AFSLAG SLEGS OP AANLYNBESTELLINGS ●●● GRATIS aflewering op bestellings bo R450 in RSA

Die Groot Ontbyt Boeke

Results 1 to 15 of 29
Gesorteer volgens:  Datum van uitsending
Klik om te vergroot
Klik om te vergroot
9780799395822

Kinders: Kleuters

Vertaler: Jaco Jacobs
Illustreerder: Sarah Horne
Kinders  -  Kleuters
R 115
R 92Jy spaar R 23
'n Aangrypende verhaal oor liefde en verlies Marko se oupa is die dapperste mens wat hy ken - hy het selfs 'n medalje om dit te bewys! Saam gaan hulle op allerhande avonture soos ruimtereise en wilde jagtogte - sonder om eers die huis te verlaat! Maar toe Oupa alleen op sy laaste avontuur moet gaan is dit Marko se beurt om dapper te wees. Maar Oupa het vir hom 'n baie spesiale verrassing agtergelaat … Hierdie boek vir beginnerlesers is 'n aangrypende verhaal oor liefde en verlies. Oupa se medalje handel oor die dood van 'n geliefde (in hierdie geval die oupa). Die onderwerp word aangebied om jong kinders op 'n sagte wyse daaraan bloot te stel. Die boek is 'n hulpmiddel vir ouers om kinders wat nog nie iemand aan die dood verloor het nie voor te berei daarop, en ook om kinders wat wel iemand verloor het gerus te stel en die verlies te help verwerk.
Publikasiedatum: 2019-11-13
Klik om te vergroot
Klik om te vergroot
9780799395808

Kinders: Prenteboeke

Illustreerder: Zinelda McDonald
Kinders  -  Prenteboeke
R 140
R 112Jy spaar R 28
“Pampoenpit is besonders, sy's anders as die res. Pampoenpit weet dit nog nie, maar sy is 'n prinses! Pampoenpit het 'n groot geheim, iets wat haar vreeslik pla. Hoe raak sy van die krulledos op haar kop ontslae?” Pampoenpit het 'n geheim … Sy hou glad nie van haar hare nie! Haar wilde, woeste krulle weier om getem te word. Sy kry dit ook nie weggesteek nie. Hoekom kan haar hare nie net soos die ander kinders s'n lyk nie? Maar op 'n dag ontdek sy dat jou verskille iets is waarop jy trots kan wees … Die verteenwoordiging van meisies in boeke is baie belangrik. Die boek skakel ook in by debatte rondom die dra van hare op 'n natuurlike manier. 'n Afrikaanse én 'n Engelse weergawe van die boek word gelyktydig uitgegee. 'n Onlangse prenteboek wat deur LAPA Uitgewers uitgegee is en wat ook die bemagtiging van meisies uitbeeld, is Meisies kan enigiets doen.
Publikasiedatum: 2019-11-13
Klik om te vergroot
Klik om te vergroot
9780799395815

Children: Picture books

Illustreerder: Zinelda McDonald
Children  -  Picture books
R 140
R 112Jy spaar R 28
“Pumpkin Pie was special, Pumpkin was a queen But Pumpkin didn't know just how special she was, it seemed. Pumpkin had a secret, Something that made her sad … Pumpkin didn't like her hair. She thought her curls were bad.” Pumpkin Pie has a secret … She doesn't like her hair at all! Her wild locks just won't be tamed. She can't hide her curly hair away either. Why can't her hair just look like all her friends' hair? But she soon discovers that her curly hair makes her unique … The representation of girls in books is very important. The book also ties in with important debates surrounding the styling of natural hair. Both an English as well as an Afrikaans edition of the book will be published simultaneously. Another picture book that also represents girls and is focused on encouraging girls that they can do and be anything is Meisies kan enigiets doen.
Publikasiedatum: 2019-11-13
Klik om te vergroot
Klik om te vergroot
9780799395877

