

Vegters is die merkwaardige verhaal van uitdaging, lojaliteit en deursettingsvermoë. ʼn Verhaal wat die leser deur drie valleie sal neem: van die Gamtoosvallei in die Oos-Kaap na die Sanginvallei langs die Helmandrivier in Afghanistan, tot die Vallei van ʼn Duisend Heuwels in KwaZulu-Natal waar die wêreldbekende Dusi-kanomarathon die twee vriende tot die uiterste sal beproef. Wees gereed om oorbluf te word.

Hierdie boek is nie `n Sondagmiddagpiekniek nie - dis `n ontsnappingsroete deur `n slagplaas.

Vegters moet nie verwar word met 'n hedendaagse oorlogboek nie. Die kontraste tussen die drie wêrelde in die teks is hemelsbreed.

Die leser word gelawe met die idiliese Gamtoosvallei, net om weer om sy gemaksone geruk te word na die hel van 'n oorloggeteisterde Afghanistan. Nog min het twee werelde so baie verskil waar die skrywer dit regkry om beide te versoen. 'n Nuwe blik word gegee oor die oorlog in Afganistan, uit die oogpunt van twee Afrikaanse soldate in die Britse leer.

Dis 'n verhaal van hoop en versoening. Dis mooi. Dis bitter. Dis `n emosionele wipplankrit. Daar is oomblikke van teerheid,maar voor jy te gemaklik raak, word jy aan die bek geruk deur die twee hoofkarakters se ervarings in Afghanistan. Maar dat dit jou gaan by bly en uit jou gemaksone ruk, is gewis.

Redigeerder Louis Esterhuizen ”Hierdie werk is by verre een van die mees indrukwekkende tekste wat ek tot nog toe die voorreg gehad het om te hanteer.”
Publikasiedatum: 2019-08-27
Klik om te vergroot
Klik om te vergroot
9780799396546

Fiksie: Romans

Fiksie  -  Romans
R 285
R 228Jy spaar R 57
Twee vriendinne, twee moeë huwelike en die helende krag van susterskap.

Toe Claire die krat met leë drankbottels ontdek, skiet haar gemoed vol. Sy is tot sterwens toe moeg vir haar man se drinkery en verlaat hom tydelik deur te ontsnap na haar huis by die see. Aan die ander kant dra sy swaar aan haar aandeel aan Kris se probleem. Dit grief haar dat haar man so pateties afhanklik geword het van drank en dat dit veroorsaak dat selfs sy waardigheid in die slag bly. Die ergste is sy ontkenning van die probleem en dat hy halsstarrig op 'n pad van selfvernietiging is.

Daarenteen weifel Wanda by haar eie vurk in die pad. Net toe sy dink Sephus het sy ou streke laat staan, steek dit weer kop uit en moet sy uit noodweer optree om dinge stil te hou want die dorp is klein. Sy ken haar man en sy beheer oor haar. Hy maak haar sag om haar lojaliteit te koop, maar sy is gekonfyt daarin om hom te paai en sy onbeheersde woedebuie te temper, hoewel dit nou so geëskaleer het dat dit onhoudbaar is.
Beide vriendinne sukkel om emosioneel kop bo water te hou, maar daar is troos in susterskap.
Publikasiedatum: 2019-08-27
Klik om te vergroot
Klik om te vergroot
9780795802102

Nie-fiksie / Non-fiction: Reis, Kaarte & Toerisme / Travel, Guides & Maps

Nie-fiksie / Non-fiction  -  Reis, Kaarte & Toerisme / Travel, Guides & Maps
R 275
R 220Jy spaar R 55
In 2018, kort op die hakke van sy topverkoper-memoires oor die Spaanse Camino, Elders, en die kykNET-reeks Elders: Die Camino, skiet Erns Grundling en 'n klein TV-span 'n nuwe reeks - dié keer in Japan, die land waar die Rugbywêreldbeker in 2019 en die Olimpiese Spele in 2020 plaasvind.