Kinders: Prenteboeke

Illustreerder: Angela Banks
Kinders  -  Prenteboeke
R 140
R 112Jy spaar R 28
Word stil en luister ... Elke Saterdagoggend gaan doen Sasha en haar gesin inkopies. Die motor vleg deur die besige verkeer. Mamma loer in die spieëltjie. “Waarom is jy vandag so stil, Sasha?” vra sy. Sasha glimlag net en beduie met haar vinger voor haar mond. Sy spits haar ore. En luister. Sy luister … Na die gedreun en getoeter van die motors in die stad, die gezoem van stemme in die winkels, die rustige gekoer van die duif in die tuin … En 'n wonderlike plan begin in haar kop broei. Hierdie splinternuwe prenteboek deur Jaco Jacobs bevat pragtige illustrasies deur die kunstenaar Angela Banks, wat 'n klassieke, kunstige element aan die teks verleen. Die sterk fokus op geluide en musiek maak hierdie 'n baie prettige voorlees boek en 'n uitstekende manier vir ouers of onderwysers om kinders aan geluide bloot te stel. Lesers leer oor verskillende geluide en hoe musiek gemaak word, daarom is hierdie boekie ideaal vir kleuters of voorskoolse kinders om sensitiwiteit vir klank te stimuleer. Die storie dra ook by tot die ontwikkeling van begrip van oorsaak en gevolg. Die namaak van klanke en geluide sal uitstekend bydra tot kleuters se verstandelike- en taalontwikkeling.
Publikasiedatum: 2019-11-11
Klik om te vergroot
Klik om te vergroot
9780799398427

Fiksie: Liefdesromans

Fiksie  -  Liefdesromans
R 285
R 228Jy spaar R 57
Jacomien wag al haar lewe lank op eendag om waarlik gelukkig te wees, net om met 'n donderknal te besef 'eendag' is hier, eendag is nóú ...
Jacomien se lewe bestaan daaruit dat sy haar man, 'n eiendomsagent, na begrafnisse vergesel om te 'netwerk' en huise wat te koop mag wees op te spoor. Dis een van die rare maniere waarop die nimlike JanKoos sy sake bedryf en goeie vrou wat sy is ondersteun sy hom daarin.
Maar Jacomien is moeg en verveeld met JanKoos en hulle manier van lewe. Sy verlaat die gesin se huis in Panorama om in 'n strandhuis te gaan bly. Haar lewe lank wag sy op eendag om waarlik gelukkig te wees, net om met 'n donderknal te besef dat eendag nie meer op háár wag nie. Eendag is hier, eendag is nóú. Jacomien is amper sestig en Vader Tyd is 'n ou bogger wat niemand ontsien nie. Ook die mooie Jacomien se uurglas loop leeg.
Om die kroon te span is haar twintigjarige dogter Klara begogel met haar filosofieprofessor en Jacomien, immer die 'interfering mother', se bekommernis hieroor dryf haar om nader kennis te maak met hierdie akademikus; want Jacomien dra die letsels van haar eie aaklige ervaring aan dieselfde universiteit. Een verkeerde keuse het 'n skadu oor die res van haar lewe gegooi en haar in 'n rigting gestuur waarin sy nie werklik wou gaan nie.
Maar haar hart is honger vir liefde en sy besef gister is verby, aan môre kan sy niks doen nie, maar sy kan elke dag leef asof dit haar laaste is. Want 'eendag' is nóú.
Publikasiedatum: 2019-11-07
Klik om te vergroot
Klik om te vergroot
9781485904113

Fiksie: Romans

Fiksie  -  Romans
R 230
R 184Jy spaar R 46
Toe Maryke 'n kwak wat gehore kamma hipnotiseer probeer ontmasker, skud iets in dié jong hipnoterapeut se onderbewuste los. Het dit te doen met die inbraak tydens haar matriekjaar? Wat is dit wat sy vergeet het?
Lukas probeer haar help. Hy is haar steunpilaar en mentor, en die man op wie sy verlief is. Ook hý moet veg om 'n greep op sy verlede te kry. Maar die bedreiging is nie net in Maryke se kop nie: Vreemde briewe en onheilspellende geskenke maak dit duidelik dat iemand haar dophou.