Sushi en shosholoza is Erns se verslag oor hierdie reis. Tussen pelgrimstogte soos die Kumano Kodo, die Camino se sustersroete, die uitklim van Mount Fuji en onderhoude met SA rugbyspelers (en sendelinge) in Japan - ook met Dan Carter én Jake White - kry lesers nes in Elders terugflitse na Erns se jeug. Van 'n laaitie wat OP se wedstryde op die ou Boet Erasmus-stadion ademloos volg tot vandag se Erns wat in sy Brave Blossoms-trui stomgeslaan sit en kyk hoe Japan nou éintlik 'n rugbywedstryd hanteer. (Wenk: Dis nie Loftus dié nie!) Hy vier ook Halloween in Osaka, drink groentee in Kyoto en raak stil in Hiroshima se Vredespark.

Kom stap nog 'n slag saam met Erns, dié keer op die plek waar talle Suid-Afrikaners in 2019 die Bokke gaan ondersteun. Konnichiwa, Japan!
Publikasiedatum: 2019-08-30
Klik om te vergroot
Klik om te vergroot
9780799396515

Fiksie: Romans

Fiksie  -  Romans
R 285
R 228Jy spaar R 57
Hoe oorleef 'n mens tragedie ná tragedie?
Neil Viljee vlug Australië toe ná ʼn tragedie, maar hy kom terug toe sy ma hom laat weet sy pa is terminaal siek: om afskeid te neem en sy ouers by te staan. Dis egter nie sy ma wat hom inwag nie. Hy tref sy pa, ʼn familievriendin en sy niggie se ontwrigte tienerdogter aan, want sy ma is onverwags dood aan ʼn hartaanval.
Neil besef dat hy in Australië net sy vroeëre rouproses uitgestel het, en die verlies aan sy ma dwing hom om die verwoestende gebeurtenis wat hom landuit laat vlug het in oënskou te neem. Karel probeer Neil help midde-in sy eie droefheid en fisieke agteruitgang. Millie skep orde terwyl sy ʼn besluit probeer neem oor haar huwelik wat in gevaar is. Charlie weet dat sy nie terug kan gaan na haar bedenklike huislike omstandighede nie, en sy probeer haar agterstallige skoolwerk inhaal en ʼn toekoms op haar eie karteer.
Elkeen verwerk die geliefde Lea se dood op ʼn eiesoortige manier. Innerlike konflik word na die oppervlak gedwing en geheime en waarhede word ontbloot. Hulle vorm ʼn unieke gesin, wat mekaar dwing tot selfondersoek, maar wat mekaar veral ondersteun en bystaan, en elkeen vind ʼn mate van vrede.
Hierdie is veral 'n storie oor die genesing van ou emosionele wonde. Die manlike hoofkarakters dryf die roman en gee insig in die manlike psige, terwyl die altyd teenwoordige kat in die skrywer se romans (byna soos in die Frans-Joodse kunstenaar Marc Chagall s'n) al sinoniem is met haar werk en al haar handelsmerk geword het.
'n Goeie jaar vir rose is Santie van der Merwe se sewende roman. Die laaste drie boeke wat dit voorafgegaan het, is: Ver in die wêreld Kittie, Die einde van die storie en Al wat oorbly.
Publikasiedatum: 2019-08-27
Klik om te vergroot
Klik om te vergroot
9781432310257

Kinders: Ouderdomsgroep 6 - 9

Vertaler: Jaco Jacobs
Kinders  -  Ouderdomsgroep 6 - 9
R 130
R 104Jy spaar R 26
Ontmoet vir Claude - 'n hond soos min!
'n Vakansie by die see word 'n asemrowende avontuur toe Claude seerowers ontmoet, op 'n skip rondvaar, en 'n skat ontdek!
Publikasiedatum: 2019-08-23
Klik om te vergroot
Klik om te vergroot
9781432310318