Iemand wat enigiets sal doen - miskien selfs sal moor - om seker te maak sy onthou.
Publikasiedatum: 2019-11-04
Klik om te vergroot
Klik om te vergroot
9780799396799

Fiksie: Romans

Fiksie  -  Romans
R 340
R 272Jy spaar R 68
Geloof en mag sorg vir 'n dodelike kat-en-muis speletjie...
Nadat die biljoenêr, Nico Cohen, die stigter van die Nikolaïete ʼn berugte internasionale geloofsorde, sterf, erf sy twintigjarige dogter, Michaela ('n loskop sosiale vlinder), sy posisie. Die oorblywende direkteure van die Orde, waarvan die hoofkantoor in Kaapstad gesetel is, die Groot Ses, stuit vir niks om te sorg dat hulle in beheer bly nie - ook nie vir moord nie. Dit gaan 'n eks-taakmaglid kos om die rykmansdogter te help om die orde se geheime oop te vlek. Josh Young het sy eie redes waarom hy die onaantasbare maatskappy se onderduimshede wil ontmasker. Saam moet hulle die Orde se geheime Alfadokument opspoor. Dis hulle enigste kans om te wys watse onheilighede werklik agter die sukses van die Groot Ses skuil. Die soektog neem hulle op 'n gevaarlike ekspedisie regoor Europa met ʼn moordenaar kort op hul hakke. Min weet hulle hoeveel bose geheime hulle gaan ontmasker.
Publikasiedatum: 2019-11-07
Klik om te vergroot
Klik om te vergroot
9781485310778

Kinders: Prenteboeke

Vertaler: Philip de Vos
Kinders  -  Prenteboeke
R 175
R 140Jy spaar R 35
Hier en daar, ja, hier en daar, woon snaakse goed, sowaar! Ontmoet 'n Jing wat sing, 'n Goks wat boks en ander diere met vreemde maniere in hierdie snaakse stories waar teenoorgesteldes, kleure, getalle en allerhande lawwe dinge ontdek word.
Publikasiedatum: 2019-11-06
Klik om te vergroot
Klik om te vergroot
9781485310792

Kinders: Prenteboeke

Vertaler: Philip de Vos
Kinders  -  Prenteboeke
R 160
R 128Jy spaar R 32
Elke Hoe het in Hoe-ville van Kersfees gepraat ...
Maar die Grons in die Noorde het Kersfees GEHAAT!

Op Oukersdag besluit die iesegrimmige Grons om Kersfees in Hoe-ville vir ewig te stop. Hy gaan steel die Hoes in Hoe-ville se kos en presente. Maar sal dit maak dat Kersfees ook wegbly?
Publikasiedatum: 2019-11-06
Klik om te vergroot
Klik om te vergroot
9781485310785

Kinders: Prenteboeke

Vertaler: Philip de Vos
Kinders  -  Prenteboeke
R 175
R 140Jy spaar R 35
Op die 15de Mei in die oerwoud van Noel
terwyl Herrie Olifant swem in sy poel
sou hy laat op een middag 'n ietsietjie hoor,
'n klein krieselklankie wat krap in sy oor …

Toe Herrie 'n klein stemmetjie om hulp hoor skree, los hy alles om sy nuwe vriend te red, want of jy groot is of klein is, jy mag van jou laat hoor! Met die snaaksste stories, die dolste diere en die raarste rympies maak Dr. Seuss lees LEKKER!
Publikasiedatum: 2019-11-06
Klik om te vergroot
Klik om te vergroot
9781485310761

Kinders: Prenteboeke

Vertaler: Philip de Vos
Kinders  -  Prenteboeke
R 150
R 120Jy spaar R 30
Kay en haar boetie gaan troeteldierwinkel toe. Hul pappa het gesê hul mag net één troeteldier kies om huis toe te neem. Maar watter een moet hul kies? 'n Hondjie, of katjie, of dalk 'n vis of 'n voël? In hierdie pragtige rymverse wys Dr. Seuss hoe moeilik dit soms kan wees om troeteldierwinkel toe te gaan en slegs één diertjie te kies!
Publikasiedatum: 2019-11-06
Klik om te vergroot
Klik om te vergroot
9781485903796

Fiksie: Romans

Fiksie  -  Romans
R 280
R 224Jy spaar R 56
Die brief wat Theresa tussen haar eksman Theo se besittings ná sy dood ontdek, skeur haar lewe oop. Jare lank het sy haar rug op Theo gedraai, 'n man wat sy laaste twee dekades in 'n inrigting moes deurbring. Só ook het sy die land se verlede weggestoot, die tyd toe tienerseuns gestuur is om aan die grens te veg - 'n plek en 'n oorlog waarvan mense tuis bitter min geweet het. Vir Theresa self was dit 'n tydperk van eerste liefdes, disko's en vakansies by die see.

Theresa besef gou die brief is deur 'n Kubaanse soldaat aan sy kind geskryf - iemand wat, indien hy of sy nog leef, nou minstens veertig jaar oud sal wees. Theresa weet in haar siel sy moet Kuba toe: om die soldaat se kind te soek, om die brief te besorg, om boete te doen vir Theo se dade en vir haar eie onkunde.

In swoel, afgeleefde Kuba, tussen kleurryke motors uit die vyftigerjare en geurige sigaarrook, word Theresa se soektog intiem vervleg met die lewens van mense wat in Angola as “die vyand” gebrandmerk is. Só ontrafel sy wat dit beteken het om groot te word in die Suid-Afrika van daardie tyd.
Publikasiedatum: 2019-11-04
Klik om te vergroot
Klik om te vergroot
9780798179829

Fiksie: Romans

Fiksie  -  Romans
R 300
R 240Jy spaar R 60
“Daar is spore doodgevee. Iemand het die opdrag gegee vir wat met daai vyf moet gebeur. En ek wil weet wie.”

Daar is raaisels wat spook by Wim Kellerman, twee jaar ná die dood van Jack Niemand. Hy en Portis praat min daaroor waar hulle woel in die kweekhuis van Wim se skoenlapperboerdery op Wildernis. Maar dit bly sluimer tussen hulle. Want wat het geword van Portis se vyf jeugvriende wat in daai verskriklike jare van die tagtigs vermis geraak het? En hoekom is die lyke van Simon Pope, die destydse hoof van Bon Accord, en sy vrou, Rachel, nooit geïdentifiseer nie?

Al manier is om terug te loop op die spoor, voetjie vir voetjie. In sy beendere weet Wim sy ou aartsvyand Simon Pope lewe nog. Dis maklik om twee en twee bymekaar te sit, so hy koop 'n kaartjie Kanada toe, kwansuis vir skoenlappersoektogte. En gaan soek die meesterbrein agter die verdwyning van vyf kinders van die Kaapse Vlakte. Kry, sal hy hom kry. Dis 'n lewenstaak - vir Portis, en vir Wim.
Publikasiedatum: 2019-10-30
Klik om te vergroot
Klik om te vergroot
9780798178945

Kinders: Prenteboeke

Illustreerder: Vian Oelofsen
Kinders  -  Prenteboeke
R 110
R 88Jy spaar R 22
Tjoppie is 'n nuuskierige klein hondjie. Vandag ontmoet hy twee maatjies wat presies dieselfde lyk. Maar hoe kan dit wees? Chewy en Lobo is 'n tweeling en hulle gaan Tjoppie leer hoe om mededeelsaam te wees. Tjoppie se prettige, kleurvolle avonture is perfek vir storietyd saam met peuters en kleuters.
Publikasiedatum: 2019-10-11
Klik om te vergroot
Klik om te vergroot
9780798178938

Kinders: Prenteboeke

Illustreerder: Vian Oelofsen
Kinders  -  Prenteboeke
R 110
R 88Jy spaar R 22
Tjoppie is 'n nuuskierige klein hondjie. Vandag ontdek hy iets eienaardigs in die tuin. Hy grawe en grawe. Fluit-Fluit waarsku hom om versigtig te wees, maar so byna krap Tjoppie Warrie Wurm se huisie heeltemal om! Gelukkig kan almal fluks help en Tjoppie kan sy nuwe skat saam met hom huis toe neem.
Tjoppie se prettige, kleurvolle avonture is perfek vir storietyd saam met peuters en kleuters.
Publikasiedatum: 2019-10-11

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.