Kinders: Ouderdomsgroep 6 - 9

Vertaler: Jaco Jacobs
Kinders  -  Ouderdomsgroep 6 - 9
R 130
R 104Jy spaar R 26
Claude het rooimiere! Hy kan nie wag om deel te neem aan die Hengse Groot Sportdag nie. Hy wil die goue beker wen, maar dan beland dit in die kloue van twee skelm skurke. Kan Claude die toernooi red en die beker wen?
Publikasiedatum: 2019-08-23
Klik om te vergroot
Klik om te vergroot
9781432310325

Kinders: Ouderdomsgroep 6 - 9

Vertaler: Jaco Jacobs
Kinders  -  Ouderdomsgroep 6 - 9
R 130
R 104Jy spaar R 26
'n Stappie deur die dorp se strate lei tot 'n opskop en 'n stertswaai-avontuur toe Claude sy pad tot in die teater oopdans - tot reg in die kollig!
Publikasiedatum: 2019-08-23
Klik om te vergroot
Klik om te vergroot
9781432310240

Kinders: Ouderdomsgroep 6 - 9

Kinders  -  Ouderdomsgroep 6 - 9
R 130
R 104Jy spaar R 26
Ontmoet vir Claude - 'n hond soos min!
Claude gaan kuier in die stad waar hy by 'n museum inloer, 'n skelm help vastrek en almal se held word
Publikasiedatum: 2019-08-23
Klik om te vergroot
Klik om te vergroot
9781868428847

Fiksie: Romans

Fiksie  -  Romans
R 250
R 200Jy spaar R 50
As 'n polisieman in Berlyn het inspekteur Bernie Günther reeds vroeg in die 1930's met boosheid kennis gemaak. Nou, in 1947, is die Tweede Wêreldoorlog verby en Bernie - 'n gesoute privaatspeurder - moet die moord op 'n Amerikaanse Nazi-jagter ondersoek. Maar daar is een gróót probleem: die vermeende moordenaar is een van Bernie se oudste vriende, 'n kollega uit sy Kripo-dae. Moet Bernie sy lojaliteit aan sy vriend bewys, of eerder seker maak dat reg en geregtigheid seëvier? Maar skuil daar nie dalk meer agter hierdie vreemde saak nie?

In Wene, 'n eens weelderige stad wat nou in puin lê na afloop van die oorlog, volg Bernie verskeie leidrade wat almal na een verdagte lei: 'n oud-Gestapo-hoof met 'n lys van wandade wat die vergrype van die oorlog na kinderspeletjies laat lyk … Doodslied vir Duitsland, die Afrikaanse vertaling van A German Requiem, is die laaste boek in Philip Kerr se Berlin Noir-trilogie, sy historiese speurreeks wat wêreldwyd 'n topverkoper is.
Publikasiedatum: 2019-08-23
Klik om te vergroot
Klik om te vergroot
9781431622580

Christelik - Kinders: Kleuters

Illustreerder: Frank Endersby
Christelik - Kinders  -  Kleuters
R 199
R 159Jy spaar R 40
'n Versameling Bybelstories, gebede en beloftes ideaal vir 5- tot 8-jariges om die gewoonte van daaglikse stiltetyd te leer.
365 Stories, beloftes en gebede is 'n versameling Bybelstories, gebede en beloftes uit die Bybel. Die maklik-om-te-verstaan teks en pragtige illustrasies maak dit die ideale slaaptyd-storieboek vir kinders tussen 5 en 8 jaar wat die gewoonte van daaglikse stiltetyd moet leer.
Sommige van die bekende Bybelstories wat in die boek voorkom, sluit in die storie oor die skepping, Josef, die uittog uit Egipte, Simson, Dawid en Goliat, Jona, Daniël in die leeuhok, Jesus se geboorte, die barmhartige Samaritaan, die laaste paasmaaltyd, die opstanding en Jesus se hemelvaart.
Publikasiedatum: 2019-08-17
Klik om te vergroot
Klik om te vergroot
9780624084044

Kinders: Tieners

Kinders  -  Tieners
R 190
R 152Jy spaar R 38
n Storie oor obsessies. Arian en Estie is in Graad 11 in dieselfde skool. Na hulle op sosiale media vriende word, begin Estie vir Arian stalk: Aanlyn, en later ook in die werklikheid. Eers is hy vir haar net nog 'n misterieuse vreemdeling, maar soos wat sy hom dophou openbaar hy onwetend sy diepste geheime aan haar. Maar Estie het geheime van haar eie, wat sy ten alle koste verberg, selfs toe sy en Arian later vriende word: Geheime wat haar haar enigste vriend kan kos.
Publikasiedatum: 2019-08-12
Klik om te vergroot
Klik om te vergroot
9781485903857

Fiksie: Romans

Fiksie  -  Romans
R 265
R 212Jy spaar R 53
Gedurende ʼn somber wintersoggend in Johannesburg word kaptein David Majola en adjudant Jason Basson met een van die wreedste moordtonele nóg gekonfronteer: ʼn Jong vrou is wreed gemartel en van ʼn brug afgehang. Majola voel dis net die saak om hom te bewys ná ʼn vroeë bevordering en Basson reken dis sy kans om te wys dat hy eerder die bevordering waardig is. Maar Majola sukkel met dwelmverslawing en skuldgevoelens oor sy ma en suster in Alexandra, en Basson weet nie of hy meer ʼn speurder wil wees nie. Soos die slagoffers opstapel, word Majola se mentor - wat weens mediese redes, onder andere posttraumatiese stresversteuring, afgetree het - by die saak ingetrek.

Hoekom het die moordenaar ʼn nommer op elke slagoffer se rug gekrap? En hoekom word hulle so wreed gemartel en vermoor? Die spanning bereik breekpunt wanneer gerugte die ronde doen dat die moorde binne ʼn rooi monstertaxi plaasvind.

Dis 'n gejaag teen tyd om die moordenaar vas te trek, terwyl Majola en Basson se persoonlike duiwels hul bly teister.
Publikasiedatum: 2019-08-02
Klik om te vergroot
Klik om te vergroot
781485903864

Fiction: Novels

Fiction  -  Novels
R 265
R 212Jy spaar R 53
A cryptic killer is cruising the streets of Johannesburg. He's picking up young women to torture and mutilate, and it's down to Captain David Majola and Warrant Officer Jason Basson to follow the trail of blood and find him.

Majola, plagued by cocaine and lost love, feels the need to prove himself after his early promotion; his partner Basson, imprinted by the bad old days, wishes he'd walked out on the saps years ago.

Tensions between the two rise as the bodies pile up, and while newspapers and politicians hurl accusations and the taxi bosses threaten a devastating strike, Majola and Basson must face the demons of a crazy city.
Publikasiedatum: 2019-08-02
Klik om te vergroot
Klik om te vergroot

12

9781485310341

Kinders: Ouderdomsgroep 6 - 9

Illustreerder: Tony Ross
Kinders  -  Ouderdomsgroep 6 - 9
R 275
R 220Jy spaar R 55
Ontmoet vyf stuitige seuns en vyf mislike meisies!

Soos Ruda - 'n meisie wat so baie op die rusbank sit en TV kyk dat sy aan die bank vasgroei! Of Dries Drup-drup - 'n seun wie se kwyl hom op 'n skooluitstappie in allerhande moeilikheid laat beland! En moenie vergeet van Sanet Skreenet nie - 'n monsteragtige ouer suster wat liederlike leuens vertel!

Laat die blitsverkoper David Walliams jou vermaak met tien heerlik ondeunde stories oor die aardigste kinders op aarde, met vrolike volkleurillustrasies deur Tony Ross.
Publikasiedatum: 2019-08-17

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.